ਪਾਲਮਪੁਰ: ਕਾਂਗੜਾ ਜ਼ਿਲ੍ਹੇ ਵਿੱਚ ਔਰਤਾਂ ਖਿਲਾਫ ਅਪਰਾਧ ਰੁਕਣ ਦਾ ਨਾਂਅ ਨਹੀਂ ਲੈ ਰਹੇ ਹਨ। ਇਕ ਪਾਸੇ ਰੱਖੜੀ ਦੇ ਦਿਨ, ਜਿੱਥੇ ਭੈਣਾਂ ਆਪਣੇ ਭਰਾ ਦੇ ਗੁੱਟ 'ਤੇ ਰੱਖੜੀ ਬੰਨ੍ਹ ਰਹੀਆਂ ਸੀ। ਉਸੇ ਸਮੇਂ ਜ਼ਿਲ੍ਹੇ ਵਿੱਚ ਇੱਕ ਘਿਣਾਉਣੀ ਘਟਨਾ ਵਾਪਰ ਰਹੀ ਸੀ। ਇੱਕ ਨੌਜਵਾਨ 90 ਸਾਲ ਦੇ ਬਜ਼ੁਰਗ ਆਦਮੀ ਨੂੰ ਆਪਣੀ ਲਾਲਸਾ ਦਾ ਸ਼ਿਕਾਰ ਬਣਾਉਣ ਦੇ ਇਰਾਦੇ ਨਾਲ ਇੱਕ ਬਜ਼ੁਰਗ ਔਰਤ ਦੇ ਕਮਰੇ ਵਿੱਚ ਦਾਖਲ ਹੋਇਆ। ਹਾਲਾਂਕਿ ਬਜ਼ੁਰਗ ਔਰਤ ਦੀ ਹਿੰਮਤ ਦੇ ਸਾਹਮਣੇ ਉਸਦੀ ਇੱਕ ਨਾ ਚਲੀ ਅਤੇ ਕਿਸੇ ਤਰ੍ਹਾਂ ਔਰਤ ਨੇ ਆਪਣੇ ਆਪ ਨੂੰ ਉਸ ਤੋਂ ਬਚਾ ਲਿਆ। ਜਦੋਂ ਨੌਜਵਾਨ ਦੀ ਇੱਕ ਨਾ ਚਲੀ ਤਾਂ ਉਸਨੇ ਔਰਤ ਨੂੰ ਕਮਰੇ ਚੋਂ ਘੜੀਸ ਕੇ ਖੇਤਾਂ ਚ ਸੁੱਟ ਦਿੱਤਾ।
ਖੇਤਾਂ ਚ ਸੁੱਟਣ ਤੋਂ ਬਾਅਦ ਨੌਜਵਾਨ ਉਸ ਨੂੰ ਮਾਰਨ ਲੱਗਾ ਜਦੋ ਮਹਿਲਾ ਬੇਹੋਸ਼ ਹੋ ਗਈ ਤਾਂ ਨੌਜਵਾਨ ਉੱਥੇ ਇਹ ਸਮਝ ਕੇ ਭੱਜ ਗਿਆ ਕਿ ਔਰਤ ਮਰ ਚੁੱਕੀ ਹੈ। ਜਦੋ ਔਰਤ ਨੂੰ ਹੋਸ਼ ਆਇਆ ਤਾਂ ਉਹ ਆਪਣੇ ਕਮਰੇ ਚ ਪਹੁੰਚੀ ਤਾਂ ਉਸਨੇ ਆਪਣੀ ਨੂੰਹ ਨੂੰ ਸਾਰੀ ਘਟਨਾ ਬਾਰੇ ਦੱਸਿਆ। ਇਸ ਤੋਂ ਬਾਅਦ ਘਰ ਵਾਲ ਔਰਤ ਨੂੰ ਹਸਪਤਾਲ ਲੈ ਗਏ ਅਤੇ ਪੁਲਿਸ ਚ ਵੀ ਮਾਮਲਾ ਦਰਜ ਕਰਵਾਇਆ। ਪਰਿਵਾਰਿਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਪੁਲਿਸ ਨੇ ਅਜੇ ਤੱਕ ਕੋਈ ਠੋਸ ਕਾਰਵਾਈ ਨਹੀਂ ਕੀਤੀ ਹੈ। ਅਤੇ ਮੁਲਜ਼ਮ ਅਜੇ ਵੀ ਫਰਾਰ ਹੈ।
ਇਹ ਵੀ ਪੜੋ: ਸਹੁਰੇ ਪਰਿਵਾਰ ਤੋਂ ਦੁੱਖੀ ਲੜਕੀ ਨੇ ਲਿਆ ਫਾਹਾ
ਮੁਲਜ਼ਮ ਨੂੰ ਸਜ਼ਾ ਦਿਵਾਉਣ ਦੇ ਲਈ ਹੁਣ ਪੀੜਤ ਔਰਤ ਦੇ ਪਰਿਵਾਰਿਕ ਮੈਂਬਰ ਡੀਐਸਪੀ ਦੇ ਦਫਤਰ ਪਹੁੰਚੇ ਅਤੇ ਉਨ੍ਹਾਂ ਦੇ ਸਾਹਮਣੇ ਆਪਣੀ ਫਰਿਆਦ ਰੱਖੀ। ਉੱਥੇ ਹੀ ਡੀਐਸਪੀ ਗੁਰਬਚਨ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਦੇ ਧਿਆਨ ਚ ਇਹ ਮਾਮਲਾ ਆਇਆ ਹੈ ਜੋ ਵੀ ਕਾਰਵਾਈ ਹੋਵੇਗੀ ਉਹ ਕੀਤੀ ਜਾਵੇਗੀ।
