ਮੁੰਬਈ: ਮਸ਼ਹੂਰ ਫੈਸ਼ਨ ਡਿਜ਼ਾਈਨਰ ਅਤੇ ਅਦਾਕਾਰਾ ਨੀਨਾ ਗੁਪਤਾ ਦੀ ਬੇਟੀ ਮਸਾਬਾ ਗੁਪਤਾ ਗਰਭਵਤੀ ਹੈ। ਜੀ ਹਾਂ...ਹਾਲ ਹੀ 'ਚ ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਇਹ ਖੁਸ਼ਖਬਰੀ ਸ਼ੇਅਰ ਕੀਤੀ ਹੈ। 18 ਅਪ੍ਰੈਲ ਨੂੰ ਮਸਾਬਾ ਨੇ ਆਪਣੇ ਪਤੀ ਸਤਿਆਦੀਪ ਮਿਸ਼ਰਾ ਦੇ ਨਾਲ ਇਹ ਖੁਸ਼ਖਬਰੀ ਆਪਣੇ ਪ੍ਰਸ਼ੰਸਕਾਂ ਲਈ ਖੂਬਸੂਰਤ ਅੰਦਾਜ਼ 'ਚ ਸਾਂਝੀ ਕੀਤੀ।
ਅਨੰਨਿਆ ਪਾਂਡੇ, ਸ਼ਿਲਪਾ ਸ਼ੈੱਟੀ ਅਤੇ ਹੋਰ ਕਈ ਬਾਲੀਵੁੱਡ ਮਸ਼ਹੂਰ ਹਸਤੀਆਂ ਨੇ ਉਨ੍ਹਾਂ ਦੀ ਪੋਸਟ 'ਤੇ ਜੋੜੇ ਨੂੰ ਵਧਾਈ ਦਿੱਤੀ। ਮਸਾਬਾ ਦੀ ਮਾਂ ਨੀਨਾ ਗੁਪਤਾ ਨੇ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਇੱਕ ਖੂਬਸੂਰਤ ਤਸਵੀਰ ਪੋਸਟ ਕਰਕੇ ਜੋੜੇ ਨੂੰ ਵਧਾਈ ਦਿੱਤੀ ਹੈ।
ਮਸਾਬਾ ਗੁਪਤਾ ਨੇ ਪ੍ਰਸ਼ੰਸਕਾਂ ਨਾਲ ਖੁਸ਼ਖਬਰੀ ਕੀਤੀ ਸਾਂਝੀ: ਮਸਾਬਾ ਗੁਪਤਾ ਨੇ ਆਪਣੇ ਪਤੀ ਸਤਿਆਦੀਪ ਮਿਸ਼ਰਾ ਨਾਲ ਆਪਣੇ ਪਹਿਲੇ ਬੱਚੇ ਦੇ ਆਉਣ ਦੀ ਖੁਸ਼ੀ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕੀਤੀ। ਇੱਕ ਪਿਆਰੀ ਪੋਸਟ ਸ਼ੇਅਰ ਕਰਦੇ ਹੋਏ ਉਸਨੇ ਕੈਪਸ਼ਨ ਲਿਖਿਆ, 'ਹੋਰ ਖੁਸ਼ਖਬਰੀ ਵਿੱਚ, ਦੋ ਛੋਟੀਆਂ ਲੱਤਾਂ ਸਾਡੇ ਵੱਲ ਆ ਰਹੀਆਂ ਹਨ, ਆਪਣਾ ਪਿਆਰ, ਆਸ਼ੀਰਵਾਦ ਅਤੇ ਕੇਲੇ ਦੇ ਚਿਪਸ (ਸਿਰਫ਼ ਸਾਦਾ ਨਮਕੀਨ)।'
ਨੀਨਾ ਗੁਪਤਾ ਨੇ ਆਪਣੀ ਖੁਸ਼ੀ ਕੀਤੀ ਜ਼ਾਹਰ: ਮਸਾਬਾ ਦੀ ਮਾਂ ਅਤੇ ਬਾਲੀਵੁੱਡ ਅਦਾਕਾਰਾ ਨੀਨਾ ਗੁਪਤਾ ਨੇ ਇੱਕ ਪਿਆਰੇ ਨੋਟ ਨਾਲ ਜੋੜੇ ਨੂੰ ਵਧਾਈ ਦਿੱਤੀ। ਉਸ ਨੇ ਜੋੜੇ ਦੀ ਇੱਕ ਖੂਬਸੂਰਤ ਤਸਵੀਰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ, 'ਸਾਡੇ ਬੱਚਿਆਂ ਦਾ ਬੱਚਾ ਆਉਣ ਵਾਲਾ ਹੈ। ਇਸ ਤੋਂ ਵੱਧ ਖੁਸ਼ੀ ਦੀ ਗੱਲ ਹੋਰ ਕੀ ਹੋ ਸਕਦੀ ਹੈ?'
ਮਸਾਬਾ ਗੁਪਤਾ ਅਤੇ ਸਤਿਆਦੀਪ ਮਿਸ਼ਰਾ ਦਾ ਵਿਆਹ 27 ਜਨਵਰੀ 2023 ਨੂੰ ਹੋਇਆ ਸੀ। ਉਨ੍ਹਾਂ ਨੇ ਸਾਦਾ ਅਦਾਲਤੀ ਵਿਆਹ ਕਰਵਾਇਆ ਸੀ। ਉਸ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਵਿਆਹ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ। ਮਸਾਬਾ ਗੁਪਤਾ ਦਾ ਪਹਿਲਾਂ ਵਿਆਹ ਨਿਰਮਾਤਾ ਮਧੂ ਮੰਟੇਨਾ ਨਾਲ ਹੋਇਆ ਸੀ। ਉਹ 2019 ਵਿੱਚ ਵੱਖ ਹੋ ਗਏ ਸਨ। ਜਦੋਂਕਿ ਸਤਿਆਦੀਪ ਮਿਸ਼ਰਾ ਅਦਿਤੀ ਰਾਓ ਹੈਦਰੀ ਦੇ ਪਹਿਲੇ ਪਤੀ ਸਨ। 2013 ਵਿੱਚ ਉਨ੍ਹਾਂ ਦਾ ਤਲਾਕ ਹੋ ਗਿਆ ਸੀ।
