ਵਟਸਐਪ ਮੈਸੇਜ ਭੇਜਣ 'ਤੇ ਕਿਉ ਨਜ਼ਰ ਆਉਦੀ ਹੈ ਇਹ ਘੜੀ? ਇੱਥੇ ਜਾਣੋ - Whatsapp Message

Whatsapp Message: ਵਟਸਐਪ ਮੈਸੇਜ ਭੇਜਣ 'ਤੇ ਸਾਨੂੰ ਕਈ ਵਾਰ ਮੈਸੇਜ ਦੇ ਨਾਲ ਇੱਕ ਘੜੀ ਦਾ ਆਈਕਨ ਦਿਖਾਈ ਦਿੰਦਾ ਹੈ। ਇਸ ਨੂੰ ਦੇਖ ਕੇ ਕਈ ਲੋਕ ਭੰਬਲਭੂਸੇ ਵਿੱਚ ਰਹਿੰਦੇ ਹਨ ਕਿ ਅਜਿਹਾ ਕਿਉਂ ਹੁੰਦਾ ਹੈ। ਜੇਕਰ ਤੁਸੀਂ ਵੀ ਨਹੀਂ ਜਾਣਦੇ ਕਿ ਅਜਿਹਾ ਕਿਉਂ ਹੁੰਦਾ ਹੈ, ਤਾਂ ਅੱਜ ਅਸੀਂ ਤੁਹਾਨੂੰ ਇਸ ਬਾਰੇ ਦੱਸਣ ਜਾ ਰਹੇ ਹਾਂ।

ਹੈਦਰਾਬਾਦ: ਅੱਜ ਦੇ ਸਮੇਂ 'ਚ ਵਟਸਐਪ ਸਾਡੀ ਜ਼ਿੰਦਗੀ ਦਾ ਅਹਿਮ ਹਿੱਸਾ ਬਣ ਗਿਆ ਹੈ। ਵਟਸਐਪ ਰਾਹੀ ਯੂਜ਼ਰਸ ਨਾ ਸਿਰਫ ਇੱਕ-ਦੂਜੇ ਨੂੰ ਮੈਸੇਜ ਭੇਜ ਸਕਦੇ ਹਨ, ਸਗੋਂ ਕਿਸੇ ਵੀ ਸਮੇਂ ਕਿਸੇ ਨੂੰ ਵੀ ਵੀਡੀਓ ਕਾਲ ਕਰ ਸਕਦੇ ਹਨ। ਇੰਨਾ ਹੀ ਨਹੀਂ ਵਟਸਐਪ 'ਤੇ ਫੋਟੋ, ਵੀਡੀਓ ਅਤੇ ਹੋਰ ਦਸਤਾਵੇਜ਼ ਵੀ ਭੇਜੇ ਜਾ ਸਕਦੇ ਹਨ। ਇਸ ਨਾਲ ਯੂਜ਼ਰਸ ਨੂੰ ਕਾਫੀ ਸਹੂਲਤ ਮਿਲਦੀ ਹੈ। ਜਾਣਕਾਰੀ ਲਈ ਤੁਹਾਨੂੰ ਦੱਸ ਦਈਏ ਕਿ ਵਟਸਐਪ ਇੱਕ ਤਤਕਾਲ ਮੈਸੇਜਿੰਗ ਸੇਵਾ ਵਜੋਂ ਸ਼ੁਰੂ ਹੋਇਆ ਸੀ ਅਤੇ ਉਸ ਸਮੇਂ ਇਸਦੀ ਵਰਤੋਂ ਸਿਰਫ਼ ਮੈਸੇਜਿੰਗ ਲਈ ਕੀਤੀ ਜਾਂਦੀ ਸੀ। ਹਾਲਾਂਕਿ, ਸਮੇਂ ਦੇ ਨਾਲ-ਨਾਲ ਹੁਣ ਵਟਸਐਪ 'ਤੇ ਹੋਰ ਵੀ ਕਈ ਕੰਮ ਕੀਤੇ ਜਾ ਸਕਦੇ ਹਨ। ਇਸ ਦੇ ਨਾਲ ਹੀ, ਕੰਪਨੀ ਆਪਣੇ ਯੂਜ਼ਰਸ ਲਈ ਨਵੇਂ ਫੀਚਰਸ ਵੀ ਪੇਸ਼ ਕਰਦੀ ਰਹਿੰਦੀ ਹੈ।

ਦੱਸ ਦਈਏ ਵਟਸਐਪ 'ਤੇ ਜਦੋ ਅਸੀ ਕਿਸੇ ਨੂੰ ਮੈਸੇਜ ਭੇਜਦੇ ਹਾਂ, ਤਾਂ ਮੈਸੇਜ ਦੇ ਨਾਲ ਇੱਕ ਘੜੀ ਦਾ ਆਈਕਨ ਦਿਖਾਈ ਦਿੰਦਾ ਹੈ। ਇਹ ਆਈਕਨ ਹਰ ਰੋਜ਼ ਨਜ਼ਰ ਆਉਦਾ ਹੈ, ਪਰ ਕਈ ਲੋਕ ਇਸ ਦਾ ਮਤਲਬ ਨਹੀਂ ਜਾਣਦੇ ਹਨ। ਜ਼ਿਆਦਾਤਰ ਲੋਕਾਂ ਨੂੰ ਇਹ ਸਮਝ ਨਹੀਂ ਆਉਂਦੀ ਕਿ ਮੈਸੇਜ ਭੇਜਣ ਵੇਲੇ ਘੜੀ ਕਿਉਂ ਦਿਖਾਈ ਦਿੰਦੀ ਹੈ। ਦੱਸ ਦਈਏ ਕਿ ਜਦੋਂ ਤੁਸੀਂ ਕੋਈ ਮੈਸੇਜ ਭੇਜਦੇ ਹੋ, ਤਾਂ ਘੜੀ ਤੋਂ ਇਲਾਵਾ ਸਿੰਗਲ ਟਿੱਕ, ਡਬਲ ਟਿੱਕ ਜਾਂ ਬਲੂ ਟਿੱਕ ਵੀ ਨਜ਼ਰ ਆਉਦੀ ਹੈ, ਜਿਸ ਬਾਰੇ ਲੋਕਾਂ ਜਾਣਕਾਰੀ ਹੈ। ਪਰ ਕਈ ਵਾਰ ਮੈਸੇਜ ਭੇਜਣ ਦੇ ਨਾਲ ਘੜੀ ਨਜ਼ਰ ਆਉਦੀ ਹੈ, ਜਿਸ ਬਾਰੇ ਜ਼ਿਆਦਾਤਰ ਲੋਕਾਂ ਨੂੰ ਨਹੀਂ ਪਤਾ।

ਘੜੀ ਕਿਉਂ ਦਿਖਾਈ ਦਿੰਦੀ ਹੈ?: ਮੈਸੇਜ ਭੇਜਣ ਦੇ ਨਾਲ ਵਟਸਐਪ 'ਤੇ ਨਜ਼ਰ ਆਉਣ ਵਾਲਾ ਘੜੀ ਦਾ ਆਈਕਨ ਇਹ ਦਰਸਾਉਂਦਾ ਹੈ ਕਿ ਤੁਹਾਡਾ ਮੈਸੇਜ ਅਜੇ ਦੂਜੇ ਯੂਜ਼ਰ ਕੋਲ੍ਹ ਨਹੀਂ ਪਹੁੰਚਿਆ ਹੈ। ਹਾਲਾਂਕਿ, ਕਈ ਲੋਕਾਂ ਦੇ ਮਨਾਂ 'ਚ ਸਵਾਲ ਹੁੰਦੇ ਹਨ ਕਿ ਮੈਸੇਜ ਭੇਜਣ 'ਤੇ ਘੜੀ ਬਣਨ ਅਤੇ ਮੈਸੇਜ ਦੂਜੇ ਯੂਜ਼ਰ ਕੋਲ੍ਹ ਪਹੁੰਚਾਉਣ ਵਿੱਚ ਦੇਰੀ ਦੇ ਕੀ ਕਾਰਨ ਹਨ, ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਕਈ ਵਾਰ ਖਰਾਬ ਇੰਟਰਨੈੱਟ ਕੁਨੈਕਟੀਵਿਟੀ, ਰਿਸੀਵਰ ਡਿਵਾਈਸ ਆਫਲਾਈਨ ਸਟੇਟਸ ਜਾਂ ਵਟਸਐਪ ਦੀ ਕਿਸੇ ਸਰਵਰ ਨਾਲ ਜੁੜੀ ਸਮੱਸਿਆ ਕਾਰਨ ਮੈਸੇਜ ਡਿਲੀਵਰ ਹੋਣ 'ਚ ਦੇਰੀ ਹੋ ਜਾਂਦੀ ਹੈ ਅਤੇ ਇਸ ਕਾਰਨ ਵਟਸਐਪ ਮੈਸੇਜ ਦੇ ਨਾਲ ਘੜੀ ਦਾ ਆਈਕਨ ਦਿਖਾਈ ਦੇਣ ਲੱਗਦਾ ਹੈ।