ਨਵੀਂ ਦਿੱਲੀ: ਦਿੱਲੀ ਪੁਲਿਸ (Delhi Police) ਨੇ ਅਜਿਹੇ ਇੱਕ ਹਥਿਆਰ ਸਪਲਾਇਰ ਨੂੰ ਗ੍ਰਿਫਤਾਰ ਕੀਤਾ ਹੈ, ਜੋ ਸੋਸ਼ਲ ਮੀਡੀਆ (social media) ਪਲੇਟਫਾਰਮ ਨੂੰ ਬੇਸ ਬਣਾ ਕੇ ਹਥਿਆਰਾਂ ਦੀ ਸਪਲਾਈ ਦਾ ਕੰਮ ਕਰ ਰਿਹਾ ਸੀ। ਪੁਲਿਸ ਮੁਤਾਬਕ ਗ੍ਰਿਫਤਾਰ ਕੀਤੇ ਗਏ ਅਸਲਾ ਸਪਲਾਇਰ (arms supplier) ਤੋਂ ਪੁੱਛਗਿੱਛ ਕਰ ਇਹ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਇਸ ਦਾ ਲਿੰਕ ਕਿੱਥੋਂ ਹੈ। ਇਸ ਦੇ ਨਾਲ ਹੀ ਦੇਸ਼ ਵਿਰੋਧੀ ਅਨਸਰਾਂ ਬਾਰੇ ਵੀ ਜਾਂਚ ਕੀਤੀ ਜਾ ਰਹੀ ਹੈ। ਕਾਬੂ ਕੀਤਾ ਗਿਆ ਮੁਲਜ਼ਮ ਵਟਸਐਪ ਅਤੇ ਹੋਰ ਸੋਸ਼ਲ ਮੀਡੀਆ (social media) ਪਲੇਟਫਾਰਮਾਂ 'ਤੇ ਵਰਚੁਅਲ ਨੰਬਰਾਂ ਰਾਹੀਂ ਕੰਮ ਕਰ ਰਿਹਾ ਸੀ।
ਗ੍ਰਿਫਤਾਰ ਕੀਤੇ ਗਏ ਅਸਲਾ ਸਪਲਾਇਰ (arms supplier) ਦੀ ਪਛਾਣ ਹਿਤੇਸ਼ ਸਿੰਘ ਉਰਫ਼ ਲੰਗਰਾ ਵਜੋਂ ਹੋਈ ਹੈ। ਉਹ ਜੋਧਪੁਰ ਦਾ ਰਹਿਣ ਵਾਲਾ ਹੈ। ਪੁਲਿਸ ਨੇ ਦੱਸਿਆ ਕਿ ਇਸ ਖਿਲਾਫ ਰਾਜਸਥਾਨ ਦੇ ਜੋਧਪੁਰ, ਪ੍ਰਤਾਪ ਨਗਰ, ਸ਼ਾਸਤਰੀ ਨਗਰ, ਸਰਦਾਰਪੁਰਾ, ਉਦੈ ਮੰਦਰ ਆਦਿ ਥਾਣਿਆਂ 'ਚ ਪਹਿਲਾਂ ਹੀ 11 ਅਪਰਾਧਿਕ ਮਾਮਲੇ ਦਰਜ ਹਨ। ਸਪੈਸ਼ਲ ਸੈੱਲ ਦੀ IFSO ਯੂਨਿਟ ਦੀ ਟੀਮ ਨੇ ਇਸ ਮਾਮਲੇ ਦਾ ਖੁਲਾਸਾ ਕੀਤਾ ਹੈ।
ਡੀਸੀਪੀ ਕੇਪੀਐਸ ਮਲਹੋਤਰਾ (DCP KPS Malhotra) ਨੇ ਦੱਸਿਆ ਕਿ ਇਸ ਸਬੰਧੀ ਸੂਚਨਾ ਮਿਲੀ ਸੀ। ਲਗਾਤਾਰ ਤਕਨੀਕੀ ਨਿਗਰਾਨੀ ਦੇ ਆਧਾਰ 'ਤੇ ਜਾਂਚ ਕੀਤੀ ਗਈ। ਏਸੀਪੀ ਰਮਨ ਲਾਂਬਾ ਦੀ ਨਿਗਰਾਨੀ ਹੇਠ ਇੰਸਪੈਕਟਰ ਪ੍ਰਵੀਨ, ਸਬ ਇੰਸਪੈਕਟਰ ਸੁਨੀਲ, ਸਹਾਇਕ ਸਬ ਇੰਸਪੈਕਟਰ ਅਜੀਤ, ਹੈੱਡ ਕਾਂਸਟੇਬਲ ਹਰੀਕਿਸ਼ਨ, ਅਤੁਲ, ਕਾਂਸਟੇਬਲ ਯੋਗਿੰਦਰ, ਵਿਜੇਂਦਰ ਅਤੇ ਰਾਜੇਸ਼ ਦੀ ਟੀਮ ਨੇ ਆਖ਼ਰਕਾਰ ਇਸ ਨੂੰ ਕਾਬੂ ਕਰ ਲਿਆ।
ਪੁਲਿਸ ਟੀਮ ਨੇ ਇਸ ਨੂੰ ਹਰਿਆਣਾ ਦੇ ਮਾਨੇਸਰ ਨੇੜੇ ਤੋਂ ਉਸ ਸਮੇਂ ਗ੍ਰਿਫ਼ਤਾਰ ਕੀਤਾ ਜਦੋਂ ਇਹ ਕਿਸੇ ਤੋਂ ਪੈਸੇ ਲੈਣ ਪਹੁੰਚਿਆ ਸੀ। ਇਸ ਤੋਂ ਬਰਾਮਦ ਹੋਏ ਮੋਬਾਈਲ ਨੂੰ ਫੋਰੈਂਸਿਕ ਜਾਂਚ ਲਈ ਭੇਜ ਦਿੱਤਾ ਗਿਆ ਹੈ। ਮਿਲੀ ਜਾਣਕਾਰੀ ਦੇ ਆਧਾਰ 'ਤੇ ਪੁੱਛਗਿੱਛ ਕਰਕੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਪਤਾ ਲੱਗਾ ਹੈ ਕਿ ਉਹ ਲਗਾਤਾਰ ਅਪਰਾਧਿਕ ਵਾਰਦਾਤਾਂ ਨੂੰ ਅੰਜਾਮ ਦਿੰਦਾ ਰਿਹਾ ਹੈ। ਕਈ ਵਾਰ ਰਾਜਸਥਾਨ ਦੀ ਜੇਲ੍ਹ ਜਾ ਚੁੱਕਿਆ ਹੈ। ਜੇਲ੍ਹ ਵਿੱਚ ਹੀ ਇਹ ਦੂਜੇ ਅਪਰਾਧੀਆਂ ਨਾਲ ਮੁਲਾਕਾਤਾਂ ਕਰਦਾ ਰਿਹਾ, ਫਿਰ ਹਥਿਆਰਾਂ ਦੀ ਸਪਲਾਈ ਕਰਨ ਲੱਗਾ।
ਪੁਲਿਸ ਮੁਤਾਬਿਕ ਉਸ ਨੇ ਆਪਣੇ ਇੱਕ ਦੋਸਤ ਨਾਲ ਮਿਲ ਕੇ ਕਿਤਾਬਾਂ ਦੀ ਦੁਕਾਨ ਵਿੱਚ ਚੋਰੀ ਕੀਤੀ ਸੀ। ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ ਉਸ ਨੇ ਸਾਈਕਲ ਚੋਰੀ ਕਰਕੇ ਵੇਚਣਾ ਸ਼ੁਰੂ ਕਰ ਦਿੱਤਾ। ਫਿਰ ਉਸ ਦੀ ਮੁਲਾਕਾਤ ਜੇਲ੍ਹ ਵਿੱਚ ਇੱਕ ਡਾਕੂ ਨਾਲ ਹੋਈ। ਉਸਨੇ ਇਸ ਨੂੰ 2013 ਵਿੱਚ ਜੇਲ੍ਹ ਵਿੱਚੋਂ ਬਾਹਰ ਕੱਢਵਾਇਆ ਅਤੇ ਇਸਦਾ ਮੇਂਟਰ ਬਣ ਗਿਆ। ਇਸ ਦੀ ਬਜਾਏ ਹਿਤੇਸ਼ ਨੂੰ ਬੱਸ ਮਾਲਕ ਨੂੰ ਮਾਰਨ ਦਾ ਕੰਮ ਸੌਂਪਿਆ ਗਿਆ। ਹਿਤੇਸ਼ ਰਾਜਸਥਾਨ ਦੇ ਇੱਕ ਟੋਲ 'ਤੇ ਲੁੱਟ ਦੀ ਵਾਰਦਾਤ ਵਿੱਚ ਵੀ ਸ਼ਾਮਲ ਸੀ।
ਇਹ ਵੀ ਪੜੋ: BSF ਨੇ ਕੌਮਾਂਤਰੀ ਸਰਹੱਦ ’ਤੇ ਬਰਾਮਦ ਕੀਤੀ 3 ਕਰੋੜ 15 ਲੱਖ ਦੀ ਹੈਰੋਇਨ
