ନୟାଗଡ: ଜିଲ୍ଲାର ରଣପୁରରେ ଅଚାନକ ପହଞ୍ଚିଲେ ଜିଲ୍ଲାପାଳ l ବିଭିନ୍ନ ସ୍ଥାନ ପରିଦର୍ଶନ କରିବା ସହ କୋଭିଡ ନିୟମ ମାନିବାକୁ ଦେଲେ ନିର୍ଦ୍ଦେଶ l ମଙ୍ଗଳବାର ନୟାଗଡ ଜିଲ୍ଲାପାଳ ଡ଼ଃ ପୋମା ଟୁଡୁ ଚାନ୍ଦପୁର କୋଭିଡ ହସ୍ପିଟାଲ ପରିଦର୍ଶନରେ ଆସିଥିଲେ l ଏହା ପରେ ସେ ରଣପୁର ଆସି ମେଡ଼ିକାଲରେ ଚାଲିଥିବା ଆହାର କେନ୍ଦ୍ରର ସ୍ଥାୟୀ ଘର ପାଇଁ ସ୍ଥାନ ବୁଲି ଦେଖିଥିଲେ l
ପରେ ରଣପୁର ବଜାରରେ ଥିବା ପରିବା ବଜାର ଓ ଅନ୍ୟାନ୍ୟ ଦୋକାନ ବୁଲି ଦେଖିଥିଲେ l ସମସ୍ତଙ୍କୁ ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା କରି ବେପାର ବଣିଜ କରିବା ପାଇଁ ନିର୍ଦ୍ଦେଶ ଦେଇଥିଲେ l ନୟାଗଡ ପ୍ରକଳ୍ପ ନିର୍ଦ୍ଦେଶକ ସୁବାଷ ଚନ୍ଦ୍ର ରାୟ, ରଣପୁର ବିଡ଼ିଓ ପଞ୍ଚାନନ ପଟ୍ଟାୟତ, ତହସିଲଦାର ସଞ୍ଜୟ ସାମନ୍ତରାୟ, ରଣପୁର ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ ବୈଦ୍ୟନାଥ ନନ୍ଦ, ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟନିର୍ବାହୀ ଅଧିକାରୀ ତାପସ ବିଶି ପ୍ରମୁଖ ଜିଲ୍ଲାପାଳଙ୍କ ସହିତ ଉପସ୍ଥିତ ଥିଲେ l
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
