ਜੰਮੂ: ਬੁੱਧਵਾਰ ਅਤੇ ਵੀਰਵਾਰ ਦੀ ਦਰਮਿਆਨੀ ਰਾਤ ਨੂੰ, ਪੁੰਛ ਜ਼ਿਲ੍ਹੇ ਦੀ ਮੇਂਢਰ ਤਹਿਸੀਲ ਦੇ ਮਾਨਕੋਟ ਸੈਕਟਰ ਵਿੱਚ ਕੰਟਰੋਲ ਰੇਖਾ ਨੇੜੇ ਭੇਤਭਰੇ ਹਾਲਾਤਾਂ ਵਿੱਚ ਗੋਲੀਬਾਰੀ ਵਿੱਚ ਭਾਰਤੀ ਫੌਜ ਦਾ ਇੱਕ ਜਵਾਨ ਸ਼ਹੀਦ ਹੋ ਗਿਆ। ਜਾਣਕਾਰੀ ਅਨੁਸਾਰ ਮ੍ਰਿਤਕ ਦੀ ਪਛਾਣ ਕਾਂਸਟੇਬਲ ਮੰਧੂ ਸਿੰਘ ਵਜੋਂ ਹੋਈ ਹੈ। ਉਹ ਪੁਣਛ ਜ਼ਿਲ੍ਹੇ ਦੀ ਮੇਂਢਰ ਤਹਿਸੀਲ ਦੇ ਮਾਨਕੋਟ ਸੈਕਟਰ ਵਿੱਚ ਕੰਟਰੋਲ ਰੇਖਾ ਨੇੜੇ ਤਾਇਨਾਤ ਸੀ।
ਉਸ ਦੀ ਡਿਊਟੀ ਫਬਾਡਾ ਗਲੀ ਚੌਂਕੀ 'ਤੇ ਸੀ। ਫੌਜ ਵੱਲੋਂ ਜਾਰੀ ਬਿਆਨ 'ਚ ਕਿਹਾ ਗਿਆ ਹੈ ਕਿ ਰਹੱਸਮਈ ਹਾਲਾਤ 'ਚ ਗੋਲੀਬਾਰੀ ਦੀ ਆਵਾਜ਼ ਸੁਣ ਕੇ ਫੌਜ ਦੇ ਹੋਰ ਜਵਾਨ ਹਾਦਸੇ ਵਾਲੀ ਥਾਂ 'ਤੇ ਪਹੁੰਚ ਗਏ।
ਜਦੋਂ ਸਿਪਾਹੀ ਉਥੇ ਪਹੁੰਚੇ ਤਾਂ ਉਨ੍ਹਾਂ ਨੇ ਕਾਂਸਟੇਬਲ ਮੰਧੂ ਸਿੰਘ ਨੂੰ ਖੂਨ ਨਾਲ ਲੱਥਪੱਥ ਦੇਖਿਆ। ਉਸ ਨੂੰ ਤੁਰੰਤ ਮਿਲਟਰੀ ਮੈਡੀਕਲ ਕੈਂਪ ਲਿਜਾਇਆ ਗਿਆ। ਜਿੱਥੇ ਫੌਜੀ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦੇ ਦਿੱਤਾ।
- Dehradun gold robbery: ਦੇਹਰਾਦੂਨ ਜਵੈਲਰੀ ਸ਼ੋਅਰੂਮ ਲੁੱਟ ਕਾਂਡ ਦੇ ਮਾਸਟਰਮਾਈਂਡ ਸਣੇ 4 ਸਾਥੀ ਗ੍ਰਿਫ਼ਤਾਰ, ਪੱਛਮੀ ਬੰਗਾਲ ਮਾਮਲੇ ਨਾਲ ਵੀ ਜੁੜੀਆਂ ਤਾਰਾਂ
- ਸੁਕੇਸ਼ ਚੰਦਰਸ਼ੇਖਰ ਦੀਆਂ ਲਗਜ਼ਰੀ ਗੱਡੀਆਂ ਦੀ ਹੋਵੇਗੀ ਨਿਲਾਮੀ, ਬੈਂਗਲੁਰੂ ਇਨਕਮ ਟੈਕਸ ਵਿਭਾਗ ਨੇ ਲਿਆ ਫੈਸਲਾ
- NOTICE ISSUED TO SHAH RUKH KHAN AND MESSI: ਸ਼ਾਹਰੁਖ ਖਾਨ ਅਤੇ ਫੁੱਟਬਾਲਰ ਲਿਓਨਲ ਮੇਸੀ ਨੂੰ ਨੋਟਿਸ ਜਾਰੀ,ਕਾਰਨ ਜਾਣੋ
- Pollution level in Delhi NCR: ਪਿਛਲੇ ਪੰਜ ਦਿਨਾਂ ਤੋਂ ਵਿਗੜਿਆ ਦਿੱਲੀ-ਐਨਸੀਆਰ ਦਾ ਵਾਤਾਵਰਣ,ਆਉਣ ਵਾਲੇ ਦਿਨ ਵੀ ਹੋਣਗੇ ਪ੍ਰਭਾਵਿਤ
ਬਾਅਦ ਵਿੱਚ ਇਸ ਘਟਨਾ ਦੀ ਸੂਚਨਾ ਮਿਲਟਰੀ ਅਧਿਕਾਰੀਆਂ ਨੂੰ ਦਿੱਤੀ ਗਈ। ਸੂਚਨਾ ਮਿਲਦੇ ਹੀ ਫੌਜੀ ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਸੂਚਨਾ ਮਿਲਦੇ ਹੀ ਮੇਂਢਰ ਪੁਲਿਸ ਟੀਮ ਵੀ ਮੌਕੇ 'ਤੇ ਪਹੁੰਚ ਗਈ। ਪੁਲਿਸ ਨੇ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਗੋਲੀਬਾਰੀ 'ਚ ਸ਼ਹੀਦ ਹੋਏ ਕਾਂਸਟੇਬਲ ਮੰਧੂ ਸਿੰਘ ਭਾਰਤੀ ਫੌਜ ਦੀ 15 ਰਾਜ ਰਾਈਫਲ ਬਟਾਲੀਅਨ 'ਚ ਸੇਵਾ ਨਿਭਾਅ ਰਹੇ ਸਨ। ਉਹ ਮੂਲ ਰੂਪ ਵਿੱਚ ਜੋਧਪੁਰ ਦਾ ਰਹਿਣ ਵਾਲਾ ਸੀ।
