ਨਵੀਂ ਦਿੱਲੀ— ਰਣਜੀ ਟਰਾਫੀ ਦਾ ਫਾਈਨਲ ਮੈਚ ਮੁੰਬਈ ਅਤੇ ਵਿਦਰਭ ਵਿਚਾਲੇ ਖੇਡਿਆ ਜਾ ਰਿਹਾ ਹੈ। ਮੁੰਬਈ ਦੇ ਤੀਜੇ ਬੱਲੇਬਾਜ਼ ਮੁਸ਼ੀਰ ਖਾਨ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸੈਂਕੜਾ ਲਗਾਇਆ। ਮੁਸ਼ੀਰ ਦਾ ਇਹ ਸ਼ਾਨਦਾਰ ਪ੍ਰਦਰਸ਼ਨ ਅੰਡਰ-19 ਵਿਸ਼ਵ ਕੱਪ ਤੋਂ ਬਾਅਦ ਸਾਹਮਣੇ ਆਇਆ ਹੈ। ਹਾਲਾਂਕਿ ਮੁਸ਼ੀਰ ਖਾਨ ਪਹਿਲੀ ਪਾਰੀ 'ਚ ਜਲਦੀ ਆਊਟ ਹੋ ਗਏ ਅਤੇ ਕੁਝ ਖਾਸ ਪ੍ਰਦਰਸ਼ਨ ਨਹੀਂ ਕਰ ਸਕੇ ਪਰ ਦੂਜੀ ਪਾਰੀ 'ਚ ਉਨ੍ਹਾਂ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ ਹੈ।
ਮੁਸ਼ੀਰ ਨੇ ਸ਼ਾਨਦਾਰ ਖੇਡ ਖੇਡਦੇ ਹੋਏ 132 ਗੇਂਦਾਂ 'ਚ ਆਪਣਾ ਅਰਧ ਸੈਂਕੜਾ ਪੂਰਾ ਕੀਤਾ। ਇਸ ਤੋਂ ਬਾਅਦ ਤੀਜੇ ਦਿਨ ਮੁਸ਼ੀਰ ਨੇ 255 ਗੇਂਦਾਂ ਖੇਡ ਕੇ ਆਪਣਾ ਸੈਂਕੜਾ ਪੂਰਾ ਕੀਤਾ। ਇਸ ਤੋਂ ਬਾਅਦ ਉਹ ਆਪਣੇ ਸਕੋਰ ਵਿੱਚ ਸਿਰਫ਼ 36 ਦੌੜਾਂ ਹੀ ਜੋੜ ਸਕਿਆ ਅਤੇ ਪਾਰੀ ਦੇ 109ਵੇਂ ਓਵਰ ਵਿੱਚ ਐਲਬੀਡਬਲਿਊ ਆਊਟ ਹੋ ਗਿਆ। ਉਸ ਨੇ ਆਪਣੀ ਪੂਰੀ ਪਾਰੀ ਦੌਰਾਨ 10 ਚੌਕੇ ਲਾਏ। ਤੁਹਾਨੂੰ ਦੱਸ ਦੇਈਏ ਕਿ ਮੁਸ਼ੀਰ ਖਾਨ ਨੇ ਅੰਡਰ-19 ਵਿਸ਼ਵ ਕੱਪ 'ਚ ਵੀ 2 ਸੈਂਕੜੇ ਲਗਾਏ ਸਨ। ਅਤੇ ਉਹ ਵਿਸ਼ਵ ਕੱਪ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਦੂਜਾ ਬੱਲੇਬਾਜ਼ ਸੀ।
