ਚੰਡੀਗੜ੍ਹ: ਪੰਜਾਬੀ ਸਿਨੇਮਾ ਦੇ ਦਿੱਗਜ ਐਕਟਰਜ਼ ਵਿੱਚ ਆਪਣਾ ਸ਼ੁਮਾਰ ਕਰਵਾਉਣ ਵਿੱਚ ਸਫ਼ਲ ਰਹੇ ਹਨ ਅਦਾਕਾਰ ਯੋਗਰਾਜ ਸਿੰਘ, ਜੋ ਹੁਣ ਲੀਕ ਤੋਂ ਅਲਹਦਾ ਕਿਰਦਾਰਾਂ ਵੱਲ ਆਪਣਾ ਰੁਖ਼ ਕਰਦੇ ਨਜ਼ਰੀ ਆ ਰਹੇ ਹਨ, ਜਿਸ ਸੰਬੰਧੀ ਉਨ੍ਹਾਂ ਵੱਲੋਂ ਅਪਣਾਏ ਜਾ ਰਹੇ ਇਸ ਸਿਲਸਿਲੇ ਦਾ ਇਜ਼ਹਾਰ ਕਰਵਾਉਣ ਜਾ ਰਹੀ ਉਨ੍ਹਾਂ ਦੀ ਐਲਾਨੀ ਹੋਈ ਨਵੀਂ ਪੰਜਾਬੀ ਫਿਲਮ 'ਦਿ ਫੋਰਥ ਬੈਟਲ', ਜਿਸ ਦੀ ਪਹਿਲੀ ਝਲਕ ਵੀ ਜਾਰੀ ਕਰ ਦਿੱਤੀ ਗਈ ਹੈ।
'ਦਿ ਫਿਲਮ ਅੰਪਾਇਰ' ਦੇ ਬੈਨਰ ਹੇਠ ਪੇਸ਼ ਕੀਤੀ ਜਾ ਰਹੀ ਇਸ ਪੀਰੀਅਡ ਫਿਲਮ ਦਾ ਨਿਰਦੇਸ਼ਨ ਕਪਿਲ ਕਲਿਆਣ ਕਰਨਗੇ, ਜੋ ਇਸ ਅਰਥ ਭਰਪੂਰ ਪੀਰੀਅਡ ਡਰਾਮਾ ਫਿਲਮ ਦੁਆਰਾ ਬਤੌਰ ਨਿਰਦੇਸ਼ਕ ਪਾਲੀਵੁੱਡ ਵਿੱਚ ਅਪਣੀ ਨਵੀਂ ਅਤੇ ਪ੍ਰਭਾਵੀ ਸਿਨੇਮਾ ਪਾਰੀ ਦਾ ਆਗਾਜ਼ ਕਰਨਗੇ।
ਪੰਜਾਬ ਦੇ ਗੌਰਵਮਈ ਸਿੱਖ ਇਤਿਹਾਸਿਕ ਅਤੇ ਮੁਗਲਈ ਸਮੇਂ ਦੌਰਾਨ ਮਹਾਨ ਸਿੱਖ ਜਰਨੈਲਾਂ ਵੱਲੋਂ ਕੀਤੀਆਂ ਗਈਆਂ ਕੁਰਬਾਨੀਆਂ ਅਤੇ ਧਰਮ ਖਾਤਿਰ ਮੁਗਲਾਂ ਖਿਲਾਫ਼ ਲੜੀਆਂ ਗਈਆਂ ਲੜਾਈਆਂ ਦੀ ਤਰਜ਼ਮਾਨੀ ਅਤੇ ਗਾਥਾ ਪੇਸ਼ ਕਰਦੀ ਇਸ ਫਿਲਮ ਦਾ ਲੇਖਨ ਅਤੇ ਨਿਰਮਾਣ ਜਸਬੀਰ ਸਿੰਘ ਗਰਚਾ ਦੁਆਰਾ ਕੀਤਾ ਜਾ ਰਿਹਾ ਹੈ, ਜਿੰਨ੍ਹਾਂ ਵੱਲੋਂ ਕਾਫ਼ੀ ਲੰਮੇਰੀ ਰਿਸਰਚ ਅਤੇ ਸਿਨੇਮਾ ਸਿਰਜਣਾਤਮਕਤਾ ਸੰਬੰਧਤ ਤਿਆਰੀ ਬਾਅਦ ਇਸ ਵਿਸ਼ਾਲ ਕੈਨਵਸ ਪੰਜਾਬੀ ਫਿਲਮ ਦਾ ਐਲਾਨ ਕੀਤਾ ਗਿਆ ਹੈ।
ਪਾਲੀਵੁੱਡ ਦੀਆਂ ਆਉਣ ਵਾਲੀਆਂ ਵੱਡੀਆਂ ਅਤੇ ਬਿੱਗ ਸੈਟਅੱਪ ਫਿਲਮਾਂ ਵਿੱਚ ਆਪਣੀ ਮੌਜੂਦਗੀ ਦਰਜ ਕਰਵਾਉਣ ਜਾ ਰਹੀ ਇਸ ਫਿਲਮ ਵਿੱਚ ਸਿੱਖ ਯੋਧੇ ਦੇ ਕਿਰਦਾਰ ਵਿੱਚ ਨਜ਼ਰੀ ਆਉਣਗੇ ਅਦਾਕਾਰ ਯੋਗਰਾਜ ਸਿੰਘ, ਜਿੰਨ੍ਹਾਂ ਵੱਲੋਂ ਅਪਣੇ ਰੋਲ ਨੂੰ ਸੱਚਾ ਰੂਪ ਦੇਣ ਲਈ ਤਲਵਾਰਬਾਜ਼ੀ ਤੋਂ ਲੈ ਹਰ ਗਤਕਾ ਹੁਨਰਮੰਦੀ ਅਪਨਾਉਣ ਤੱਕ ਖਾਸੀ ਮਿਹਨਤ ਅਤੇ ਤਰੱਦਦ ਕੀਤੇ ਜਾ ਰਹੇ ਹਨ, ਜਿਸ ਸੰਬੰਧੀ ਹੀ ਅਪਣਾ ਉਤਸ਼ਾਹ ਬਿਆਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸਿੱਖ ਇਤਿਹਾਸ ਅਤੇ ਗੁਰੂਆਂ ਪੀਰਾਂ ਦੇ ਮਾਣ ਭਰੇ ਜੀਵਨ ਸਮੇਂ ਨੂੰ ਦਰਸਾਉਂਦੀ ਇਸ ਫਿਲਮ ਦਾ ਹਿੱਸਾ ਬਣ ਬੇਹੱਦ ਫਖ਼ਰ ਮਹਿਸੂਸ ਕਰ ਰਿਹਾ ਹੈ, ਜਿਸ ਨੂੰ ਅਪਣੇ ਹੁਣ ਤੱਕ ਦੇ ਕਰੀਅਰ ਦੀ ਇੱਕ ਅਜਿਹੀ ਬਿਹਤਰੀਨ ਫਿਲਮ ਅਤੇ ਕਿਰਦਾਰ ਵੀ ਕਹਿ ਸਕਦਾ ਹਾਂ, ਜਿਸ ਨੂੰ ਅੰਜ਼ਾਮ ਦੇਣ ਦੀ ਤਾਂਘ ਪਿਛਲੇ ਕਾਫ਼ੀ ਸਮੇਂ ਤੋਂ ਰਹੀ ਹੈ।
- ਸਿਨੇਮਾ ਖੇਤਰ ਵਿੱਚ ਮੁੜ ਸਰਗਰਮ ਹੋਏ ਡੀਨੋ ਮੋਰਿਆ, ਕਸ਼ਮੀਰ 'ਚ ਸ਼ੁਰੂ ਕੀਤੀ ਨਵੀਂ ਫਿਲਮ ਦੀ ਸ਼ੂਟਿੰਗ - Dino Morea new project
- ਅਨਮੋਲ ਗਗਨ ਮਾਨ ਦਾ ਹੋਵੇਗਾ ਵਿਆਹ, ਜਾਣੋ ਕੋਣ ਹੈ ਲਾੜਾ ਅਤੇ ਕੀ ਕਰਦਾ ਹੈ ਸੁਹਰਾ ਪਰਿਵਾਰ? - anmol gagan maan marriage
- ਗਾਇਕ ਫਿਰੋਜ਼ ਖਾਨ ਦਾ ਵਿਦੇਸ਼ ਟੂਰ ਜਾਰੀ, ਆਸਟ੍ਰੇਲੀਆ ਸੰਸਦ 'ਚ ਹੋਏ ਸਨਮਾਨਿਤ - Singer Feroz Khan honored
ਸਾਲ 1983 ਵਿੱਚ ਆਈ ਅਤੇ ਸਵਰਗੀ ਵਰਿੰਦਰ ਵੱਲੋਂ ਨਿਰਦੇਸ਼ਿਤ ਕੀਤੀ ਗਈ 'ਬਟਵਾਰਾ' ਨਾਲ ਪੰਜਾਬੀ ਸਿਨੇਮਾ ਦਾ ਹਿੱਸਾ ਬਣੇ ਇਹ ਬਿਹਤਰੀਨ ਅਦਾਕਾਰ ਲਗਭਗ ਚਾਰ ਦਹਾਕਿਆਂ ਦਾ ਲੰਮਾ ਫਿਲਮੀ ਪੈਂਡਾ ਸਫਲਤਾਪੂਰਵਕ ਤੈਅ ਕਰ ਚੁੱਕੇ ਹਨ, ਜੋ ਆਉਣ ਵਾਲੇ ਦਿਨਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਇੱਕ ਹੋਰ ਧਾਰਮਿਕ ਫਿਲਮ 'ਉੱਚਾ ਦਰ ਬਾਬੇ ਨਾਨਕ ਦਾ' ਵਿੱਚ ਵੀ ਅਲਹਦਾ ਰੋਲ ਦੁਆਰਾ ਦਰਸ਼ਕਾਂ ਦੇ ਸਨਮੁੱਖ ਹੋਣਗੇ।
