ਅੰਮ੍ਰਿਤਸਰ: ਕਰਨਾਟਕ ਹਿਜਾਬ ਮਾਮਲੇ ਤੋਂ ਬਾਅਦ ਹੁਣ ਮੱਧਿਆ ਪ੍ਰਦੇਸ਼ ਵਿਚ ਇੱਕ ਯੂਨੀਵਰਸਿਟੀ ਵਿੱਚ ਇੱਕ ਮੁਸਲਮਾਨ ਲੜਕੀ ਵੱਲੋਂ ਹਿਜਾਬ ਪਹਿਨ ਕਲਾਸਰੂਮ ਚ ਨਮਾਜ਼ ਪੜ੍ਹਨ ਦਾ ਮਾਮਲਾ ( student in hijab offers namaz in classroom) ਸਾਹਮਣੇ ਆਇਆ ਹੈ। ਨਮਾਜ਼ ਅਦਾ ਕਰਨ ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਣ ਤੋਂ ਬਾਅਦ ਲਗਾਤਾਰ ਹੀ ਇਹ ਮਾਮਲਾ ਤੂਲ ਫੜਦਾ ਹੋਇਆ ਦਿਖਾਈ ਦੇ ਰਿਹਾ ਹੈ।
ਇਸ ਮਾਮਲੇ ’ਤੇ ਅੰਮ੍ਰਿਤਸਰ ਵਕਫ ਬੋਰਡ ਦੇ ਪੰਜਾਬ ਮੈਂਬਰ ਅਤੇ ਕਾਂਗਰਸੀ ਆਗੂ ਅੱਬਾਸ ਰਾਜਾ ਨੇ ਕਿਹਾ ਕਿ ਜੇ ਕੋਈ ਲੜਕੀ ਨਮਾਜ਼ ਦੇ ਟਾਈਮ ਸਕੂਲ ਤੋਂ ਬਾਹਰ ਆ ਕੇ ਕਿਸੇ ਸੈਪਰੇਟ ਰੂਮ ਦੇ ਵਿਚ ਨਮਾਜ਼ ਪੜ੍ਹਦੀ ਹੈ ਤੇ ਇਸ ਨਾਲ ਕਿਸੇ ਨੂੰ ਕਿਸੇ ਵੀ ਤਰ੍ਹਾਂ ਦੀ ਕੋਈ ਪਰੇਸ਼ਾਨੀ ਨਹੀਂ ਹੋਣੀ ਚਾਹੀਦੀ ਉਨ੍ਹਾਂ ਕਿਹਾ ਕਿ ਭਾਜਪਾ ਸਿਰਫ ਇਸ ਮਾਮਲੇ ਨੂੰ ਤੂਲ ਦੇ ਰਹੀ ਹੈ ਅਤੇ 2024 ਦੀਆਂ ਵੋਟਾਂ ਲਈ ਬੀਜੇਪੀ ਤਿਆਰੀ ਕਰ ਰਹੀ ਹੈ ਜਿਸਦੇ ਲਈ ਉਨ੍ਹਾਂ ਵੱਲੋਂ ਗਰਾਊਂਡ ਬਣਾਉਣੀ ਸ਼ੁਰੂ ਕਰ ਦਿੱਤੀ ਤਾਂ ਜੋ ਕਿ ਲੋਕਾਂ ਦੇ ਮਨਾਂ ’ਚ ਜ਼ਹਿਰ ਭਰ ਜਾਵੇ। ਵਕਫ ਬੋਰਡ ਦੇ ਇਸ ਮੈਂਬਰ ਨੇ ਕਿਹਾ ਕਿ ਭਾਜਪਾ ਹਿੰਦੂ ਅਤੇ ਮੁਸਲਮਾਨਾਂ ਉੱਤੇ ਸਿਆਸੀ ਰੋਟੀਆਂ ਸੇਕਦੀ ਹੈ।
ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਜਦੋਂ ਦੇਸ਼ ਵਿੱਚ ਕਾਂਗਰਸ ਦਾ ਰਾਜ ਹੁੰਦਾ ਸੀ ਤਾਂ ਉਦੋਂ ਕਿਸੇ ਵੀ ਤਰੀਕੇ ਨਾਲ ਲੋਕਾਂ ’ਚ ਹਿੰਸਕ ਭਟਕਾਉਣ ਵਾਲਾ ਕੰਮ ਕਾਂਗਰਸ ਨੇ ਕਦੀ ਨਹੀਂ ਕੀਤਾ ਉਸਦੇ ਨਾਲ ਹੀ ਮੋਦੀ ਸਰਕਾਰ ’ਤੇ ਨਿਸ਼ਾਨਾ ਸਾਧਦੇ ਹੋਏ ਅੱਬਾਸ ਰਾਜਾ ਨੇ ਕਿਹਾ ਕਿ ਕਿ ਮੋਦੀ ਸਰਕਾਰ ਦਾ ਇੱਕੋ ਇੱਕ ਏਜੰਡਾ ਹੈ ਕਿ ਲੋਕਾਂ ਨੂੰ ਆਪਸ ਵਿੱਚ ਪਾੜ ਕੇ ਰੱਖੋ ਅਤੇ ਉਨ੍ਹਾਂ ’ਤੇ ਰਾਜ ਕਰੋ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਇਸ ਚੀਜ਼ ਦੀ ਸਮਝ ਨਹੀਂ ਆ ਰਹੀ ਕਿ ਇਸ ਦੇਸ਼ ਵਿੱਚ ਹਿਜਾਬ ਦਾ ਵਿਰੋਧ ਕਿਉਂ ਕੀਤਾ ਜਾ ਰਿਹਾ ਹੈ ਜਦੋਂ ਕਿ ਹਰ ਧਰਮ ਦੇ ਲੋਕ ਆਪੋ ਆਪਣੇ ਤਰੀਕੇ ਨਾਲ ਰਹਿੰਦੇ ਅਤੇ ਕਈ ਹੋਰਨਾਂ ਧਰਮਾਂ ਦੇ ਲੋਕ ਵੀ ਪੁਰਾਣੀ ਰਵਾਇਤਾਂ ਦੇ ਅਨੁਸਾਰ ਆਪਣਾ ਚਿਹਰਾ ਢੱਕ ਕੇ ਰੱਖਦੇ ਹਨ ਜਿਸ ਨਾਲ ਕਿ ਔਰਤ ਦੀ ਇੱਜ਼ਤ ਆਬਰੂ ਬਣੀ ਰਹੇ।
ਇਹ ਵੀ ਪੜ੍ਹੋ: ਹਿਜਾਬ ਵਿਵਾਦ: ਕਰਨਾਟਕ ਹਾਈ ਕੋਰਟ ਦੇ ਫ਼ੈਸਲੇ ਖ਼ਿਲਾਫ਼ ਮੁਸਲਿਮ ਪਰਸਨਲ ਲਾਅ ਬੋਰਡ ਪਹੁੰਚਿਆ ਸੁਪਰੀਮ ਕੋਰਟ
