ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਟਾਈਮ ਰਸਾਲੇ ਦੀ ਸੂਚੀ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ। ਇਹ ਦੁਨੀਆ ਦੇ 100 ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਦੀ ਸੂਚੀ ਹੈ। ਪੀਐਮ ਮੋਦੀ ਨੂੰ ਨੇਤਾਵਾਂ ਦੀ ਸ਼੍ਰੇਣੀ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ। ਟਾਈਮ ਦੀ ਸੂਚੀ ਵਿੱਚ ਪ੍ਰਧਾਨ ਮੰਤਰੀ ਮੋਦੀ ਨੂੰ ਸ਼ਾਮਿਲ ਕਰਨ ਬਾਰੇ, ਟਾਈਮ ਦੇ ਸੰਪਾਦਕ ਨੇ ਲਿਖਿਆ ਕਿ ਅਸਲ ਵਿੱਚ ਲੋਕਤੰਤਰ ਦੀ ਕੁੰਜੀ ਆਜ਼ਾਦ ਢੰਗ ਨਾਲ ਕਰਵਾਈਆਂ ਚੋਣਾਂ ਨਹੀਂ ਹੁੰਦੀ ਹੈ। ਅਜਿਹਾ ਉਹੀ ਕਹਿੰਦੇ ਹਨ ਜਿਨ੍ਹਾਂ ਨੂੰ ਬਹੁਗਿਣਤ ਮਿਲਦਾ ਹੈ। ਜਿਨ੍ਹਾਂ ਲੋਕਾਂ ਨੇ ਜੇਤੂ ਨੂੰ ਵੋਟ ਨਹੀਂ ਦਿੱਤੀ, ਉਨ੍ਹਾਂ ਦੇ ਅਧਿਕਾਰ ਵਧੇਰੇ ਮਹੱਤਵਪੂਰਨ ਹਨ।
ਟਾਈਮ ਨੇ ਲਿਖਿਆ ਕਿ ਸੱਤ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਭਾਰਤ ਵਿਸ਼ਵ ਦਾ ਸਭ ਤੋਂ ਵੱਡਾ ਲੋਕਤੰਤਰ ਰਿਹਾ ਹੈ। ਭਾਰਤ ਵਿੱਚ, ਬਹੁਤ ਸਾਰੇ ਧਰਮਾਂ ਦੇ ਲੋਕ 130 ਕਰੋੜ ਤੋਂ ਵੱਧ ਲੋਕਾਂ ਦੀ ਆਬਾਦੀ ਵਿੱਚ ਰਹਿੰਦੇ ਹਨ। ਦਲਾਈ ਲਾਮਾ ਨੇ ਆਪਣੀ ਜ਼ਿਆਦਾਤਰ ਜ਼ਿੰਦਗੀ ਭਾਰਤ ਵਿੱਚ ਪਨਾਹ ਲਈ ਗੁਜ਼ਾਰੀ ਹੈ। ਉਨ੍ਹਾਂ ਨੇ ਵੀ ਭਾਰਤ ਨੂੰ 'ਇਕਸੁਰਤਾ ਅਤੇ ਸਥਿਰਤਾ ਦੀ ਇੱਕ ਉਦਾਹਰਣ' ਕਿਹਾ ਹੈ।
ਉਸ ਸਮੇਂ ਦੀਆਂ ਚੋਟੀ ਦੀਆਂ 100 ਮਸ਼ਹੂਰ ਹਸਤੀਆਂ ਵਿੱਚ, ਇੱਕ ਔਰਤ ਬਿਲਕੀਸ ਜੋ ਕਿ ਦਿੱਲੀ ਦੇ ਸ਼ਾਹੀਨ ਬਾਗ਼ ਵਿੱਚ ਨਾਗਰੀਕਤਾ ਸੋਧ ਕਾਨੂੰਨ (ਸੀਏਏ) ਦੇ ਵਿਰੋਧ ਵਿੱਚ ਸ਼ਾਮਿਲ ਸੀ, ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਦੱਸਣਯੋਗ ਹੈ ਕਿ ਬਿਲਕਿਜ਼ ਨੂੰ 'ਸ਼ਾਹੀਨ ਬਾਗ਼ ਦੀ ਦਾਦੀ' ਵਜੋਂ ਸੁਰਖੀਆਂ ਪ੍ਰਾਪਤ ਹੋਈਆਂ ਸਨ। ਉਸਦੇ ਸੰਬੰਧ ਵਿੱਚ, ਪੱਤਰਕਾਰ ਰਾਣਾ ਅਯੂਬ ਨੇ ਲਿਖਿਆ, 'ਜਦੋਂ ਮੈਂ ਬਿਲਕੀਸ ਨੂੰ ਪਹਿਲੀ ਵਾਰ ਮਿਲਿਆ ਸੀ, ਉਹ ਇੱਕ ਭੀੜ ਦੇ ਵਿਚਕਾਰ ਬੈਠੀ ਸੀ। ਉਸ ਨੂੰ ਔਰਤਾਂ ਨੇ ਘੇਰ ਲਿਆ ਸੀ ਜੋ ਵਿਰੋਧ ਕਰ ਰਹੀਆਂ ਸਨ।
ਬਿਲਕੀਸ ਦੇ ਬਾਰੇ ਵਿੱਚ, ਟਾਈਮ ਨੇ ਲਿਖਿਆ ਕਿ ਇੱਕ 82 ਸਾਲਾ ਔਰਤ ਜੋ ਸਵੇਰੇ 8 ਵਜੇ ਤੋਂ ਅੱਧੀ ਰਾਤ ਤੱਕ ਇੱਕ ਵਿਰੋਧ ਸਥਾਨ ਉੱਤੇ ਬੈਠੀ। ਉਸ ਦੇ ਇੱਕ ਹੱਥ ਵਿੱਚ ਅਰਦਾਸ ਦੀ ਮਾਲਾ ਸੀ ਅਤੇ ਦੂਜੇ ਹੱਥ ਵਿੰਚ ਰਾਸ਼ਟਰੀ ਝੰਡਾ। ਬਿਲਕੀਸ ਭਾਰਤ ਵਿੱਚ ਘੱਟ ਗਿਣਤੀਆਂ ਦੀ ਆਵਾਜ਼ ਬਣ ਗਈ।
ਦੱਸ ਦੇਈਏ ਕਿ ਇਨ੍ਹਾਂ ਦੋਵਾਂ ਲੋਕਾਂ ਤੋਂ ਇਲਾਵਾ, ਯੂਐਸ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ, ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਅਤੇ ਹੋਰ ਬਹੁਤ ਸਾਰੀਆਂ ਹਸਤੀਆਂ ਨੂੰ ਟਾਈਮ ਦੀ ਸੂਚੀ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ। ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਵੀ ਇਸ ਸੂਚੀ ਵਿੱਚ ਸ਼ਾਮਿਲ ਹਨ। ਪਿਚਾਈ ਭਾਰਤੀ ਮੂਲ ਦੇ ਹਨ।
ਟਾਈਮ ਰਸਾਲੇ ਦੇ 100 ਪ੍ਰਭਾਵਸ਼ਾਲੀ ਲੋਕਾਂ ਵਿੱਚ ਆਯੁਸ਼ਮਾਨ ਖੁਰਾਨਾ ਨੂੰ ਵੀ ਕਲਾਕਾਰਾਂ ਦੀ ਸ਼੍ਰੇਣੀ ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ।
