ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਦਿੱਲੀ ਮੈਟਰੋ ਦੀ ਮੈਜੇਂਟਾ ਲਾਈਨ (ਜਨਕਪੁਰੀ ਵੈਸਟ-ਬੋਟੈਨੀਕਲ ਗਾਰਡਨ) ਉੱਤੇ ਭਾਰਤ ਦੀ ਪਹਿਲੀ ਡਰਾਈਵਰ ਤੋਂ ਬਿਨ੍ਹਾਂ ਰੇਲ ਸੇਵਾ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਸਦੇ ਨਾਲ, ਆਧੁਨਿਕ ਟੈਕਨਾਲੌਜੀ ਦੀ ਵਰਤੋਂ ਨਾਲ ਭਾਰਤ ਵਿੱਚ ਆਵਾਜਾਈ ਅਤੇ ਟ੍ਰੈਫਿਕ ਦੇ ਇੱਕ ਨਵੇਂ ਯੁੱਗ ਦੀ ਸ਼ੁਰੂਆਤ ਹੋਵੇਗੀ। ਆਪਣੇ ਸੰਬੋਧਨ ਵਿੱਚ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ 2025 ਤੱਕ 25 ਮਹਾਨਗਰ ਵਿੱਚ ਮੈਟਰੋ ਚਲਾਉਣ ਦਾ ਟੀਚਾ ਹੈ।
37 ਕਿਲੋਮੀਟਰ ਲੰਮੀ ਮੈਜੇਂਟਾ ਲਾਈਨ 'ਤੇ ਜਨਕਪੁਰੀ ਵੈਸਟ ਤੋਂ ਬੋਟੈਨੀਕਲ ਗਾਰਡਨ ਦੇ ਵਿਚਕਾਰ ਡਰਾਈਵਰ ਰਹਿਤ ਮੈਟਰੋ ਸੇਵਾ ਸ਼ੁਰੂ ਹੋਣ ਤੋਂ ਬਾਅਦ, ਮਜਲਿਸ ਪਾਰਕ ਅਤੇ ਸ਼ਿਵ ਵਿਹਾਰ ਦੇ ਵਿਚਕਾਰ 57 ਕਿਲੋਮੀਟਰ ਲੰਬੀ ਪਿੰਕ ਲਾਈਨ 2021 ਦੇ ਅੱਧ ਤੱਕ ਸ਼ੁਰੂ ਕੀਤੀ ਜਾਏਗੀ।
ਸੰਬੋਧਨ ਦੌਰਾਨ ਮੋਦੀ ਨੇ ਕੀ-ਕੀ ਕਿਹਾ?
- ਮਜ਼ਬੂਤ ਹੋ ਰਿਹਾ ਹੈ ਭਾਰਤ
ਅੱਜ, ਸਾਰੇ ਪ੍ਰਣਾਲੀਆਂ ਨੂੰ ਇਕਜੁਟ ਕਰਕੇ, ਦੇਸ਼ ਦੀ ਤਾਕਤ ਨੂੰ ਵਧਾਇਆ ਜਾ ਰਿਹਾ ਹੈ, ਇੱਕ ਭਾਰਤ-ਉੱਤਮ ਭਾਰਤ ਨੂੰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ। ਵਨ ਨੇਸ਼ਨ, ਵਨ ਮੋਬੀਲਿਟੀ ਕਾਰਡ ਵਾਂਗ, ਸਾਡੀ ਸਰਕਾਰ ਨੇ ਪਿਛਲੇ ਸਾਲਾਂ ਦੌਰਾਨ ਦੇਸ਼ ਦੀਆਂ ਪ੍ਰਣਾਲੀਆਂ ਨੂੰ ਇੱਕਠਾ ਕਰਨ ਲਈ ਬਹੁਤ ਸਾਰੇ ਕੰਮ ਕੀਤੇ ਹਨ।
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਅੱਜ ਮੈਟਰੋ ਨੂੰ ਨੈਸ਼ਨਲ ਕਾਮਨ ਮੋਬਿਲਿਟੀ ਕਾਰਡ ਨਾਲ ਵੀ ਜੋੜਿਆ ਜਾ ਰਿਹਾ ਹੈ। ਪਿਛਲੇ ਸਾਲ ਅਹਿਮਦਾਬਾਦ ਤੋਂ ਇਸਦੀ ਸ਼ੁਰੂਆਤ ਹੋਈ ਸੀ। ਅੱਜ ਇਸ ਦਾ ਵਿਸਤਾਰ ਦਿੱਲੀ ਮੈਟਰੋ ਦੀ ਏਅਰ ਪੋਰਟ ਐਕਸਪ੍ਰੈਸ ਲਾਈਨ 'ਤੇ ਕੀਤਾ ਜਾ ਰਿਹਾ ਹੈ।
- ਵਾਟਰ ਮੈਟਰੋ 'ਤੇ ਕੰਮ
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਅਸੀਂ ਅਜਿਹੀ ਬ੍ਰੇਕਿੰਗ ਪ੍ਰਣਾਲੀ ਦੀ ਵਰਤੋਂ ਕਰ ਰਹੇ ਹਾਂ ਜਿਸ ਵਿੱਚ ਬ੍ਰੇਕਸ ਲਾਗੂ ਹੁੰਦੇ ਹੀ 50% ਉਰਜਾ ਗਰਿੱਡ ਵਿੱਚ ਚੱਲੀ ਜਾਂਦੀ ਹੈ ਅੱਜ ਮੈਟਰੋ ਰੇਲ ਵਿੱਚ 130 ਮੈਗਾਵਾਟ ਸੌਲਰ ਉਰਜਾ ਦੀ ਵਰਤੋਂ ਕੀਤੀ ਜਾ ਰਹੀ ਹੈ, ਜਿਸ ਨੂੰ ਵਧਾ ਕੇ 600 ਮੈਗਾਵਾਟ ਤੱਕ ਵਧਾਉਣਾ ਹੈ।
- ਦਿੱਲੀ ਅਤੇ ਮੇਰਠ ਦਰਮਿਆਨ ਦੂਰੀ ਘੱਟ ਹੋਵੇਗੀ
ਆਰਆਰਟੀਐਸ- ਦਿੱਲੀ ਮੇਰਠ ਆਰਆਰਟੀਐਸ ਦਾ ਸ਼ਾਨਦਾਰ ਮਾਡਲ ਦਿੱਲੀ ਅਤੇ ਮੇਰਠ ਦੀ ਦੂਰੀ ਨੂੰ ਇੱਕ ਘੰਟੇ ਤੋਂ ਵੀ ਘੱਟ ਕਰ ਦੇਵੇਗਾ। ਮੈਟਰੋਲਾਈਟ - ਉਨ੍ਹਾਂ ਸ਼ਹਿਰਾਂ ਵਿੱਚ ਜਿੱਥੇ ਯਾਤਰੀਆਂ ਦੀ ਗਿਣਤੀ ਘੱਟ ਹੈ, ਮੈਟਰੋਲਾਈਟ ਵਰਜ਼ਨ 'ਤੇ ਕੰਮ ਕੀਤਾ ਜਾ ਰਿਹਾ ਹੈ। ਇਹ ਆਮ ਮੈਟਰੋ ਦੇ 40 ਫੀਸਦ ਦੀ ਲਾਗਤ ਤੇ ਤਿਆਰ ਹੋ ਜਾਂਦੀ ਹੈ।
