ବାରିପଦା:ମୟୂରଭଞ୍ଜ ଜିଲ୍ଲା ଉଦଳା ଥାନା ପୁରୁଣାପାଣି ଛକରେ ସଡକ ଦୁର୍ଘଟଣା। କାର ଓ ବାଇକକୁ ଧକ୍କା ଦେଲା ୧୦୮ ଆମ୍ବୁଲାନ୍ସ । ଏଥିରେ ଗୁରୁତର ବାଇକ ଆରୋହୀ ହୋଇ ଉଦଳା ଡାକ୍ତରଖାନାରେ ଚିକିତ୍ସିତ ହେଉଛନ୍ତି l ସୂଚନାନୁଯାୟୀ, ୧୦୮ ଆମ୍ବୁଲାନ୍ସଟି ଉଦଳାରୁ କପ୍ତିପଦା ଅଭିମୁଖେ ଯାଉଥିବାବେଳେ ବିପରୀତ ଦିଗରୁ ଆସୁଥିବା ଏକ କାର ଏବଂ ବାଇକକୁ ଧକ୍କା ଦେଇଥିଲା l
କାର ଓ ବାଇକକୁ ଧକ୍କା ଦେଲା ଆମ୍ବୁଲାନ୍ସ, ବାଇକ ଆରୋହୀ ଗୁରୁତର
କାରଟି ଭୁବନେଶ୍ବରୁ ତିନି ଜଣ ଯାତ୍ରୀଙ୍କୁ ନେଇ ଉଦଳା ଆସୁଥିବା ଜଣାପଡିଛି। ଦୁର୍ଘଟଣାରେ କାର ଏବଂ ଆମ୍ବୁଲାନ୍ସର ଆଗ ପଟ ସମ୍ପୂର୍ଣ୍ଣ ନଷ୍ଟ ହୋଇଥିବା ବେଳେ ଦୁର୍ଘଟଣା ଘଟାଇଥିବl ଆମ୍ବୁଲାନ୍ସ ଡ୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଛି l ତେବେ ଆମ୍ବୁଲାନ୍ସରେ କୌଣସି ରୋଗୀ ନ ଥିବା ଜଣାପଡିଛି। ଘଟଣାସ୍ଥଳରେ ଉଦଳା ପୋଲିସ ପହଞ୍ଚି ତଦନ୍ତ ଜାରି ରଖିଛି l
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
