ਘੱਟ ਕੀਮਤ 'ਤੇ ਖਰੀਦਣਾ ਚਾਹੁੰਦੇ ਹੋ ਵਧੀਆਂ ਸਮਾਰਟਫੋਨ? ਇੱਥੇ ਦੇਖ ਲਓ ਪੂਰੀ ਲਿਸਟ

ਜੇਕਰ ਤੁਸੀਂ ਘੱਟ ਕੀਮਤ 'ਚ ਨਵਾਂ ਸਮਾਰਟਫੋਨ ਖਰੀਦਣਾ ਚਾਹੁੰਦੇ ਹੋ, ਤਾਂ ਇੱਥੇ ਸੂਚੀ ਦੇਖ ਸਕਦੇ ਹੋ।

ਹੈਦਰਾਬਾਦ: ਅੱਜ ਕੱਲ ਹਰ ਕਿਸੇ ਕੋਲ ਸਮਾਰਟਫੋਨ ਹੁੰਦਾ ਹੈ। ਜੇਕਰ ਤੁਸੀਂ ਘੱਟ ਕੀਮਤ ਅਤੇ ਵਧੀਆਂ ਗੇਮਿੰਗ ਵਾਲਾ ਨਵਾਂ ਸਮਾਰਟਫੋਨ ਖਰੀਦਣਾ ਚਾਹੁੰਦੇ ਹੋ, ਤਾਂ ਇੱਥੇ ਅਸੀਂ ਤੁਹਾਨੂੰ ਅਜਿਹੇ ਪੰਜ ਸਮਾਰਟਫੋਨਜ਼ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਦੀ ਕੀਮਤ 20,000 ਰੁਪਏ ਤੋਂ ਘੱਟ ਹੈ। ਬਿਹਤਰ ਗੇਮਿੰਗ ਅਨੁਭਵ ਲਈ ਇੱਕ ਵੱਡੀ ਬੈਟਰੀ, ਸ਼ਕਤੀਸ਼ਾਲੀ ਪ੍ਰੋਸੈਸਰ ਅਤੇ ਇੱਕ ਵਧੀਆ ਡਿਸਪਲੇ ਦੀ ਲੋੜ ਹੁੰਦੀ ਹੈ। ਇੱਥੇ ਤੁਹਾਨੂੰ Motorola, Samsung, iQOO ਅਤੇ Nothing ਦੇ ਇਨ੍ਹਾਂ ਫੋਨਾਂ ਵਿੱਚ ਇਹ ਸਾਰੇ ਫੀਚਰਸ ਘੱਟ ਕੀਮਤ ਦੇ ਨਾਲ ਮਿਲ ਸਕਦੇ ਹਨ।

ਘੱਟ ਕੀਮਤ 'ਚ ਖਰੀਦੋ ਇਹ ਸਮਾਰਟਫੋਨ

Samsung Galaxy A15 5G: Samsung Galaxy A15 5G ਘੱਟ ਕੀਮਤ ਦੇ ਨਾਲ ਖਰੀਦਣ ਵਾਲਾ ਸ਼ਾਨਦਾਰ ਸਮਾਰਟਫੋਨ ਹੈ। ਕੰਪਨੀ ਇਸ ਫੋਨ ਨੂੰ ਬਾਜ਼ਾਰ 'ਚ 14,998 ਰੁਪਏ ਦੀ ਕੀਮਤ 'ਤੇ ਵੇਚ ਰਹੀ ਹੈ ਅਤੇ ਇਹ ਐਮਾਜ਼ਾਨ 'ਤੇ ਉਪਲਬਧ ਹੈ। ਇਸ ਫੋਨ 'ਚ MediaTek Dimension 6100+ ਪ੍ਰੋਸੈਸਰ ਦੀ ਵਰਤੋਂ ਕੀਤੀ ਗਈ ਹੈ, ਤਾਂ ਜੋ ਇਹ ਤੁਹਾਡੀ ਕੈਜ਼ੂਅਲ ਗੇਮਿੰਗ ਨੂੰ ਸੰਭਾਲ ਸਕੇ। ਇਸ ਤੋਂ ਇਲਾਵਾ, ਇਸ ਵਿੱਚ 50MP ਮੁੱਖ ਕੈਮਰਾ, ਅਲਟਰਾ-ਵਾਈਡ-ਐਂਗਲ ਲੈਂਸ ਦੇ ਨਾਲ 5MP ਕੈਮਰਾ ਅਤੇ 2MP ਮੈਕਰੋ ਲੈਂਸ ਦੇ ਨਾਲ ਇੱਕ ਟ੍ਰਾਈ-ਕੈਮਰਾ ਸੈੱਟਅੱਪ ਦਿੱਤਾ ਗਿਆ ਹੈ।

Redmi Note 13 Pro: Redmi Note 13 Pro ਭਾਰਤ ਵਿੱਚ 18,250 ਰੁਪਏ ਵਿੱਚ ਵੇਚਿਆ ਜਾ ਰਿਹਾ ਹੈ। ਇਹ ਸਮਾਰਟਫੋਨ Snapdragon 7s Gen 2 ਚਿਪਸੈੱਟ ਦੇ ਨਾਲ ਆਉਂਦਾ ਹੈ ਅਤੇ ਇਸ ਫੋਨ 'ਚ 1.5K 6.67-ਇੰਚ ਦੀ AMOLED ਡਿਸਪਲੇ ਦਿੱਤੀ ਗਈ ਹੈ, ਜੋ 120Hz ਰਿਫਰੈਸ਼ ਰੇਟ ਅਤੇ ਡੌਲਬੀ ਵਿਜ਼ਨ ਨੂੰ ਸਪੋਰਟ ਕਰਦੀ ਹੈ। ਇਸ ਦੇ ਨਾਲ ਹੀ ਇਹ ਕਾਰਨਿੰਗ ਗੋਰਿਲਾ ਗਲਾਸ ਵਿਕਟਸ ਨਾਲ ਸੁਰੱਖਿਅਤ ਹੈ।

Moto Edge 50 Neo: Moto Edge 50 Neo ਨੂੰ ਈ-ਕਾਮਰਸ ਵੈੱਬਸਾਈਟ ਫਲਿੱਪਕਾਰਟ 'ਤੇ 21,999 ਰੁਪਏ ਦੀ ਕੀਮਤ 'ਤੇ ਵੇਚਿਆ ਜਾ ਰਿਹਾ ਹੈ ਪਰ ਆਫਰ ਦੇ ਨਾਲ ਇਸ ਫੋਨ 'ਤੇ 2,000 ਰੁਪਏ ਦਾ ਕਾਰਡ ਡਿਸਕਾਊਂਟ ਮਿਲ ਰਿਹਾ ਹੈ। ਇਸ ਫੋਨ 'ਚ MediaTek Dimension 7300 ਪ੍ਰੋਸੈਸਰ ਦੀ ਵਰਤੋਂ ਕੀਤੀ ਗਈ ਹੈ। ਫੋਨ ਵਿੱਚ ਤਿੰਨ ਰੀਅਰ ਕੈਮਰਾ ਸੈੱਟਅਪ ਹਨ, ਜਿਸ ਵਿੱਚ 50MP ਮੁੱਖ ਕੈਮਰਾ, 13MP ਅਲਟਰਾ-ਵਾਈਡ ਕੈਮਰਾ ਅਤੇ 10MP ਟੈਲੀਫੋਟੋ ਕੈਮਰਾ ਸ਼ਾਮਲ ਹੈ।

iQOO Z9: iQOO Z9 ਨੂੰ ਈ-ਕਾਮਰਸ ਵੈੱਬਸਾਈਟ ਐਮਾਜ਼ਾਨ 'ਤੇ 18,498 ਰੁਪਏ 'ਚ ਵੇਚਿਆ ਜਾ ਰਿਹਾ ਹੈ ਅਤੇ ਇਹ 2.8GHz ਕਲਾਕ ਸਪੀਡ ਦੇ ਨਾਲ TSMC ਦੀ ਦੂਜੀ ਪੀੜ੍ਹੀ ਦੇ 4nm ਪ੍ਰਕਿਰਿਆ ਦੀ ਵਰਤੋਂ ਕਰਦੇ ਹੋਏ ਮੀਡੀਆਟੇਕ ਡਾਇਮੈਂਸਿਟੀ 7200 ਪ੍ਰੋਸੈਸਰ ਦੇ ਨਾਲ ਆਉਂਦਾ ਹੈ। ਇਸਦੇ ਕੈਮਰਾ ਸੈਟਅਪ ਵਿੱਚ ਇੱਕ 50MP Sony IMX882 OIS ਸੈਂਸਰ ਸ਼ਾਮਲ ਹੈ, ਜੋ 4K ਵੀਡੀਓ ਰਿਕਾਰਡਿੰਗ, ਸੁਪਰ ਨਾਈਟ ਮੋਡ, 2x ਪੋਰਟਰੇਟ ਜ਼ੂਮ ਅਤੇ ਵਧੀਆਂ ਫੋਟੋਆਂ ਅਤੇ ਵੀਡੀਓਜ਼ ਲਈ 50MP UHD ਮੋਡ ਦਾ ਸਮਰਥਨ ਕਰਦਾ ਹੈ।

Nothing Phone 2a: Nothing Phone 2a ਫਲਿੱਪਕਾਰਟ 'ਤੇ 23,999 ਰੁਪਏ 'ਚ ਵੇਚਿਆ ਜਾ ਰਿਹਾ ਹੈ ਪਰ ਕਾਰਡ ਡਿਸਕਾਊਂਟ ਅਤੇ ਹੋਰ ਆਫਰ ਦੇ ਨਾਲ ਇਸ 'ਤੇ 3,000 ਰੁਪਏ ਦੀ ਛੋਟ ਮਿਲ ਸਕਦੀ ਹੈ ਅਤੇ ਇਸ ਨੂੰ 20,999 ਰੁਪਏ 'ਚ ਖਰੀਦਿਆ ਜਾ ਸਕਦਾ ਹੈ। ਇਸ ਫੋਨ 'ਚ MediaTek Dimension 7200 Pro ਪ੍ਰੋਸੈਸਰ ਮੌਜੂਦ ਹੈ। ਇਸ ਵਿੱਚ 6.7-ਇੰਚ ਦੀ ਫੁੱਲ HD+ ਡਿਸਪਲੇ ਅਤੇ ਪੂਰੇ ਦਿਨ ਦੀ ਵਰਤੋਂ ਲਈ 5000mAh ਦੀ ਬੈਟਰੀ ਦਿੱਤੀ ਗਈ ਹੈ। ਕੈਮਰਾ ਸੈਟਅਪ ਦੇ ਤੌਰ 'ਤੇ ਇਸ ਵਿੱਚ ਆਪਟੀਕਲ ਇਮੇਜ ਸਟੇਬਲਾਈਜ਼ੇਸ਼ਨ (OIS) ਦੇ ਨਾਲ ਦੋ 50MP ਕੈਮਰੇ ਅਤੇ ਸੈਲਫੀ ਲਈ 32MP ਫਰੰਟ-ਫੇਸਿੰਗ ਕੈਮਰਾ ਦਿੱਤਾ ਗਿਆ ਹੈ।

ਇਹ ਵੀ ਪੜ੍ਹੋ:-