ਨਵੀਂ ਦਿੱਲੀ: ਕੇਂਦਰ ਸਰਕਾਰ ਨੇ ਹਾਲ ਹੀ ਵਿੱਚ ਪੈਨ 2.0 ਪ੍ਰੋਜੈਕਟ ਦਾ ਐਲਾਨ ਕੀਤਾ ਹੈ। ਇਸ ਪਹਿਲਕਦਮੀ ਦਾ ਉਦੇਸ਼ ਬਿਨੈਕਾਰਾਂ ਦੇ ਰਜਿਸਟਰਡ ਈਮੇਲ ਪਤਿਆਂ 'ਤੇ ਬਿਨ੍ਹਾਂ ਕਿਸੇ ਖਰਚੇ ਦੇ QR ਕੋਡ ਵਾਲੇ ਈ-ਪੈਨ ਕਾਰਡ ਭੇਜ ਕੇ ਸਹੂਲਤ ਅਤੇ ਸੁਰੱਖਿਆ ਨੂੰ ਬਿਹਤਰ ਬਣਾਉਣਾ ਹੈ। ਭੌਤਿਕ ਪੈਨ ਕਾਰਡ ਲਈ ਥੋੜ੍ਹੀ ਜਿਹੀ ਫੀਸ ਲਾਗੂ ਹੋਵੇਗੀ।
ਈਮੇਲ 'ਤੇ ਆਪਣਾ ਪੈਨ ਕਾਰਡ ਹਾਸਿਲ ਕਰਨ ਦੀ ਬੇਨਤੀ ਕਰਨ ਤੋਂ ਪਹਿਲਾਂ ਟੈਕਸਦਾਤਾ ਨੂੰ ਇਹ ਪੁਸ਼ਟੀ ਕਰਨੀ ਹੈ ਕਿ ਕੀ ਉਨ੍ਹਾਂ ਦਾ ਪੈਨ ਕਾਰਡ NSDL ਜਾਂ UTI Infrastructure and Technology Services Limited ਦੁਆਰਾ ਜਾਰੀ ਕੀਤਾ ਗਿਆ ਸੀ ਜਾਂ ਨਹੀਂ। ਇਹ ਜਾਣਕਾਰੀ ਪੈਨ ਕਾਰਡ ਦੇ ਪਿਛਲੇ ਪਾਸੇ ਦਿੱਤੀ ਗਈ ਹੈ। ਜਾਰੀਕਰਤਾ 'ਤੇ ਨਿਰਭਰ ਕਰਦੇ ਹੋਏ ਟੈਕਸਦਾਤਾ ਨੂੰ ਈਮੇਲ ਜਾਂ ਡਿਜੀਟਲ ਫਾਰਮੈਟ ਵਿੱਚ ਪੈਨ ਕਾਰਡ ਹਾਸਿਲ ਕਰਨ ਲਈ ਕਦਮਾਂ ਦੀ ਪਾਲਣਾ ਕਰਨੀ ਹੈ।
ਈਮੇਲ 'ਤੇ ਪੈਨ ਕਾਰਡ ਕਿਵੇਂ ਪ੍ਰਾਪਤ ਕਰੀਏ?
- ਸਭ ਚੋਂ ਪਹਿਲਾ NSDL ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾਓ।
- ਫਿਰ ਆਪਣਾ ਪੈਨ ਕਾਰਡ, ਆਧਾਰ ਕਾਰਡ ਅਤੇ ਜਨਮ ਮਿਤੀ ਦਰਜ ਕਰੋ।
- ਲਾਗੂ ਚੈੱਕਬਾਕਸ ਚੁਣੋ ਅਤੇ ਸਬਮਿਟ 'ਤੇ ਕਲਿੱਕ ਕਰੋ।
- ਨਜ਼ਰ ਆ ਰਹੀ ਜਾਣਕਾਰੀ ਦੀ ਜਾਂਚ ਕਰੋ ਅਤੇ ਯਕੀਨੀ ਬਣਾਓ ਕਿ ਇਹ ਆਮਦਨ ਟੈਕਸ ਰਿਕਾਰਡਾਂ ਦੇ ਅਨੁਸਾਰ ਸਹੀ ਹੈ।
- ਫਿਰ ਤੁਹਾਨੂੰ OTP ਪ੍ਰਾਪਤ ਹੋਵੇਗਾ। ਵੇਰਵਿਆਂ ਦੀ ਪੁਸ਼ਟੀ ਕਰਨ ਲਈ ਇਸਨੂੰ 10 ਮਿੰਟ ਦੇ ਅੰਦਰ ਦਾਖਲ ਕਰੋ।
- ਨਿਯਮਾਂ ਅਤੇ ਸ਼ਰਤਾਂ ਨਾਲ ਸਹਿਮਤ ਹੋਵੋ ਅਤੇ ਫਿਰ ਭੁਗਤਾਨ ਨਾਲ ਅੱਗੇ ਵਧੋ।
- ਭੁਗਤਾਨ ਦੀ ਰਕਮ ਦੀ ਸਮੀਖਿਆ ਕਰੋ ਅਤੇ ਭੁਗਤਾਨ ਦੀ ਪੁਸ਼ਟੀ ਕਰੋ ਨੂੰ ਚੁਣੋ
- ਭੁਗਤਾਨ ਕਰਨ ਤੋਂ ਬਾਅਦ ਜਾਰੀ ਰੱਖੋ 'ਤੇ ਕਲਿੱਕ ਕਰੋ।
- ਫਿਰ ਈ-ਪੈਨ ਇਨਕਮ ਟੈਕਸ ਵਿਭਾਗ ਨਾਲ ਰਜਿਸਟਰਡ ਈਮੇਲ ਆਈਡੀ 'ਤੇ ਭੇਜ ਦਿੱਤਾ ਜਾਵੇਗਾ।
ਇਹ ਵੀ ਪੜ੍ਹੋ:-
