ਕਰਨਾਟਕ/ਬੈਂਗਲੁਰੂ: ਹਾਲ ਹੀ ਦੇ ਸਾਲਾਂ ਵਿੱਚ ਆਨਲਾਈਨ ਘੁਟਾਲੇ ਦੀਆਂ ਕਈ ਰਿਪੋਰਟਾਂ ਆਈਆਂ ਹਨ। ਜਿੱਥੇ ਲੋਕਾਂ ਨੇ ਈ-ਕਾਮਰਸ ਸਾਈਟਾਂ ਤੋਂ ਮਹਿੰਗੀਆਂ ਖਰੀਦਦਾਰੀ ਕਰਨ ਦੀ ਬਜਾਏ ਗਲਤ ਚੀਜ਼ਾਂ ਜਿਵੇਂ ਕਿ ਪੱਥਰ ਜਾਂ ਸਾਬਣ ਪ੍ਰਾਪਤ ਕੀਤੇ ਹਨ। ਹਾਲਾਂਕਿ, ਕਰਨਾਟਕ ਦੇ ਬੈਂਗਲੁਰੂ ਵਿੱਚ ਵਾਪਰੀ ਇੱਕ ਤਾਜ਼ਾ ਘਟਨਾ ਤੋਂ ਹਰ ਕੋਈ ਹੈਰਾਨ ਹੈ। ਦਰਅਸਲ, ਇੱਕ ਜੋੜੇ ਨੇ ਇੱਕ ਗੇਮਿੰਗ ਕੰਟਰੋਲਰ ਲਈ ਇੱਕ ਔਨਲਾਈਨ ਆਰਡਰ ਦਿੱਤਾ। ਜਦੋਂ ਪਤੀ-ਪਤਨੀ ਨੇ ਆਨਲਾਈਨ ਪਾਰਸਲ ਤੋਂ ਮਿਲੇ ਸਾਮਾਨ ਨੂੰ ਖੋਲ੍ਹਿਆ ਤਾਂ ਉਸ 'ਚ ਜ਼ਿੰਦਾ ਕੋਬਰਾ ਮਿਲਿਆ। ਇਹ ਦੇਖ ਕੇ ਸਾਰਾ ਪਰਿਵਾਰ ਸਦਮੇਂ 'ਚ ਹੈ।
ਆਨਸਾਈਨ ਪੈਕੇਜ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ 'ਚ ਕੋਬਰਾ ਡੱਬੇ 'ਚੋਂ ਬਾਹਰ ਆਉਣ ਦੀ ਕੋਸ਼ਿਸ਼ ਕਰਦਾ ਨਜ਼ਰ ਆ ਰਿਹਾ ਹੈ। ਖੁਸ਼ਕਿਸਮਤੀ ਨਾਲ, ਇਹ ਕੋਬਰਾ ਪੈਕੇਜਿੰਗ ਟੇਪ ਨਾਲ ਚਿਪਕ ਗਿਆ ਅਤੇ ਇਸ ਲਈ ਕਿਸੇ ਨੂੰ ਨੁਕਸਾਨ ਨਹੀਂ ਪਹੁੰਚਿਆ।
ਖਬਰਾਂ ਮੁਤਾਬਿਕ ਜੋੜੇ ਨੇ ਕੁਝ ਦਿਨ ਪਹਿਲਾਂ ਐਕਸਬਾਕਸ ਕੰਟਰੋਲਰ ਨੂੰ ਆਰਡਰ ਕੀਤਾ ਸੀ। ਡਿਲੀਵਰੀ ਤੋਂ ਬਾਅਦ, ਡਿਲੀਵਰੀ ਪਾਰਟਨਰ ਨੇ ਪੈਕੇਜ ਸਿੱਧਾ ਨੂੰ ਸੌਪਿਆ। ਉਨ੍ਹਾਂ ਨੂੰ ਉਸ ਟਾਇਮ ਵੱਡਾ ਝਟਕਾ ਲੱਗਿਆ ਜਦੋਂ ਪੈਕੇਜ ਵਿੱਚੋਂ ਜਿੰਦਾ ਕੋਬਰਾ ਮਿਲਿਆ, ਜਿਸ ਨੂੰ ਦੇਖ ਪਰਿਵਾਰ ਵਿੱਚ ਡਰ ਦਾ ਮਾਹੌਲ ਹੈ।
ਮੀਡੀਆ ਰਿਪੋਰਟਾਂ ਮੁਤਾਬਿਕ ਜੋੜੇ ਨੇ ਕਿਹਾ ਕਿ ਅਸੀਂ ਸਰਜਾਪੁਰ ਰੋਡ ਇਲਾਕੇ 'ਚ ਰਹਿੰਦੇ ਹਾਂ ਅਤੇ ਅਸੀਂ ਪੂਰੀ ਘਟਨਾ ਨੂੰ ਕੈਮਰੇ 'ਚ ਕੈਦ ਕਰ ਲਿਆ ਹੈ ਅਤੇ ਸਾਡੇ ਕੋਲ ਚਸ਼ਮਦੀਦ ਗਵਾਹ ਵੀ ਹਨ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਸੱਪ ਨੇ ਕਿਸੇ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਾਇਆ ਹੈ।
