ନବରଙ୍ଗପୁର: ଯାତ୍ରୀବାହୀ ବସ ଦୁର୍ଘଟଣାରେ 2 ମୃତ ଓ 10ରୁ ଊର୍ଦ୍ଧ୍ବ ଆହତ । ଜିଲ୍ଲା ପାପଡାହାଣ୍ଡି ବ୍ଲକ ମୃଗ ବିହାର ନିକଟରେ ଶନିବାର ଏକ ଘରଇ ବସ ଦୁର୍ଘଟଣାଗ୍ରସ୍ତ ହୋଇଛି ।
ଯାତ୍ରୀବାହୀ ବସ ଦୁର୍ଘଟଣା, 2 ମୃତ
OD 10C 1114 ଜଗା କାଳିଆ ନାମକ ଏକ ବସ ଜୟପୁରରୁ ପାପଡାହାଣ୍ଡି ଆସିବା ସମୟରେ ଦୁର୍ଘଟଣା ଗ୍ରସ୍ତ ହୋଇ ଓଲଟି ପଡିଥିଲା l ଖବର ପାଇ ନବରଙ୍ଗପୁର ଆରକ୍ଷୀ ଅଧ୍ୟକ୍ଷକ ନିତିନ କୁଶଲକର ଘଟଣା ସ୍ଥଳରେ ପହଞ୍ଚି ଆହତମାନଙ୍କୁ ଡାକ୍ତରଖାନା ପଠାଇଛନ୍ତି l ମୃତକଙ୍କ ସଂଖ୍ୟା ବଢିବା ସମ୍ଭାବନା ରହିଛି l ଅଗ୍ନୀଶମ ବିଭାଗ ଓ ପୋଲିସ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି l ବସ ସାମ୍ନାରେ ଗାଈଟିଏ ଚାଲି ଆସିବାରୁ ଡ୍ରାଇଭର ନିୟନ୍ତ୍ରଣ ହରାଇବାରୁ ବସଟି ଓଲଟି ଥିବା ସନ୍ଦେହ କରାଯାଇଛି l ମୃତକଙ୍କ ପରିଚୟ ମିଳି ପାରିନାହିଁ l
ନବରଙ୍ଗପୁରରୁ ତପନ କୁମାର ବିଷୟୀ, ଇଟିଭି ଭାରତ
