ବାରିପଦା: ଜିଲ୍ଲାରେ ଥମୁନି ହାତୀ ଆତଙ୍କ । ପୁଣି ହାତୀ ଆକ୍ରମଣରେ ଚାଲିଗଲା ମହିଳାଙ୍କ ଜୀବନ । ଝାରଖଣ୍ଡି ଦନ୍ତା ହାବୁଡରେ ପଡି ମୃତ୍ୟୁ ବରଣ କଲେ ୫୫ ବର୍ଷୀୟା ମହିଳା । ଏଭଳି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ବେତନଟୀ ରେଞ୍ଜ ଖଡିକାଷୋଳ ଗ୍ରାମରେ । ମୃତ ମହିଳା ଜଣଙ୍କ ହେଉଛନ୍ତି ସେହି ଗ୍ରାମର ସମିତି ଦେହୁରୀ । ସେ ନିଜ ବନ୍ଧୁ ଘରକୁ ଯାଉଥିଲା ବେଳେ ଝାଡଖଣ୍ଡି ଦନ୍ତା ହାବୁଡ଼ରେ ପଡ଼ିଥିଲେ । ଫଳରେ ମହିଳା ଜଣଙ୍କୁ ହାତୀଟି କଚାଡି ଦେବାରୁ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା ।
ଦଳିଦେଲା ଝାରଖଣ୍ଡି ହାତୀ , ଚାଲିଗଲା ମହିଳାଙ୍କ ଜୀବନ
ସୂଚନା ଅନୁଯାୟୀ ମୟୂରଭଞ୍ଜ ଜିଲ୍ଲା ବେତନଟୀ ରେଞ୍ଜରେ ୨୫ରୁ ଊର୍ଦ୍ଧ୍ବ ଝାଡଖଣ୍ଡି ହାତୀ ପଶ୍ଚିମବଙ୍ଗ ଦେଇ ପ୍ରବେଶ କରିଛନ୍ତି। ଫଳରେ ହାତୀମାନେ ଏବେ ଏଣେତେଣେ ବୁଲୁଥିବା ବେଳେ ମହିଳା ଜଣଙ୍କ ହାତୀ ହାବୁଡରେ ପଡି ପ୍ରାଣ ହରାଇଛନ୍ତି । ଏନେଇ ଖବର ପାଇ ଘଟଣା ସ୍ଥଳରେ ବେତନଟୀ ରେଞ୍ଜର ବନବିଭାଗ କର୍ମଚାରୀ ପହଞ୍ଚି ମୃତଦେହ ଜବତ କରି ଅଧିକ ତଦନ୍ତ ଜାରି ରଖିଛନ୍ତି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି ଇଟିଭି ଭାରତ
