ਮੁੰਬਈ (ਬਿਊਰੋ): ਹਰ ਕਿਸੇ ਦੀ ਚਹੇਤੀ ਨੂੰਹ 'ਅਕਸ਼ਰਾ' ਯਾਨੀ ਹਿਨਾ ਖਾਨ ਨੇ ਹਾਲ ਹੀ 'ਚ ਆਪਣੇ ਪ੍ਰਸ਼ੰਸਕਾਂ ਨੂੰ ਦਿਲ ਦਹਿਲਾ ਦੇਣ ਵਾਲੀ ਖਬਰ ਸੁਣਾਈ ਹੈ। ਉਸ ਨੇ ਦੱਸਿਆ ਹੈ ਕਿ ਉਸ ਨੂੰ ਛਾਤੀ ਦਾ ਕੈਂਸਰ ਹੋ ਗਿਆ ਹੈ। ਇਸ ਖਬਰ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਪ੍ਰਸ਼ੰਸਕਾਂ ਨੇ ਉਸ ਲਈ ਦੁਆਵਾਂ ਕੀਤੀਆਂ ਹਨ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਫਿਲਮ ਇੰਡਸਟਰੀ 'ਚ ਕਈ ਅਜਿਹੀਆਂ ਅਦਾਕਾਰਾਂ ਹਨ, ਜੋ ਇਸ ਗੰਭੀਰ ਬੀਮਾਰੀ ਦਾ ਸਾਹਮਣਾ ਕਰ ਚੁੱਕੀਆਂ ਹਨ।
ਮਨੀਸ਼ਾ ਕੋਇਰਾਲਾ: 'ਹੀਰਾਮੰਡੀ' ਦੀ 'ਮੱਲਿਕਾਜਾਨ' ਯਾਨੀ ਕਿ ਮਨੀਸ਼ਾ ਕੋਇਰਾਲਾ ਨੂੰ 2012 'ਚ ਅੰਡਕੋਸ਼ ਦੇ ਕੈਂਸਰ ਦਾ ਪਤਾ ਲੱਗਿਆ ਸੀ। 42 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਨੇ ਇਸ ਗੰਭੀਰ ਬੀਮਾਰੀ ਨਾਲ ਲੜਨ ਦੀ ਹਿੰਮਤ ਦਿਖਾਈ। ਉਨ੍ਹਾਂ ਨੇ ਇੱਕ ਇੰਟਰਵਿਊ ਵਿੱਚ ਆਪਣੇ ਕੈਂਸਰ ਸਰਵਾਈਵਰ ਸਮੇਂ ਦਾ ਜ਼ਿਕਰ ਕੀਤਾ। ਉਸ ਨੇ ਦੱਸਿਆ, 'ਮੈਨੂੰ ਕੈਂਸਰ ਦੀ ਚੌਥੀ ਸਟੇਜ ਸੀ। ਉਸ ਤੋਂ ਬਾਅਦ ਜ਼ਿੰਦਗੀ ਵਿੱਚ ਮੌਕਾ ਮਿਲਣਾ ਔਖਾ ਸੀ, ਪਰ ਮੈਨੂੰ ਜ਼ਿੰਦਗੀ ਨੇ ਦੂਜਾ ਮੌਕਾ ਦਿੱਤਾ। ਮੈਨੂੰ ਯਕੀਨ ਨਹੀਂ ਸੀ ਕਿ ਮੈਂ ਜੀਅ ਸਕਾਂਗੀ।' ਮਨੀਸ਼ਾ ਨੇ ਆਪਣਾ ਕੈਂਸਰ ਦਾ ਇਲਾਜ ਨਿਊਯਾਰਕ ਵਿੱਚ ਕਰਵਾਇਆ ਸੀ। ਹੁਣ ਉਹ ਠੀਕ ਹੈ।
ਸੋਨਾਲੀ ਬੇਂਦਰੇ: ਸੋਨਾਲੀ ਬੇਂਦਰੇ ਨੂੰ ਕੈਂਸਰ ਦਾ ਉਦੋਂ ਪਤਾ ਲੱਗਿਆ ਜਦੋਂ ਉਸ ਦੇ ਬਚਣ ਦੀ ਸੰਭਾਵਨਾ ਸਿਰਫ 30 ਪ੍ਰਤੀਸ਼ਤ ਸੀ। ਉਸਨੇ ਜੁਲਾਈ 2018 ਵਿੱਚ ਖੁਲਾਸਾ ਕੀਤਾ ਕਿ ਉਸਨੂੰ ਹਾਈ-ਗ੍ਰੇਡ ਮੈਟਾਸਟੈਟਿਕ ਕੈਂਸਰ ਸੀ। ਉਸਨੇ ਨਿਊਯਾਰਕ ਸਿਟੀ ਵਿੱਚ ਕੀਮੋਥੈਰੇਪੀ ਅਤੇ ਸਰਜਰੀ ਕਰਵਾਈ। ਸਫਲ ਇਲਾਜ ਤੋਂ ਬਾਅਦ ਸੋਨਾਲੀ ਭਾਰਤ ਵਾਪਸ ਆ ਗਈ ਅਤੇ ਉਦੋਂ ਤੋਂ ਕੈਂਸਰ ਜਾਗਰੂਕਤਾ ਅਤੇ ਸਕਾਰਾਤਮਕਤਾ ਦੀਆਂ ਚਰਚਾਵਾਂ ਕਰ ਰਹੀ ਹੈ।
ਲੀਜ਼ਾ ਰੇ: 2009 ਵਿੱਚ ਲੀਜ਼ਾ ਰੇ ਨੂੰ ਮਲਟੀਪਲ ਮਾਈਲੋਮਾ ਦਾ ਪਤਾ ਲੱਗਿਆ ਸੀ। ਇਹ ਕੈਂਸਰ ਪਲਾਜ਼ਮਾ ਸੈੱਲਾਂ ਨੂੰ ਪ੍ਰਭਾਵਿਤ ਕਰਨ ਵਾਲਾ ਕੈਂਸਰ ਹੈ। ਇਸ ਖੁਲਾਸੇ ਨੇ ਉਸ ਦੇ ਜੀਵਨ ਵਿੱਚ ਇੱਕ ਮੋੜ ਲਿਆਂਦਾ। ਮਲਟੀਪਲ ਮਾਈਲੋਮਾ ਇੱਕ ਕਿਸਮ ਦਾ ਬਲੱਡ ਕੈਂਸਰ ਹੈ, ਜੋ ਬੋਨ ਮੈਰੋ ਵਿੱਚ ਹੁੰਦਾ ਹੈ, ਜਿਸ ਕਾਰਨ ਪਲਾਜ਼ਮਾ ਸੈੱਲ ਤੇਜ਼ੀ ਨਾਲ ਵਧਦੇ ਹਨ। ਲੀਜ਼ਾ ਰੇ ਨੇ ਦ੍ਰਿੜਤਾ ਨਾਲ ਕੈਂਸਰ ਨਾਲ ਆਪਣੀ ਲੜਾਈ ਲੜੀ।
- OMG...ਹਿਨਾ ਖਾਨ ਨੂੰ ਹੋਇਆ ਛਾਤੀ ਦਾ ਕੈਂਸਰ, ਅਦਾਕਾਰਾ ਦੀ ਪੋਸਟ ਨੇ ਤੋੜਿਆ ਪ੍ਰਸ਼ੰਸਕਾਂ ਦਾ ਦਿਲ, ਬੋਲੇ-ਅਸੀਂ ਤੁਹਾਡੇ ਨਾਲ ਹਾਂ... - Hina Khan Breast Cancer
- ਸਿਨੇਮਾਘਰਾਂ ਵਿੱਚ ਛਾਈ ਪ੍ਰਭਾਸ ਦੀ 'ਕਲਕੀ 2898 AD', ਤੋੜਿਆ ਜਵਾਨ-ਪਠਾਨ ਸਮੇਤ ਇਨ੍ਹਾਂ 9 ਫਿਲਮਾਂ ਦਾ ਰਿਕਾਰਡ - Kalki 2898 AD
- ਪ੍ਰਸ਼ੰਸਕਾਂ ਦੇ ਦਿਲਾਂ ਉਤੇ ਛਾਈ 'ਜੱਟ ਐਂਡ ਜੂਲੀਅਟ 3', ਪਹਿਲੇ ਦਿਨ ਕੀਤੀ ਇੰਨੀ ਕਮਾਈ - Film Jatt and Juliet 3
ਕਿਰਨ ਖੇਰ: ਕਿਰਨ ਖੇਰ ਨਾ ਸਿਰਫ ਇੱਕ ਮਹਾਨ ਅਦਾਕਾਰਾ ਹੈ, ਬਲਕਿ ਇੱਕ ਮਸ਼ਹੂਰ ਰਾਜਨੇਤਾ ਵੀ ਹੈ। ਸਤੰਬਰ 2020 ਵਿੱਚ ਉਸਨੂੰ 'ਮਲਟੀਪਲ ਮਾਈਲੋਮਾ' ਕੈਂਸਰ ਦਾ ਪਤਾ ਲੱਗਿਆ ਸੀ। ਉਸਦਾ ਮੁੰਬਈ ਦੇ ਇੱਕ ਹਸਪਤਾਲ ਵਿੱਚ ਇਲਾਜ ਹੋਇਆ, ਜਿਸ ਵਿੱਚ ਕੀਮੋਥੈਰੇਪੀ ਵੀ ਸ਼ਾਮਲ ਸੀ।
ਤਾਹਿਰਾ ਕਸ਼ਯਪ: ਤਾਹਿਰਾ ਕਸ਼ਯਪ, ਲੇਖਕ, ਫਿਲਮ ਨਿਰਮਾਤਾ ਅਤੇ ਅਦਾਕਾਰ ਆਯੁਸ਼ਮਾਨ ਖੁਰਾਨਾ ਦੀ ਪਤਨੀ, 'ਸਟੇਜ 0' ਬ੍ਰੈਸਟ ਕੈਂਸਰ ਤੋਂ ਪੀੜਤ ਸੀ। ਤਾਹਿਰਾ ਨੂੰ 2018 ਵਿੱਚ ਕੈਂਸਰ ਦਾ ਪਤਾ ਲੱਗਿਆ ਸੀ।
