ਕੋਲਕਾਤਾ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਕੋਲਕਾਤਾ ਵਿੱਚ ਅੰਡਰਵਾਟਰ ਮੈਟਰੋ ਦਾ ਉਦਘਾਟਨ ਕਰਨਗੇ। ਇਸ ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ 15400 ਕਰੋੜ ਰੁਪਏ ਦੇ ਮੈਟਰੋ ਨਾਲ ਸਬੰਧਤ ਕਈ ਪ੍ਰਾਜੈਕਟਾਂ ਦਾ ਉਦਘਾਟਨ ਅਤੇ ਨੀਂਹ ਪੱਥਰ ਰੱਖਣਗੇ। ਦੱਸ ਦਈਏ ਕਿ ਪ੍ਰਧਾਨ ਮੰਤਰੀ ਮੈਟਰੋ ਦੀ ਪਹਿਲੀ ਜਨਤਕ ਸਵਾਰੀ ਵੀ ਲੈਣਗੇ। ਇਹ ਮੈਟਰੋ ਹਾਵੜਾ ਮੈਦਾਨ ਅਤੇ ਐਸਪਲੇਨੇਡ ਵਿਚਕਾਰ ਚੱਲਦੀ ਹੈ। ਇਹ ਸੁਰੰਗ ਰੇਲ ਗੱਡੀਆਂ ਨੂੰ ਹੁਗਲੀ ਨਦੀ ਦੇ ਬੈੱਡ ਤੋਂ 32 ਮੀਟਰ ਹੇਠਾਂ ਚੱਲਣ ਦੀ ਆਗਿਆ ਦੇਵੇਗੀ, ਜਿਸ ਨਾਲ ਯਾਤਰੀਆਂ ਦੇ ਸਮੇਂ ਦੀ ਬੱਚਤ ਹੋਵੇਗੀ।
ਦੇਸ਼ ਦੀ ਪਹਿਲੀ ਅੰਡਰਵਾਟਰ ਮੈਟਰੋ ਟਰੇਨ ਪੂਰਬ-ਪੱਛਮੀ ਮੈਟਰੋ ਕੋਰੀਡੋਰ ਦੇ ਹਿੱਸੇ ਵਜੋਂ ਹਾਵੜਾ ਅਤੇ ਐਸਪਲੇਨੇਡ ਵਿਚਕਾਰ ਚੱਲੇਗੀ। ਜਾਣਕਾਰੀ ਅਨੁਸਾਰ ਜਦੋਂ ਤੱਕ ਰੇਲ ਗੱਡੀ ਹੁਗਲੀ ਨਦੀ ਨੂੰ ਪਾਰ ਨਹੀਂ ਕਰਦੀ, ਉਦੋਂ ਤੱਕ ਯਾਤਰੀਆਂ ਦਾ ਸੁਰੰਗਾਂ ਵਿੱਚ ਨੀਲੀਆਂ ਬੱਤੀਆਂ ਨਾਲ ਸਵਾਗਤ ਕੀਤਾ ਜਾਵੇਗਾ । ਨਿਊ ਗਾਰਿਆ-ਏਅਰਪੋਰਟ ਰੂਟ ਦਾ ਨਿਊ ਗਾਰਿਆ-ਰੂਬੀ ਹਸਪਤਾਲ ਕਰਾਸਿੰਗ ਸੈਕਸ਼ਨ ਅਤੇ ਜੋਕਾ-ਐਸਪਲੇਨੇਡ ਮੈਟਰੋ ਰੂਟ 'ਤੇ ਤਰਾਤਲਾ-ਮਾਜੇਰਹਾਟ ਸੈਕਸ਼ਨ ਪੂਰਾ ਹੋ ਗਿਆ ਹੈ ਅਤੇ ਜਨਤਕ ਸੇਵਾ ਲਈ ਤਿਆਰ ਹੈ।
ਜਾਣਕਾਰੀ ਅਨੁਸਾਰ, 'ਪੂਰਬ-ਪੱਛਮੀ ਕੋਲਕਾਤਾ ਮੈਟਰੋ ਕੋਰੀਡੋਰ 'ਤੇ ਹਾਵੜਾ ਮੈਦਾਨ-ਸਾਲਟ ਲੇਕ ਸੈਕਟਰ V ਦੇ ਨਾਲ-ਨਾਲ ਹਾਵੜਾ ਮੈਦਾਨ-ਐਸਪਲੇਨੇਡ ਸੈਕਸ਼ਨ, ਇਨ੍ਹਾਂ ਦੋ ਹਿੱਸਿਆਂ ਦਾ ਵੀ ਉਦਘਾਟਨ ਕੀਤਾ ਜਾਵੇਗਾ। ਪੂਰਬ-ਪੱਛਮੀ ਮੈਟਰੋ ਕੋਰੀਡੋਰ ਨੂੰ ਕੇਂਦਰ ਦੀ ਸੰਯੁਕਤ ਪ੍ਰਗਤੀਸ਼ੀਲ ਗਠਜੋੜ (ਯੂਪੀਏ) ਸਰਕਾਰ ਨੇ 2008 ਵਿੱਚ ਹਰੀ ਝੰਡੀ ਦਿੱਤੀ ਸੀ ਅਤੇ ਇਸ ਦਾ ਨੀਂਹ ਪੱਥਰ 2009 ਵਿੱਚ ਰੱਖਿਆ ਗਿਆ ਸੀ।
- ਪੰਜਾਬ ਦੇ ਸਭ ਤੋਂ ਵੱਡੇ ਲੋਕ ਸਭਾ ਹਲਕੇ ਲੁਧਿਆਣਾ 'ਚ 26 ਲੱਖ ਤੋਂ ਵੱਧ ਵੋਟਰ ਤੈਅ ਕਰਨਗੇ ਲੀਡਰਾਂ ਦਾ ਸਿਆਸੀ ਭਵਿੱਖ, ਸੀਟ 'ਤੇ ਹੋਵੇਗਾ ਚਾਰ ਤਰਫਾ ਮੁਕਾਬਲਾ
- PM ਮੋਦੀ ਦੀ ਪ੍ਰਵਾਨਗੀ ਰੇਟਿੰਗ ਫਰਵਰੀ 'ਚ ਵਧ ਕੇ 75% ਹੋ ਗਈ: ਸਰਵੇਖਣ
- ਦੋ ਮੁੰਡਿਆਂ ਦੀ ਪ੍ਰੇਮ ਕਹਾਣੀ: 50 ਲੱਖ ਖਰਚ ਕੇ ਇੱਕ ਬਣਿਆ ਕੁੜੀ, ਦੂਜੇ ਨੇ ਕਿਹਾ- ਅਸਲੀ ਕੁੜੀ ਹੁੰਦੀ ਤਾਂ ਕਰਦਾ ਵਿਆਹ; ਸਾੜ ਦਿੱਤੀ ਕਾਰ
ਦੇਸ਼ ਦਾ ਸਭ ਤੋਂ ਡੂੰਘਾ ਮੈਟਰੋ ਸਟੇਸ਼ਨ : ਦੱਸ ਦਈਏ ਕਿ ਹਾਵੜਾ ਮੈਟਰੋ ਸਟੇਸ਼ਨ ਪੂਰਬੀ-ਪੱਛਮੀ ਕੋਲਕਾਤਾ ਮੈਟਰੋ ਕੋਰੀਡੋਰ ਦਾ ਸਭ ਤੋਂ ਡੂੰਘਾ ਸਟੇਸ਼ਨ ਹੈ। ਇਸ ਸਟੇਸ਼ਨ ਦੀ ਉਚਾਈ ਲਗਭਗ 10 ਮੰਜ਼ਿਲਾ ਇਮਾਰਤ ਦੀ ਹੈ। ਇਹ ਦੇਸ਼ ਦਾ ਸਭ ਤੋਂ ਡੂੰਘਾ ਮੈਟਰੋ ਸਟੇਸ਼ਨ ਹੈ। ਕੋਲਕਾਤਾ ਮੈਟਰੋ ਦੇ ਜਨਰਲ ਮੈਨੇਜਰ ਪੀ ਉਦੈ ਕੁਮਾਰ ਦਾ ਕਹਿਣਾ ਹੈ ਕਿ 'ਕੋਲਕਾਤਾ ਮੈਟਰੋ ਤਿੰਨੋਂ ਮੈਟਰੋ ਸੈਕਸ਼ਨਾਂ 'ਤੇ ਵਪਾਰਕ ਸੇਵਾਵਾਂ ਸ਼ੁਰੂ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।
