ରାୟଗଡା: ଯୁଦ୍ଧକାଳୀନ ଭିତ୍ତିରେ ଗୁଣୁପୁର ଥେରୁବାଲି ରେଳ ଲାଇନ ସମ୍ପ୍ରସାରଣ କରାଯିବ । ସେହିପରି ଗୁଣୁପୁର ସହ ପାରଳାଖେମୁଣ୍ଡି ରେଳ ଷ୍ଟେସନ ଉଚ୍ଚା କରାଯିବ । ଚଳିତ ବର୍ଷ ରେଳ ବଜେଟରେ ଏହି ସବୁ ବିକାଶ ପାଇଁ ଅର୍ଥ ବରାଦ ରଖାଯିବ ବୋଲି ସୂଚନା ଦେଇଛନ୍ତି ୱାଲଟିୟର ଡିଭିଜନର ଡେପୁଟି ଜେନେରାଲ ମ୍ୟାନେଜର ଅନୁପମ ଶତପଥୀ ।
ଦିନିକିଆ ଗୁଣୁପୁର ଗସ୍ତରେ ୱାଲଟିୟର ଡିଭିଜନ ଡେପୁଟି ଜେନେରାଲ ମ୍ୟାନେଜର ଅନୁପମ ଶତପଥୀ
ଦିନିକିଆ ଗୁଣୁପୁର ଗସ୍ତରେ ଆସି ଡେପୁଟି ଜେନେରାଲ ମ୍ୟାନେଜର ଅନୁପମ ଶତପଥୀ ଗୁଣୁପୁରର ବିଭିନ୍ନ ସଂଗଠନଙ୍କ ପାଖରୁ ରେଳବାଇର ବିକାଶ ପାଇଁ ଦାବି ପତ୍ର ଗ୍ରହଣ କରିବା ସହ ବିକାଶ ନେଇ ଆଲୋଚନା କରିଛନ୍ତି । ସେହିପରି ଗୁଣୁପୁର ରେଳ ବିଭାଗର ନୂତନ କୋଠାକୁ ସେ ଉଦଘାଟନ କରିଛନ୍ତି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
