ନବରଙ୍ଗପୁର: ସାବଧାନ ଲୋକଙ୍କୁ ସାହର୍ଯ୍ୟ କରିବାକୁ ଯାଇ ଠକାମିରେ ପଡିପାରନ୍ତି ! ଏମିତି ଠକାମୀର ଶିକାର ହୋଇଛନ୍ତି ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ସୁରକ୍ଷା କର୍ମୀ । ନିଜକୁ ରୋଗୀ ସମ୍ପର୍କୀୟ ବୋଲି ପରିଚୟ ଦେଇ କଥା ହେବା ପାଇଁ ମୋବାଇଲ ମାଗିଲେ ସୁଯୋଗ ଉଣ୍ଡି ମୋବାଇଲ ନେଇ ପଳାଇଲେ।
ସୂଚନା ଅନୁଯାୟୀ ଗତ ରାତ୍ର ପ୍ରାୟ ୧୦ ଘଟିକା ସମୟରେ ଜଣେ ଲୋକ ଆସି ସୁରକ୍ଷାକର୍ମୀ ପଙ୍କଜ ଦୁର୍ଗାଙ୍କୁ ରୋଗୀ ସମ୍ପର୍କୀୟ କହି ପରିଚୟ ଦେଇଥିଲେ । ଏହାପରେ ସେହି ଲୋକ ସୁରକ୍ଷାକର୍ମୀଙ୍କୁ ଫୋନ କରିବାର ଅଛି ବୋଲି କହିଥିଲେ, ସୁରକ୍ଷାକର୍ମୀ ଜଣକ ତାଙ୍କୁ ଫୋନ ମଧ୍ୟ ଦେଇଥିଲେ ଏହାପରେ ସେହି ଅଜଣା ଲୋକଟି ଫୋନ ଟିକୁ ଧରି ସେ ସେଠାରୁ ଚମ୍ପଟ ମାରିଥିଲେ ।
ଯାହାର ସବୁ ଦୃଶ୍ୟ ସ୍ବାସ୍ଥ୍ୟ କେନ୍ଦ୍ରରେ ଲାଗି ଥିବା cctv କଏଦ ହୋଇଛି । ମୋବାଇଲ ଚୋର ଜଣକ ମାସ୍କ ପିନ୍ଧିଥିବା ଯୋଗୁଁ ଚିହ୍ନଟ କରିବାରେ ଅସୁବିଧା ହୋଇଛି। ସ୍ବସ୍ଥ୍ୟ କେନ୍ଦ୍ରରେ ଚାରିଆଡେ cctv ଲାଗି ଯଦି ଖୋଦ ସୁରକ୍ଷା କର୍ମୀଙ୍କ ଠାରୁ ଦୁର୍ବୁର୍ତ୍ତ ସାହାଯ୍ୟ ଆଳ ଦେଖାଇ ଚମ୍ପଟ ମାରୁଛି ତେବେ ଏଠି ପ୍ରଶ୍ନ ଉଠୁଛି ଉମରକୋଟ ସ୍ବାସ୍ଥ୍ୟ କେନ୍ଦ୍ରରେ ରୋଗୀ ଓ ସମ୍ପର୍କୀୟ କେତେ ସୁରକ୍ଷିତ ବୋଲି ସାଧାରଣରେ ପ୍ରଶ୍ନ ଉଠୁଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
