ਹੈਦਰਾਬਾਦ: ਹਾਲ ਹੀ, 'ਚ ਅਦਾਕਾਰਾ ਸੁਸ਼ਮਿਤਾ ਸੇਨ ਦੀ ਵੈੱਬ ਸੀਰੀਜ਼ ਰਿਲੀਜ਼ ਹੋਈ ਸੀ ਜਿਸ ਵਿੱਚ ਗੌਰੀ ਸਾਵੰਤ ਦੀ ਜ਼ਿੰਦਗੀ ਦਾ ਸੰਘਰਸ਼ ਦਿਖਾਇਆ ਗਿਆ। ਗੌਰੀ ਸਾਵੰਤ ਨੇ ਇੱਕ ਟਰਾਂਸਜੈਂਡਰ ਹੁੰਦੇ ਹੋਏ ਆਪਣੇ ਆਪ ਨੂੰ ਦੁਨੀਆ ਦੇ ਔਰਤਾਂ ਅਤੇ ਮਰਦਾਂ ਦੇ ਬਰਾਬਰ ਦੇ ਅਧਿਕਾਰਾਂ ਲਈ ਲੜਾਈ ਲੜੀ ਸੀ, ਇਸ ਵਿੱਚ ਉਹ ਸਫਲ ਹੋਏ ਅਤੇ ਉਨ੍ਹਾਂ ਨੇ ਬਰਾਬਰ ਅਧਿਕਾਰ ਦੁਨੀਆ ਦੇ ਹਰ ਟਰਾਂਸਜੈਂਡਰਾਂ ਨੂੰ ਦਵਾਏ। ਅਜਿਹੀ ਹੀ ਕਹਾਣੀ ਸਾਹਮਣੇ ਆਈ ਹੈ, ਤੇਲੰਗਾਨਾਂ ਤੋਂ, ਜਿੱਥੇ ਮੈਡੀਕਲ ਸਿੱਖਿਆ ਦੇ ਖੇਤਰ ਵਿੱਚ ਪਹਿਲੀ ਵਾਰ ਕਿਸੇ ਟਰਾਂਸਜੈਂਡਰ ਨੇ ਪੀਜੀ ਮੈਡੀਕਲ ਸੀਟ ਹਾਸਲ ਕੀਤੀ ਹੈ। ਖਮਾਮ ਦੇ ਰਹਿਣ ਵਾਲੇ ਡਾ.ਰੂਥਪਾਲ ਜੌਹਨ ਇੱਕ ਅਨਾਥ ਵੱਜੋਂ ਜ਼ਿੰਦਗੀ ਵਤੀਤ ਕੀਤੀ ਹੈ। ਪਰ, ਉਨ੍ਹਾਂ ਦੀ ਪੜ੍ਹਾਈ ਪ੍ਰਤੀ ਮਿਹਨਤ ਅਤੇ ਲਗਨ ਨੇ ਅੱਜ ਇਸ ਮੁਕਾਮ ਉੱਤੇ ਪਹੁੰਚਾ ਦਿੱਤਾ ਕਿ ਹਰ ਪਾਸੇ ਚਰਚਾ ਹੋ ਰਹੀ ਹੈ। ਰੂਥਪਾਲ ਕੜੀ ਮਿਹਨਤ ਨਾਲ ਐਮਬੀਬੀਐਸ ਕਰਨ ਤੋਂ ਬਾਅਦ, ਇਸ ਸਮੇਂ ਹੈਦਰਾਬਾਦ ਦੇ ਓਸਮਾਨੀਆ ਮੈਡੀਕਲ ਕਾਲਜ ਦੇ ਏਆਰਟੀ ਸੈਂਟਰ ਵਿੱਚ ਕੰਮ ਕਰ ਰਹੇ ਹਨ।
ਸਮਾਜ ਸੇਵੀਆਂ ਦੀ ਮਦਦ ਨਾਲ ਅੱਗੇ ਵੱਧ ਰਹੇ ਕਦਮ : ਦੱਸਣਯੋਗ ਹੈ ਕਿ ਤੇਲੰਗਾਨਾ ਦੀ 29 ਸਾਲਾ ਰੂਥ ਜੌਨ ਕੋਇਲਾ ਨੇ ਟਰਾਂਸਜੈਂਡਰ ਸ਼੍ਰੇਣੀ ਦੇ ਤਹਿਤ ਮੈਡੀਸਨ ਵਿੱਚ ਪੋਸਟ ਗ੍ਰੈਜੂਏਟ ਡਿਗਰੀ ਲਈ ਯੋਗਤਾ ਪੂਰੀ ਕਰਕੇ ਪਹਿਲਾ ਸਥਾਨ ਹਾਸਲ ਕੀਤਾ ਹੈ ਅਤੇ ਹੁਣ ਅਗਲੀ ਪੜ੍ਹਾਈ ਲਈ ਉਨ੍ਹਾਂ ਦੀ ਮਦਦ ਲਈ ਸਮਾਜ ਸੇਵੀ ਅੱਗੇ ਆਏ ਹਨ। ਇਸ ਦੇ ਨਾਲ ਹੀ, ਉਨ੍ਹਾਂ ਦੀ ਮਦਦ ਸਾਥੀਆਂ ਵੱਲੋਂ ਵੀ ਕੀਤੀ ਜਾ ਰਹੀ ਹੈ, ਜਿਨ੍ਹਾਂ ਨੇ ਫੀਸ ਭਰੀ ਹੈ। ਇਨ੍ਹਾਂ ਵਿੱਚ ਓਸਮਾਨੀਆ ਜਨਰਲ ਹਸਪਤਾਲ (OGH) ਦੇ ਡਾਕਟਰਾਂ ਅਤੇ ਸਟਾਫ ਨੇ 1 ਲੱਖ ਰੁਪਏ ਦਾ ਯੋਗਦਾਨ ਪਾਇਆ, ਜਦਕਿ ਬਾਕੀ 1.5 ਲੱਖ ਰੁਪਏ ਹੈਲਪਿੰਗ ਹੈਂਡ ਫਾਊਂਡੇਸ਼ਨ-ਸਪੋਰਟ ਫਾਰ ਐਜੂਕੇਸ਼ਨਲ ਐਂਡ ਇਕਨਾਮਿਕ ਡਿਵੈਲਪਮੈਂਟ ਤੋਂ ਆਏ।
ਰੂੜੀਵਾਦੀ ਸੋਚ ਨੂੰ ਖ਼ਤਮ ਕਰਨਾ ਹੈ ਅਹਿਮ ਟੀਚਾ : ਰੂਥ ਨੇ ਕਿਹਾ ਕਿ ਉਸ ਦੀ ਪ੍ਰਾਪਤੀ ਟਰਾਂਸਜੈਂਡਰ ਲੋਕਾਂ ਦੇ ਆਲੇ ਦੁਆਲੇ ਦੇ ਰੂੜ੍ਹੀਵਾਦੀ ਸੋਚ ਨੂੰ ਖ਼ਤਮ ਕਰਨ ਦੀ ਚੁਣੌਤੀ ਹੈ। ਉਨ੍ਹਾਂ ਕਿਹਾ ਕਿ ਹੁਣ ਤੱਕ ਕਈ ਦਰਵਾਜ਼ੇ ਖੜਕਾਉਣ, ਵੱਖ-ਵੱਖ ਵਿਭਾਗਾਂ ਅਤੇ ਮੰਤਰੀਆਂ ਨੂੰ 20 ਤੋਂ ਵੱਧ ਪ੍ਰਤੀਨਿਧਤਾਵਾਂ ਸੌਂਪਣ ਦੇ ਔਖੇ ਸਫ਼ਰ ਨੂੰ ਪਾਰ ਕਰਕੇ ਅੱਜ ਇਸ ਸਥਾਨ ਨੂੰ ਹਾਸਿਲ ਕੀਤਾ ਹੈ। ਟਰਾਂਸਜੈਂਡਰਾਂ ਨੂੰ ਸਮਾਜ ਦੀ ਮੁੱਖ ਧਾਰਾ ਵਿੱਚ ਲਿਆਉਣ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ ਅਤੇ ਸਰਕਾਰ ਵੀ ਇਸ ਦਿਸ਼ਾ ਵਿੱਚ ਕਈ ਕਦਮ ਚੁੱਕ ਰਹੀ ਹੈ। ਕਈ ਐਨਜੀਓ ਅਤੇ ਸੰਸਥਾਵਾਂ ਇਸ ਨੂੰ ਉਤਸ਼ਾਹਿਤ ਕਰ ਰਹੀਆਂ ਹਨ। ਜਿਨਾਂ ਦੇ ਸਦਕਾ ਹੁਣ ਆਉਣ ਵਾਲੇ ਸਾਲਾਂ ਵਿੱਚ, ਬਹੁਤ ਸਾਰੇ ਟਰਾਂਸਜੈਂਡਰ ਸਰਕਾਰੀ ਨੌਕਰੀਆਂ ਹਾਸਿਲ ਕਰਨਗੇ। ਇਸ ਦੇ ਨਾਲ ਹੀ ਕਈ ਟਰਾਂਸਜੈਂਡਰਾਂ ਨੇ ਰਾਜਨੀਤੀ ਵਿੱਚ ਵੀ ਸ਼ਲਾਘਾਯੋਗ ਕੰਮ ਕੀਤਾ ਹੈ। ਇਸ ਨਾਲ ਉਹਨਾਂ ਦਾ ਅਕਸ ਸੁਧਰਿਆ ਹੈ ਜਿਸ ਲਈ ਬੇਹੱਦ ਖੁਸ਼ੀ ਜ਼ਾਹਿਰ ਕੀਤੀ ਹੈ।
- ਸੁਖਬੀਰ ਬਾਦਲ ਨੇ ਸੀਐੱਮ ਮਾਨ ਨੂੰ ਆਖਿਆ ਤਾਨਾਸ਼ਾਹ , ਕਿਹਾ-ਲੋਕ ਸਭਾ ਚੋਣਾਂ 'ਚ ਜਨਤਾ ਕਰੇਗੀ ਇਨਸਾਫ਼, ਕੇਂਦਰ ਸਰਕਾਰ ਨੂੰ ਵੀ ਲਿਆ ਨਿਸ਼ਾਨੇ 'ਤੇ
- ਸਿਮਰਨਜੀਤ ਮਾਨ ਦਾ ਕੇਂਦਰ ਅਤੇ ਪੰਜਾਬ ਸਰਕਾਰ 'ਤੇ ਵਾਰ, ਕਿਹਾ-ਹੱਕ ਮੰਗਦੇ ਲੋਕਾਂ ਨੂੰ ਡੰਡੇ ਦੇ ਜ਼ੋਰ 'ਤੇ ਦਬਾਉਣਾ ਚਾਹੁੰਦੀ ਹੈ ਸਰਕਾਰ
- ਜਰਮਨੀ ਦੀਆਂ ਸਕੀਆਂ ਭੈਣਾਂ ਪਹੁੰਚੀਆਂ ਸਿੱਧੂ ਮੂਸੇ ਵਾਲਾ ਦੀ ਹਵੇਲੀ, ਪਰਿਵਾਰ ਨੂੰ ਮਿਲ ਕੇ ਜਤਾਈ ਖੁਸ਼ੀ
ਲੋੜਵੰਦ ਲੋਕਾਂ ਦੀ ਮਦਦ ਕਰਨ ਦੀ ਪਹਿਲ: ਉਹ ਆਪਣੇ ਵਰਗੇ ਗਰੀਬ ਮਰੀਜ਼ਾਂ ਦੀ ਸੇਵਾ ਕਰ ਰਹੀ ਹੈ ਜੋ ਵੱਖ-ਵੱਖ ਮਾਨਸਿਕ ਅਤੇ ਸਰੀਰਕ ਸਮੱਸਿਆਵਾਂ ਨਾਲ ਜੂਝ ਰਹੇ ਟਰਾਂਸਜੈਂਡਰ ਹਨ। ਡਾ. ਰੂਥ ਪੌਲ ਮੈਡੀਕਲ ਸਿੱਖਿਆ ਵਿੱਚ ਹੋਰ ਪੜ੍ਹਾਈ ਕਰਨ ਦੀ ਇੱਛਾ ਰੱਖਦੀ ਹੈ। ਇੱਕ ਪਾਸੇ ਕੰਮ ਕਰਦੇ ਹੋਏ ਦੂਜੇ ਪਾਸੇ ਸਖ਼ਤ ਮਿਹਨਤ ਕਰਕੇ ਪੀਜੀ NEET ਵਿੱਚ ਰੈਂਕ ਹਾਸਲ ਕੀਤਾ। ਹਾਲ ਹੀ ਵਿੱਚ ਹੈਦਰਾਬਾਦ ਈਐਸਆਈ ਮੈਡੀਕਲ ਕਾਲਜ ਵਿੱਚ ਐਮਡੀ ਐਮਰਜੈਂਸੀ ਕੋਰਸ ਵਿੱਚ ਸੀਟ ਪ੍ਰਾਪਤ ਕੀਤੀ। ਡਾ.ਰੂਥਪਾਲ ਨੇ ਕਿਹਾ ਕਿ ਉਸ ਨੇ ਪ੍ਰਾਪਤ ਕੀਤੀ ਸਿੱਖਿਆ ਨਾਲ ਉਹ ਆਪਣੇ ਵਾਂਗ ਗਰੀਬਾਂ ਅਤੇ ਲੋਕਾਂ ਦੀ ਸੇਵਾ ਕਰੇਗੀ।
