ରାଇରଙ୍ଗପୁର: ଝାଡ଼ଖଣ୍ଡର ତିରିଲଡିହି ଠାରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ବସ୍ ଓ ବାଇକ ମୁହାଁମୁହିଁ ଧକ୍କାରେ ଘଟାସ୍ଥଳରେ 3 ଜଣଙ୍କ ମୃତ୍ୟୁ ଘଟିଛି । ତେବେ ସମସ୍ତ ମୃତକ ମୟୂରଭଞ୍ଜ ଜିଲ୍ଲା ବିଜାତଳା ବ୍ଲକ ଅନ୍ତର୍ଗତ ବାଟଦୁମା ଗାଁର । ମୃତକଙ୍କ ମଧ୍ୟରେ ଜଣେ 7 ବର୍ଷର ବାଳକ ଥିବା ଜଣାପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନାନୁଯାୟୀ, ଏକ ବାଇକ ଯୋଗେ ମଙ୍ଗଲ ବାନସିଂ ତାଙ୍କର ଦୁଇ ଜଣ ସମ୍ପର୍କୀୟଙ୍କୁ ନେଇ ଝାଡ଼ଖଣ୍ଡର ଜଣେ ବନ୍ଧୁଙ୍କ ଘରକୁ ଯାଉଥିଲେ । ଏହି ସମୟରେ ତିରିଲଡିହି ଗାଁ ନିକଟରେ ଟାଟା ନଗରରୁ ରାଇରଙ୍ଗପୁରକୁ ଆସୁଥିବା ପାର୍ବତୀ ନାମକ ଏକ ଯାତ୍ରୀବାହୀ ବସ ଓ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ହିଁ 3 ଜଣଙ୍କ ମୃତ୍ୟୁ ଘଟିଛି ।
ଦୁର୍ଘଟଣା ପରେ ବସ ଚାଳକ ଫେରାର ହୋଇଯାଇଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
