ਨਵੀਂ ਦਿੱਲੀ: ਏਸੀਸੀ ਪੁਰਸ਼ ਟੀ-20 ਐਮਰਜਿੰਗ ਏਸ਼ੀਆ ਕੱਪ ਵਿੱਚ ਭਾਰਤ ਨੇ ਆਪਣੇ ਕੱਟੜ ਵਿਰੋਧੀ ਪਾਕਿਸਤਾਨ ਨੂੰ 7 ਦੌੜਾਂ ਨਾਲ ਹਰਾ ਦਿੱਤਾ। ਸ਼ਨੀਵਾਰ ਨੂੰ ਦੋਵਾਂ ਦੇਸ਼ਾਂ ਦੇ ਉੱਭਰਦੇ ਹੋਏ ਟੈਲੇਂਟ ਇੱਕ-ਦੂਜੇ ਦੇ ਆਹਮੋ-ਸਾਹਮਣੇ ਸਨ, ਉੱਥੇ ਹੀ ਮਸਕਟ ਦੇ ਓਮਾਨ ਕ੍ਰਿਕਟ ਅਕੈਡਮੀ ਗਰਾਊਂਡ 'ਚ ਖੇਡੇ ਗਏ ਮੈਚ 'ਚ ਟੀਮ ਇੰਡੀਆ ਨੇ ਪਾਕਿਸਤਾਨ ਸ਼ਾਹੀਨ ਨੂੰ ਹਰਾਇਆ।
India ‘A’ scored 1️⃣8️⃣3️⃣ runs against Pakistan ‘A’, with the top order leading the charge. Can their bowlers defend the total and seal the game?#MensT20EmergingTeamsAsiaCup #ACC pic.twitter.com/9ZwaROwwYN
— AsianCricketCouncil (@ACCMedia1) October 19, 2024
ਇਸ ਮੈਚ ਵਿੱਚ ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ ਵਿੱਚ 183 ਦੌੜਾਂ ਬਣਾਈਆਂ। ਭਾਰਤ ਲਈ ਕਪਤਾਨ ਤਿਲਕ ਵਰਮਾ ਨੇ ਸਭ ਤੋਂ ਵੱਧ 43 ਦੌੜਾਂ ਦੀ ਪਾਰੀ ਖੇਡੀ। ਇਸ ਤੋਂ ਇਲਾਵਾ ਭਾਰਤੀ ਟੀਮ ਦੇ ਉੱਭਰਦੇ ਸਟਾਰ ਬੱਲੇਬਾਜ਼ ਅਭਿਸ਼ੇਕ ਸ਼ਰਮਾ ਨੇ 35, ਪ੍ਰਭਸਿਮਰਨ ਸਿੰਘ ਨੇ 36 ਅਤੇ ਨੇਹਲ ਵਢੇਰਾ ਨੇ 35 ਦੌੜਾਂ ਬਣਾਈਆਂ।
ਭਾਰਤ ਦੇ 183 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਪਾਕਿਸਤਾਨ ਦੀ ਟੀਮ 176 ਦੌੜਾਂ ਹੀ ਬਣਾ ਸਕੀ। ਪਾਕਿਸਤਾਨ ਟੀਮ ਦੇ ਸਲਾਮੀ ਬੱਲੇਬਾਜ਼ ਮੁਹੰਮਦ ਹੈਰਿਸ ਨੇ ਪਹਿਲੀ ਹੀ ਗੇਂਦ 'ਤੇ ਛੱਕਾ ਜੜਿਆ, ਹਾਲਾਂਕਿ ਅਗਲੀ ਹੀ ਗੇਂਦ 'ਤੇ ਗੇਂਦਬਾਜ਼ ਕੰਬੋਜ ਨੇ ਉਨ੍ਹਾਂ ਨੂੰ ਪੈਵੇਲੀਅਨ ਦਾ ਰਸਤਾ ਦਿਖਾ ਦਿੱਤਾ। ਪਾਕਿਸਤਾਨ ਸ਼ਾਹੀਨ ਨੂੰ ਪਾਰੀ ਦੇ ਤੀਜੇ ਓਵਰ 'ਚ ਦੂਜਾ ਵੱਡਾ ਝਟਕਾ ਲੱਗਾ ਜਦੋਂ ਉਨ੍ਹਾਂ ਦਾ ਬੱਲੇਬਾਜ਼ ਉਮਰ ਯੂਸਫ ਕੰਬੋਜ ਦੀ ਗੇਂਦ 'ਤੇ ਕੈਚ ਆਊਟ ਹੋ ਗਿਆ।
India ‘A’ clinched victory against Pakistan ‘A’ by 7 runs in a nail-biting match! A thrilling finish that kept everyone on the edge till the last ball! 🙌🥶#MensT20EmergingTeamsAsiaCup #ACC pic.twitter.com/OgCzabLrzs
— AsianCricketCouncil (@ACCMedia1) October 19, 2024
ਇਸ ਤੋਂ ਬਾਅਦ ਪਾਕਿਸਤਾਨ ਸ਼ਾਹੀਨ ਦੇ ਬੱਲੇਬਾਜ਼ ਯਾਸਿਰ ਖਾਨ 33 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਪਾਕਿਸਤਾਨ ਲਈ ਅਰਫਤ ਮਿਨਹਾਸ ਨੇ ਸਭ ਤੋਂ ਵੱਧ 41 ਦੌੜਾਂ ਦੀ ਪਾਰੀ ਖੇਡੀ। ਕਾਸਿਮ ਅਕਰਮ ਨੇ 27 ਦੌੜਾਂ ਅਤੇ ਅਬਦੁਲ ਸਮਦ ਨੇ 25 ਦੌੜਾਂ ਬਣਾਈਆਂ। ਸਮਦ ਦੀ ਬੱਲੇਬਾਜ਼ੀ ਨੇ ਪਾਕਿਸਤਾਨ ਨੂੰ ਆਖਰੀ ਓਵਰ ਤੱਕ ਮੈਚ 'ਚ ਰੋਕੀ ਰੱਖਿਆ।
ਆਖਰੀ ਓਵਰ ਨੇ ਭਰਿਆ ਉਤਸ਼ਾਹ
ਪਾਕਿਸਤਾਨ ਨੂੰ ਆਖਰੀ ਓਵਰ ਵਿੱਚ ਜਿੱਤ ਲਈ 6 ਗੇਂਦਾਂ ਵਿੱਚ 17 ਦੌੜਾਂ ਦੀ ਲੋੜ ਸੀ। ਅੰਸ਼ੁਲ ਨੇ ਸਮਦ ਨੂੰ ਪਹਿਲੀ ਹੀ ਗੇਂਦ 'ਤੇ ਕੈਚ ਆਊਟ ਕਰਵਾਇਆ। ਇਸ ਤੋਂ ਬਾਅਦ ਬੱਲੇਬਾਜ਼ੀ ਕਰਨ ਆਏ ਜ਼ਮਾਨ ਨੇ ਦੂਜੀ ਗੇਂਦ 'ਤੇ ਇਕ ਦੌੜ ਲਈ। ਤੀਜੀ ਗੇਂਦ 'ਤੇ ਉਨ੍ਹਾਂ ਦੇ ਬੱਲੇ ਨਾਲ ਕੱਟ ਲੱਗਕੇ ਵਿਕਟਕੀਪਰ ਦੇ ਕੋਲੋਂ ਚੌਕਾ ਲੱਗ ਗਿਆ। ਅੱਬਾਸ ਨੇ ਚੌਥੀ ਗੇਂਦ 'ਤੇ ਇਕ ਵੀ ਦੌੜ ਨਹੀਂ ਲਈ ਅਤੇ ਪੰਜਵੀਂ ਗੇਂਦ ਖਾਲੀ ਹੁੰਦੇ ਹੀ ਭਾਰਤੀ ਟੀਮ ਨੇ ਮੈਚ ਜਿੱਤ ਲਿਆ।
ਪਾਕਿਸਤਾਨ ਦੀ ਗੇਂਦਬਾਜ਼ੀ ਦਾ ਪ੍ਰਦਰਸ਼ਨ
ਪਾਕਿਸਤਾਨ ਲਈ ਅੱਬਾਸ ਅਫਰੀਦੀ ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਉਨ੍ਹਾਂ ਨੇ 3 ਓਵਰਾਂ 'ਚ 14 ਦੀ ਔਸਤ ਨਾਲ 42 ਦੌੜਾਂ ਦਿੱਤੀਆਂ ਜਦਕਿ ਇਕ ਵੀ ਵਿਕਟ ਨਹੀਂ ਲਈ। ਇਸ ਤੋਂ ਇਲਾਵਾ ਸੂਫੀਆਨ ਮੁਕੀਮ ਨੇ 2, ਮੁਹੰਮਦ ਇਮਰਾਨ, ਜ਼ਮਾਨ ਖਾਨ, ਕਾਸਿਮ ਅਕਰਮ ਨੇ 1-1 ਵਿਕਟ ਲਿਆ।
ਭਾਰਤ ਦੀ ਗੇਂਦਬਾਜ਼ੀ ਦਾ ਪ੍ਰਦਰਸ਼ਨ
ਭਾਰਤ ਲਈ ਅੰਸ਼ੁਲ ਕੰਬੋਜ ਨੇ 4 ਓਵਰਾਂ 'ਚ 33 ਦੌੜਾਂ ਦੇ ਕੇ 3 ਵਿਕਟਾਂ ਲਈਆਂ। ਇਸ ਤੋਂ ਇਲਾਵਾ ਰਸਿਖ ਸਲਾਮ ਨੇ 4 ਓਵਰਾਂ ਵਿੱਚ 30 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਨਿਸ਼ਾਂਤ ਸਿੰਧੂ ਨੇ ਵੀ 2 ਵਿਕਟਾਂ ਲਈਆਂ।
