ਮੁੰਬਈ: ਬਾਲੀਵੁੱਡ ਅਦਾਕਾਰਾ ਜਾਹਨਵੀ ਕਪੂਰ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ 'ਮਿਸਟਰ ਐਂਡ ਮਿਸਿਜ਼ ਮਾਹੀ' ਦੇ ਪ੍ਰਮੋਸ਼ਨ 'ਚ ਰੁੱਝੀ ਹੋਈ ਹੈ, ਜਿਸ 'ਚ ਉਸ ਦੇ ਕੋ-ਸਟਾਰ ਰਾਜਕੁਮਾਰ ਰਾਓ ਹਨ। ਹਾਲ ਹੀ 'ਚ ਕਰਨ ਜੌਹਰ ਨਾਲ ਇੱਕ ਇੰਟਰਵਿਊ 'ਚ ਜਾਹਨਵੀ ਨੇ ਆਪਣੇ ਬਚਪਨ ਬਾਰੇ ਇੱਕ ਵੱਡਾ ਖੁਲਾਸਾ ਕੀਤਾ ਹੈ। ਇੱਥੇ ਜਾਹਨਵੀ ਨੇ 12 ਜਾਂ 13 ਸਾਲ ਦੀ ਉਮਰ ਵਿੱਚ ਮੀਡੀਆ ਦੁਆਰਾ ਸੈਕਸੁਲਾਇਜ਼ ਹੋਣ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਅਤੇ ਦੱਸਿਆ ਕਿ ਕਿਵੇਂ ਉਹ ਲਗਾਤਾਰ ਇਸਦਾ ਸਾਹਮਣਾ ਕਰ ਰਹੀ ਸੀ।
ਮੀਡੀਆ ਨੇ ਤਸਵੀਰਾਂ ਦੀ ਕੀਤੀ ਸੀ ਦੁਰਵਰਤੋਂ: ਕਰਨ ਜੌਹਰ ਨਾਲ ਗੱਲ ਕਰਦਿਆਂ ਉਸ ਨੇ ਕਿਹਾ, 'ਪਹਿਲੀ ਵਾਰ ਜਦੋਂ ਮੈਨੂੰ ਪਤਾ ਲੱਗਾ ਕਿ ਇਹ ਸਭ ਮੀਡੀਆ ਨੇ ਕੀਤਾ ਹੈ, ਮੈਨੂੰ ਲੱਗਦਾ ਹੈ ਕਿ ਮੈਂ 12-13 ਸਾਲ ਦੀ ਸੀ। ਮੈਂ ਮੰਮੀ-ਡੈਡੀ ਨਾਲ ਕਿਸੇ ਪ੍ਰੋਗਰਾਮ 'ਤੇ ਗਈ ਸੀ, ਉਥੇ ਮੇਰੀਆਂ ਤਸਵੀਰਾਂ ਖਿੱਚੀਆਂ ਗਈਆਂ। ਬਾਅਦ ਵਿੱਚ ਇਹ ਤਸਵੀਰਾਂ ਕਿਸੇ ਐਡਲਟ ਸਾਈਟ 'ਤੇ ਪੋਸਟ ਕੀਤੀਆਂ ਗਈਆਂ, ਜਿਸ ਕਾਰਨ ਮੇਰੇ ਸਕੂਲ ਦੇ ਮੁੰਡੇ ਮੇਰੇ 'ਤੇ ਹੱਸਦੇ ਸਨ।
- ਸਿਰਫ਼ 12ਵੀਂ ਤੱਕ ਪੜ੍ਹੀਆਂ ਨੇ ਬਾਲੀਵੁੱਡ ਦੀਆਂ ਇਹ ਹਸੀਨਾਵਾਂ, ਨਾਂਅ ਸੁਣ ਕੇ ਤੁਸੀਂ ਵੀ ਹੋ ਜਾਵੋਗੇ ਹੈਰਾਨ - Bollywood Actress Study
- ਨਵੀਂ ਪੰਜਾਬੀ ਫਿਲਮ ਦਾ ਹਿੱਸਾ ਬਣੇ ਜੱਸੀ ਗਿੱਲ, ਰੂਪਨ ਬਲ ਕਰਨਗੇ ਨਿਰਦੇਸ਼ਨ - Jassie Gill New Film
- ਸਲਮਾਨ ਖਾਨ ਦੇ ਪਿਤਾ ਸਲੀਮ ਖਾਨ ਨੇ ਪਾਈ ਵੋਟ, ਅਨਿਲ ਕਪੂਰ-ਨਾਨਾ ਪਾਟੇਕਰ ਸਮੇਤ ਇਨ੍ਹਾਂ ਸਿਤਾਰਿਆਂ ਨੇ ਵੀ ਦਿਖਾਈ ਸਿਆਹੀ ਵਾਲੀ ਉਂਗਲ - Lok Sabha Election 2024
ਬਚਪਨ ਵਿੱਚ ਹੀ ਹੋਇਆ ਸੈਕਸੁਲਾਇਜ਼ ਮਹਿਸੂਸ: ਜਾਹਨਵੀ ਕਪੂਰ ਨੇ ਇੰਟਰਵਿਊ 'ਚ ਦੱਸਿਆ ਕਿ ਬਚਪਨ 'ਚ ਉਨ੍ਹਾਂ ਦੀਆਂ ਕੁਝ ਤਸਵੀਰਾਂ ਐਡਲਟ ਸਾਈਟਸ 'ਤੇ ਅਪਲੋਡ ਕੀਤੀਆਂ ਗਈਆਂ ਸਨ, ਜਿਸ ਕਾਰਨ ਉਹ ਬਚਪਨ ਵਿੱਚ ਹੀ ਸੈਕਸੁਲਾਇਜ਼ ਮਹਿਸੂਸ ਕਰਦੀ ਸੀ। ਉਸ ਨੇ ਦੱਸਿਆ ਕਿ ਇਸ ਸਭ ਨਾਲ ਨਿਪਟਣਾ ਬਹੁਤ ਮੁਸ਼ਕਲ ਹੈ ਅਤੇ ਇਹ ਬਹੁਤ ਮਾੜਾ ਤਜ਼ਰਬਾ ਵੀ ਸੀ। ਜਾਹਨਵੀ ਕਪੂਰ ਅਤੇ ਰਾਜਕੁਮਾਰ ਰਾਓ ਦੀ ਫਿਲਮ 'ਮਿਸਟਰ ਐਂਡ ਮਿਸਿਜ਼ ਮਾਹੀ' ਦਾ ਟ੍ਰੇਲਰ ਹਾਲ ਹੀ 'ਚ ਰਿਲੀਜ਼ ਹੋਇਆ ਹੈ। ਇਹ ਫਿਲਮ 31 ਮਈ 2024 ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।
