ਉਤਰ ਪ੍ਰਦੇਸ਼ : ਹੁਣ ਤੱਕ ਤੁਸੀਂ ਸੋਨਾ, ਚਾਂਦੀ, ਰੁਪਏ ਅਤੇ ਸਾਮਾਨ ਆਦਿ ਦੀ ਚੋਰੀ ਸੁਣੀ ਹੋਵੇਗੀ ਪਰ ਉੱਤਰ ਪ੍ਰਦੇਸ਼ ਦੇ ਸ਼ਾਹਜਹਾਂਪੁਰ 'ਚ ਚੋਰਾਂ ਨੇ ਨਿੰਬੂ ਚੋਰੀ ਕਰ ਲਏ ਹਨ। ਮਹਿੰਗੇ ਭਾਅ ਕਾਰਨ ਨਿੰਬੂ ਇਸ ਸਮੇਂ 300 ਰੁਪਏ ਦੀ ਕੀਮਤ ਨੂੰ ਛੂਹ ਰਹੇ ਹਨ। ਜਿਸ ਕਾਰਨ ਚੋਰਾਂ ਨੇ ਨਿੰਬੂ ਨੂੰ ਆਪਣਾ ਨਿਸ਼ਾਨਾ ਬਣਾਇਆ ਹੈ। ਕਸ਼ਯਪ ਦੀ ਸਬਜ਼ੀ ਮੰਡੀ ਵਿੱਚ ਇਕ ਦੁਕਾਨ ਹੈ ਜਿੱਥੇ ਉਹ ਸਿਰਫ਼ ਨਿੰਬੂ, ਹਰੀ ਮਿਰਚ, ਪਿਆਜ਼ ਅਤੇ ਲਸਣ ਵੇਚਦਾ ਹੈ।
ਵਪਾਰੀ ਦਾ ਕਹਿਣਾ ਹੈ ਕਿ ਦੇਰ ਰਾਤ ਚੋਰਾਂ ਨੇ ਉਸ ਦੇ ਗੋਦਾਮ ਵਿੱਚ ਛਾਪਾ ਮਾਰ ਕੇ ਮਹਿੰਗੇ ਨਿੰਬੂ ਅਤੇ ਹੋਰ ਸਬਜ਼ੀਆਂ ਚੋਰੀ ਕਰ ਲਈਆਂ। ਇਨ੍ਹੀਂ ਦਿਨੀਂ ਖੁੱਲ੍ਹੇ ਬਾਜ਼ਾਰ 'ਚ ਨਿੰਬੂ ਦੀ ਕੀਮਤ 300 ਰੁਪਏ ਤੱਕ ਪਹੁੰਚ ਗਈ ਹੈ। ਜਿਸ ਕਾਰਨ ਨਿੰਬੂ ਦੀ ਮੰਗ ਵੀ ਵਧ ਗਈ ਹੈ। ਚੋਰਾਂ ਨੇ ਗੋਦਾਮ 'ਚ ਛਾਪਾ ਮਾਰ ਕੇ 60 ਕਿਲੋ ਨਿੰਬੂ, 40 ਕਿਲੋ ਪਿਆਜ਼ ਅਤੇ 38 ਕਿਲੋ ਲਸਣ ਚੋਰੀ ਕਰ ਲਿਆ।
ਚੋਰੀ ਹੋਏ ਨਿੰਬੂ ਦੀ ਕੀਮਤ ਕਰੀਬ 20 ਹਜ਼ਾਰ ਰੁਪਏ ਦੱਸੀ ਜਾ ਰਹੀ ਹੈ। ਸਬਜ਼ੀਆਂ ਦੀ ਚੋਰੀ ਹੋਣ ਕਾਰਨ ਵਪਾਰੀਆਂ ਵਿੱਚ ਭਾਰੀ ਰੋਸ ਹੈ। ਫਿਲਹਾਲ ਕਾਰੋਬਾਰੀ ਨੇ ਪੁਲਿਸ ਕੋਲ ਕੋਈ ਸ਼ਿਕਾਇਤ ਦਰਜ ਨਹੀਂ ਕਰਵਾਈ ਹੈ। ਇਲਾਕੇ ਵਿੱਚ ਖਾਸ ਕਰਕੇ ਨਿੰਬੂ ਦੀ ਚੋਰੀ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।
ਸਬਜ਼ੀ ਵਪਾਰੀ ਮਨੋਜ ਕਸ਼ਯਪ ਦਾ ਕਹਿਣਾ ਹੈ ਕਿ ਕੱਲ੍ਹ ਮੰਡੀ 'ਚ ਸਬਜ਼ੀ ਦੀ ਦੁਕਾਨ ਲਗਾ ਕੇ ਉਹ ਰਾਤ ਨੂੰ ਆਪਣੇ ਘਰ ਗਿਆ ਸੀ ਵਪਾਰੀ ਦਾ ਕਹਿਣਾ ਹੈ ਕਿ ਇਸ ਸਮੇਂ ਨਿੰਬੂ ਬਹੁਤ ਮਹਿੰਗੇ ਚੱਲ ਰਹੇ ਹਨ। ਇਸ ਲਈ ਚੋਰਾਂ ਨੇ ਨਿੰਬੂਆਂ ਨੂੰ ਆਪਣਾ ਨਿਸ਼ਾਨਾ ਬਣਾਇਆ ਹੈ।
ਇਹ ਵੀ ਪੜ੍ਹੋ:- ਸ਼ਾਹਬਾਜ਼ ਸ਼ਰੀਫ ਨਿਰਵਿਰੋਧ ਚੁਣੇ ਗਏ ਪਾਕਿਸਤਾਨ ਦੇ ਪੀਐਮ, ਸ਼ਾਮ 8 ਵਜੇ ਪ੍ਰਧਾਨ ਮੰਤਰੀ ਅਹੁਦੇ ਦੀ ਚੁੱਕਣਗੇ ਸਹੁੰ
