ਮੁੰਬਈ: ਅਮਿਤਾਭ ਬੱਚਨ ਦੀ ਸੱਸ ਇੰਦਰਾ ਭਾਦੁੜੀ ਦਾ ਅੱਜ ਬੁੱਧਵਾਰ ਨੂੰ ਦਿਹਾਂਤ ਹੋ ਗਿਆ। ਉਹ 94 ਸਾਲ ਦੇ ਸਨ। ਮੀਡੀਆ ਪੋਰਟਲ ਮੁਤਾਬਕ ਜਯਾ ਬੱਚਨ ਦੀ ਮਾਂ ਲੰਬੇ ਸਮੇਂ ਤੋਂ ਬਿਮਾਰ ਸੀ ਅਤੇ ਡਾਕਟਰਾਂ ਦੀ ਨਿਗਰਾਨੀ 'ਚ ਸੀ। ਇੰਦਰਾ ਭਾਦੁੜੀ ਮੱਧ ਪ੍ਰਦੇਸ਼ ਦੇ ਭੋਪਾਲ 'ਚ ਰਹਿੰਦੀ ਸੀ ਅਤੇ ਉੱਥੇ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਸੀ। ਉਹ ਪਿਛਲੇ ਕੁਝ ਦਿਨਾਂ ਤੋਂ ਬਿਮਾਰ ਸੀ ਅਤੇ ਡਾਕਟਰਾਂ ਦੀ ਦੇਖ-ਰੇਖ 'ਚ ਸੀ।
ਦੇਰ ਰਾਤ ਜਯਾ ਦੀ ਮਾਂ ਦਾ ਹੋ ਗਿਆ ਦਿਹਾਂਤ
ਖਬਰਾਂ ਮੁਤਾਬਕ ਮੰਗਲਵਾਰ ਦੇਰ ਰਾਤ ਇੰਦਰਾ ਭਾਦੁੜੀ ਦਾ ਦੇਹਾਂਤ ਹੋ ਗਿਆ। ਇਹ ਖਬਰ ਸੁਣ ਕੇ ਬੱਚਨ ਪਰਿਵਾਰ ਸੋਗ ਵਿੱਚ ਡੁੱਬ ਗਿਆ ਹੈ। ਅਭਿਸ਼ੇਕ ਬੱਚਨ ਸਭ ਤੋਂ ਪਹਿਲਾਂ ਆਪਣੀ ਦਾਦੀ ਦੇ ਘਰ ਪਹੁੰਚੇ। ਖਬਰ ਹੈ ਕਿ ਅਮਿਤਾਭ ਬੱਚਨ ਪਰਿਵਾਰ ਦੇ ਹੋਰ ਮੈਂਬਰਾਂ ਨਾਲ ਚਾਰਟਰਡ ਜਹਾਜ਼ ਰਾਹੀਂ ਭੋਪਾਲ ਆ ਰਹੇ ਹਨ। ਅਭਿਸ਼ੇਕ ਅਤੇ ਸ਼ਵੇਤਾ ਬੱਚਨ ਦੋਵੇਂ ਆਪਣੀ ਦਾਦੀ ਦੇ ਬਹੁਤ ਕਰੀਬ ਸਨ।
ਅਭਿਸ਼ੇਕ ਮਾਂ ਨਾਲ ਭੋਪਾਲ ਪਹੁੰਚੇ
ਜਯਾ ਬੱਚਨ ਦੀ ਮਾਂ ਦੀ ਤਬੀਅਤ ਵਿਗੜਨ 'ਤੇ ਅਭਿਸ਼ੇਕ ਬੱਚਨ ਦੇਰ ਰਾਤ ਆਪਣੀ ਮਾਂ ਜਯਾ ਬੱਚਨ ਨਾਲ ਭੋਪਾਲ ਪਹੁੰਚੇ। ਅਮਿਤਾਭ ਬੱਚਨ ਅਤੇ ਬੱਚਨ ਪਰਿਵਾਰ ਦੇ ਹੋਰ ਮੈਂਬਰ ਰਸਤੇ ਵਿੱਚ ਹਨ। ਇੰਦਰਾ ਭਾਦੁੜੀ ਭੋਪਾਲ ਦੇ ਅਪਾਰਟਮੈਂਟ ਵਿੱਚ ਇਕੱਲੀ ਰਹਿੰਦੀ ਸੀ। ਉਨ੍ਹਾਂ ਦੇ ਪਤੀ ਤਰੁਣ ਭਾਦੁੜੀ ਇੱਕ ਪੱਤਰਕਾਰ ਅਤੇ ਲੇਖਕ ਜੋ ਕਈ ਅਖਬਾਰਾਂ ਲਈ ਕੰਮ ਕਰਦੇ ਸਨ, ਦੀ 1996 ਵਿੱਚ ਮੌਤ ਹੋ ਗਈ ਸੀ।
ਜਯਾ ਬੱਚਨ ਦਾ ਜਨਮ ਮੱਧ ਪ੍ਰਦੇਸ਼ ਵਿੱਚ ਹੋਇਆ
ਜਯਾ ਬੱਚਨ ਦੇ ਮਾਤਾ-ਪਿਤਾ ਮੱਧ ਪ੍ਰਦੇਸ਼ ਵਿੱਚ ਰਹਿੰਦੇ ਸਨ, ਜਿੱਥੇ ਜਯਾ ਦਾ ਜਨਮ ਹੋਇਆ ਸੀ। ਜਯਾ ਬੱਚਨ ਦੇ ਕਰੀਅਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਛੋਟੀ ਉਮਰ ਵਿੱਚ ਹੀ ਫਿਲਮ ਇੰਡਸਟਰੀ ਵਿੱਚ ਪ੍ਰਵੇਸ਼ ਕੀਤਾ ਸੀ। ਉਨ੍ਹਾਂ ਨੇ ਸਿਰਫ 15 ਸਾਲ ਦੀ ਉਮਰ ਵਿੱਚ ਸੱਤਿਆਜੀਤ ਰੇ ਦੀ ਫਿਲਮ ਮਹਾਂਨਗਰ ਨਾਲ ਡੈਬਿਊ ਕੀਤਾ।
ਇਹ ਵੀ ਪੜ੍ਹੋ:-
