ନବରଙ୍ଗପୁର: ଓଏଏସ ପରୀକ୍ଷାରେ ନବରଙ୍ଗପୁରର ଶକ୍ତି ମହାପାତ୍ର 9 ନମ୍ବର ସ୍ଥାନ ରଖି ସଫଳତା ପାଇଛନ୍ତି । ଶକ୍ତିଙ୍କ ଓଏଏସ ପାଇବାରେ ତାଙ୍କ ପରିବାର ଲୋକେ ବେଶ୍ ଖୁସି ଅଛନ୍ତି । ସେପଟେ ଓଏଏସ ପାଇବା ପରେ ତାଙ୍କ ନିକଟକୁ ଶୁଭେଚ୍ଛାର ସୁଅ ଛୁଟୁଛି ।
ଓଏଏସ ପାଇଲେ ନବରଙ୍ଗପୁରର ଶକ୍ତି ମହାପାତ୍ର
ତାଙ୍କର ଏହି ସଫଳତା ପାଇଁ ସେ ବାପା ମା’ ଓ ଗୁରୁଜନଙ୍କୁ ଶ୍ରେୟ ଦେଇଛନ୍ତି । ସେ 9 ନମ୍ବର ସ୍ଥାନ ପାଇବେ ବୋଲି ଆଶା ରଖିନଥିବା କହିବା ସହ କଠିନ ପରିଶ୍ରମ ଓ ଅଧ୍ୟବସାୟ ତାଙ୍କୁ ଏହି ସଫଳତା ଦେଇଛି ବୋଲି ମତ ଦେଇଛନ୍ତି ।
ଅନ୍ୟପଟେ ଗତ ଚାରି ବର୍ଷ ହେବ ସେ ଓଏଏସ ପାଇଁ ଚେଷ୍ଟା ଓ ପରିଶ୍ରମ କରୁଥିବାବେଳେ ନବରଙ୍ଗପୁର ଜିଲ୍ଲା ପାଇଁ ଅନେକ କିଛି କରିବାର ସ୍ବପ୍ନ ରହିଥିବା ସେ କହିଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
