ਬ੍ਰਿਸਬੇਨ : ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਗਾਬਾ 'ਚ ਖੇਡੇ ਜਾ ਰਹੇ ਤੀਜੇ ਟੈਸਟ ਮੈਚ ਦੇ ਦੂਜੇ ਦਿਨ ਭਾਰਤ ਮਜ਼ਬੂਤ ਸਥਿਤੀ 'ਚ ਪਹੁੰਚ ਗਿਆ ਹੈ। ਪਹਿਲੇ ਦਿਨ ਸਿਰਫ਼ 13.2 ਓਵਰ ਹੀ ਖੇਡੇ ਜਾ ਸਕੇ। ਪਰ ਦੂਜੇ ਦਿਨ 87 ਓਵਰ ਖੇਡੇ ਗਏ ਅਤੇ ਦਿਨ ਦੀ ਖੇਡ ਖਤਮ ਹੋਣ ਤੱਕ ਆਸਟ੍ਰੇਲੀਆ ਨੇ 7 ਵਿਕਟਾਂ ਗੁਆ ਕੇ 405 ਦੌੜਾਂ ਬਣਾ ਲਈਆਂ ਸਨ। ਜਿਸ ਵਿੱਚ ਟ੍ਰੈਵਿਸ ਹੈੱਡ (152) ਅਤੇ ਸਟੀਵ ਸਮਿਥ (101) ਦੇ ਨਾਲ ਚੌਥੇ ਵਿਕਟ ਲਈ 241 ਦੌੜਾਂ ਦੀ ਸਾਂਝੇਦਾਰੀ ਸ਼ਾਮਿਲ ਹੈ।
Australia on top at the end of Day 2.#WTC25 | #AUSvIND 📝: https://t.co/Nh59FEIf0u pic.twitter.com/RGDzi6Jt2c
— ICC (@ICC) December 15, 2024
ਮੈਚ ਦਾ ਦੂਜਾ ਦਿਨ ਪੂਰੀ ਤਰ੍ਹਾਂ ਆਸਟਰੇਲੀਆ ਦੇ ਨਾਂ ਰਿਹਾ। ਪਹਿਲੀ ਪਾਰੀ 'ਚ 400 ਦਾ ਸਕੋਰ ਬਣਾਉਣਾ ਇਸ ਪਿੱਚ 'ਤੇ ਕਾਫੀ ਮੁਸ਼ਕਿਲ ਹੋਵੇਗਾ, ਖਾਸ ਤੌਰ 'ਤੇ ਭਾਰਤੀ ਬੱਲੇਬਾਜ਼ਾਂ ਦੀ ਫਾਰਮ ਨੂੰ ਦੇਖਦੇ ਹੋਏ। ਬੁਮਰਾਹ ਨੇ ਆਖਰੀ ਸੈਸ਼ਨ ਵਿੱਚ ਨਵੀਂ ਗੇਂਦ ਨਾਲ ਚਾਰ ਵਿਕਟਾਂ ਲੈ ਕੇ ਭਾਰਤ ਦੀ ਵਾਪਸੀ ਦੀ ਕੋਸ਼ਿਸ਼ ਕੀਤੀ। ਬਾਕੀ ਕੋਈ ਵੀ ਗੇਂਦਬਾਜ਼ ਇੰਨੀ ਛਾਪ ਛੱਡ ਨਹੀਂ ਸਕਿਆ। ਭਾਰਤ ਲਈ ਬੁਮਰਾਹ ਨੇ 72 ਦੌੜਾਂ ਦੇ ਕੇ ਪੰਜ ਵਿਕਟਾਂ ਲਈਆਂ ਜਦਕਿ ਮੁਹੰਮਦ ਸਿਰਾਜ ਅਤੇ ਨਿਤੀਸ਼ ਕੁਮਾਰ ਰੈੱਡੀ ਨੂੰ ਇਕ-ਇਕ ਵਿਕਟ ਮਿਲੀ।
Another day, another five-wicket haul for Jasprit Bumrah 🌟#WTC25 | #AUSvIND pic.twitter.com/WkOZHoxpRL
— ICC (@ICC) December 15, 2024
ਟ੍ਰੈਵਿਸ ਹੈੱਡ ਨੇ ਪਿਛਲੇ ਮੈਚ 'ਚ 140 ਦੌੜਾਂ ਬਣਾਈਆਂ ਸਨ ਅਤੇ ਇਸ ਮੈਚ 'ਚ ਹੈੱਡ ਨੇ 160 ਗੇਂਦਾਂ ਦੀ ਆਪਣੀ ਤੇਜ਼ ਰਫਤਾਰ ਪਾਰੀ 'ਚ 18 ਚੌਕੇ ਲਗਾਏ ਸਨ। ਉਸ ਨੇ ਸਮਿਥ ਦੇ ਨਾਲ ਚੌਥੇ ਵਿਕਟ ਲਈ 303 ਗੇਂਦਾਂ ਵਿੱਚ 241 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਆਸਟਰੇਲੀਆ ਨੂੰ ਮਜ਼ਬੂਤ ਸਥਿਤੀ ਵਿੱਚ ਪਹੁੰਚਾਇਆ। ਧੀਰਜ ਨਾਲ ਖੇਡਦੇ ਹੋਏ ਸਮਿਥ ਨੇ 190 ਗੇਂਦਾਂ 'ਤੇ 101 ਦੌੜਾਂ 'ਚ 12 ਚੌਕੇ ਲਗਾਏ।
ਦੂਜੇ ਦਿਨ ਸਟੰਪ ਖਤਮ ਹੋਣ ਤੱਕ ਐਲੇਕਸ ਕੈਰੀ 45 ਦੌੜਾਂ ਬਣਾ ਕੇ ਨਾਬਾਦ ਸੀ ਜਦਕਿ ਮਿਸ਼ੇਲ ਸਟਾਰਕ ਸੱਤ ਦੌੜਾਂ ਬਣਾ ਕੇ ਉਸ ਨਾਲ ਕ੍ਰੀਜ਼ 'ਤੇ ਸਨ। ਕਪਤਾਨ ਪੈਟ ਕਮਿੰਸ 20 ਦੌੜਾਂ ਬਣਾ ਕੇ ਆਊਟ ਹੋ ਗਏ ਪਰ ਕੈਰੀ ਅਤੇ ਕਮਿੰਸ ਨੇ ਸੱਤਵੇਂ ਵਿਕਟ ਲਈ 58 ਦੌੜਾਂ ਦੀ ਸ਼ਾਨਦਾਰ ਸਾਂਝੇਦਾਰੀ ਕੀਤੀ।
