ਵਡੋਦਰਾ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਇਸ ਨੂੰ ਦੁਨੀਆ ਦੀ ਸਭ ਤੋਂ ਵੱਡੀ ਡੇਅਰੀ ਵਜੋਂ ਉਭਰਨ ਲਈ ਕਹਿਣ ਤੋਂ ਮਹਿਜ਼ ਇੱਕ ਮਹੀਨੇ ਬਾਅਦ ਹੀ ਅਮੂਲ 'ਦਿ ਟੈੱਸਟ ਆਫ਼ ਇੰਡੀਆ' ਨੇ ਸੰਯੁਕਤ ਰਾਜ ਅਮਰੀਕਾ ਵਿੱਚ ਤਾਜ਼ਾ ਦੁੱਧ ਲਾਂਚ ਕਰਕੇ ਵੱਡੀ ਛਾਲ ਮਾਰੀ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਅਮੂਲ ਦੀ ਤਾਜ਼ਾ ਦੁੱਧ ਦੀ ਰੇਂਜ ਭਾਰਤ ਤੋਂ ਬਾਹਰ ਲਾਂਚ ਕੀਤੀ ਗਈ ਹੈ। ਭਾਰਤ ਦੀ ਡੇਅਰੀ ਦਿੱਗਜ ਗੁਜਰਾਤ ਕੋ-ਆਪਰੇਟਿਵ ਮਿਲਕ ਮਾਰਕੀਟਿੰਗ ਫੈਡਰੇਸ਼ਨ (GCMMF) ਨੇ ਇਸ ਲਈ ਅਮਰੀਕਾ ਦੀ ਦਸਵੀਂ ਸਭ ਤੋਂ ਵੱਡੀ ਡੇਅਰੀ ਸਹਿਕਾਰੀ ਸੰਸਥਾ ਮਿਸ਼ੀਗਨ ਮਿਲਕ ਪ੍ਰੋਡਿਊਸਰਜ਼ ਐਸੋਸੀਏਸ਼ਨ (MMPA) ਨਾਲ ਸਾਂਝੇਦਾਰੀ ਕੀਤੀ ਹੈ।
ਭਾਈਵਾਲੀ ਦੀ ਘੋਸ਼ਣਾ ਵੀਰਵਾਰ ਨੂੰ ਨੋਵੀ, ਮਿਸ਼ੀਗਨ ਵਿੱਚ ਹੋਈ ਐਮਐਮਪੀਏ ਦੀ 108ਵੀਂ ਸਾਲਾਨਾ ਮੀਟਿੰਗ ਵਿੱਚ ਕੀਤੀ ਗਈ। ਜੈਨ ਮਹਿਤਾ, ਮੈਨੇਜਿੰਗ ਡਾਇਰੈਕਟਰ, ਗੁਜਰਾਤ ਕੋਆਪ੍ਰੇਟਿਵ, ਨੇ ਕਿਹਾ ਕਿ ਸਾਨੂੰ ਇਹ ਸਾਂਝਾ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਅਸੀਂ ਮਿਸ਼ੀਗਨ ਮਿਲਕ ਪ੍ਰੋਡਿਊਸਰਜ਼ ਐਸੋਸੀਏਸ਼ਨ - ਅਮਰੀਕਾ ਵਿੱਚ ਇੱਕ 108 ਸਾਲ ਪੁਰਾਣੀ ਡੇਅਰੀ ਸਹਿਕਾਰੀ ਸੰਸਥਾ ਨਾਲ ਇੱਕ ਸਮਝੌਤੇ 'ਤੇ ਹਸਤਾਖਰ ਕੀਤੇ ਹਨ। ਮਹਿਤਾ ਨੇ ਏਐਨਆਈ ਨੂੰ ਦੱਸਿਆ ਕਿ ਇਹ ਪਹਿਲੀ ਵਾਰ ਹੈ ਜਦੋਂ ਉਤਪਾਦਾਂ ਦੀ ਅਮੁਲ ਤਾਜ਼ਾ ਰੇਂਜ ਭਾਰਤ ਤੋਂ ਬਾਹਰ ਅਤੇ ਸੰਯੁਕਤ ਰਾਜ ਅਮਰੀਕਾ ਵਰਗੇ ਬਾਜ਼ਾਰ ਵਿੱਚ ਲਾਂਚ ਕੀਤੀ ਗਈ ਹੈ, ਜਿੱਥੇ ਬਹੁਤ ਮਜ਼ਬੂਤ ਭਾਰਤੀ ਅਤੇ ਏਸ਼ੀਆਈ ਪ੍ਰਵਾਸੀ ਹਨ।
ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਕਿਹਾ ਕਿ ਅਮੂਲ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੁਆਰਾ ਹਾਲ ਹੀ ਵਿੱਚ ਗੋਲਡਨ ਜੁਬਲੀ ਸਮਾਰੋਹ ਵਿੱਚ ਸ਼ਾਮਲ ਹੋਣ ਸਮੇਂ ਦਿੱਤੇ ਗਏ ਵਿਜ਼ਨ ਦੇ ਅਨੁਸਾਰ ਬ੍ਰਾਂਡ ਦਾ ਵਿਸਤਾਰ ਕਰਨ ਅਤੇ ਸਭ ਤੋਂ ਵੱਡੀ ਡੇਅਰੀ ਕੰਪਨੀ ਬਣਨ ਦੀ ਉਮੀਦ ਹੈ। ਅਮੂਲ ਦੀ ਉੱਦਮੀ ਭਾਵਨਾ ਨੇ ਇਸ ਦੁਨੀਆ ਦੇ ਸਭ ਤੋਂ ਮਜ਼ਬੂਤ ਡੇਅਰੀ ਬ੍ਰਾਂਡਾਂ ਵਿੱਚੋਂ ਇੱਕ ਬਣਾ ਦਿੱਤਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਅਮੂਲ ਦੇ ਉਤਪਾਦ ਦੁਨੀਆ ਦੇ 50 ਤੋਂ ਜ਼ਿਆਦਾ ਦੇਸ਼ਾਂ ਨੂੰ ਐਕਸਪੋਰਟ ਕੀਤੇ ਜਾਂਦੇ ਹਨ। ਇਸ ਤਹਿਤ 18,000 ਦੁੱਧ ਸਹਿਕਾਰੀ ਸਭਾਵਾਂ, 36,000 ਕਿਸਾਨਾਂ ਦਾ ਨੈੱਟਵਰਕ ਹੈ, ਜੋ ਹਰ ਰੋਜ਼ 3.5 ਕਰੋੜ ਲੀਟਰ ਤੋਂ ਵੱਧ ਦੁੱਧ ਦੀ ਪ੍ਰੋਸੈਸਿੰਗ ਕਰਦਾ ਹੈ।
- 10 ਸਾਲ ਦੀ ਲੜਕੀ ਨੂੰ 21 ਸਾਲ ਦੀ ਉਮਰ ਵਿੱਚ 70 ਲੱਖ ਦੀ ਮਾਲਕ ਬਣਾਵੇਗੀ ਸਰਕਾਰ - Sukanya Samridhi Yojna
- ਇਹ ਕਿਹੋ ਜਿਹਾ ਖੁਸ਼ਹਾਲ ਸੂਚਕ ਅੰਕ ਹੈ, ਜੰਗ-ਗ੍ਰਸਤ ਦੇਸ਼ ਰੂਸ-ਇਜ਼ਰਾਈਲ-ਯੂਕਰੇਨ ਵੀ ਭਾਰਤ ਨਾਲੋਂ ਬਿਹਤਰ ਹਨ? - India In World Happiness Index
- ਕੌਣ ਹੈ ਮੈਕਸੀਕਨ ਮਾਡਲ ਗ੍ਰੇਸੀਆ ਮੁਨੋਜ਼, ਜਿਸ ਨੇ ਜ਼ੋਮੈਟੋ ਦੇ CEO ਦੀਪਿੰਦਰ ਗੋਇਲ ਨਾਲ ਦੂਜੀ ਵਾਰ ਵਿਆਹ ਕੀਤਾ? - Zomato CEO Deepinder Goyal
