ମୟୂରଭଞ୍ଜ: ବାଙ୍ଗିରିପୋଷି ଥାନା ଦ୍ଵାରଶୁଣି ଘାଟିରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି 2 ଜଣଙ୍କର ମୃତ୍ୟୁ ହୋଇଛି । ଏହି ଘଟଣାରେ 8 ଜଣ ଗୁରୁତର ଆହତ ହୋଇଛନ୍ତି । ଗୁରୁତରଙ୍କୁ ବାରିପଦାସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡ଼ିକାଲ କଲେଜରେ ଭର୍ତ୍ତି କରାଯାଇଛି । ଟ୍ରକ ଡ୍ରାଇଭର ମଧ୍ୟ ଗୁରୁତର ହୋଇ ମେଡ଼ିକାଲରେ ଚିକିତ୍ସିତ ହେଉଛନ୍ତି । ଘଟଣାସ୍ଥଳରେ ବାଙ୍ଗିରିପୋଷି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ, ବାଙ୍ଗିରିପୋଷି ବ୍ଲକ ମହୁଲବରେଇ ଓ ହାଣଦା ଗାଁର ଲୋକମାନେ ବୋଲବମ ପାଇଁ ଏକ ତୁଫାନଗାଡିରେ କୋରାପୁଟର ଗୁପ୍ତେଶ୍ଵର ଶୈବପୀଠ ଅଭିମୁଖେ ଗତକାଲି ରାତିରେ ବାହାରିଥିଲେ । ଦ୍ଵାରଶୁଣି ଘାଟିରେ ଯିବା ସମୟରେ ଘାଟି ଉପରୁ ଆସୁଥିବା ଏକ ଟ୍ରକ ତୁଫାନଗାଡିକୁ ଧକ୍କା ଦେଇଥିଲା । ଫଳରେ ଗାଡିଟି ଘାଟି ତଳକୁ ଖସି ପଡିଥିଲା । ଗାଡ଼ି ଭିତରେ ଥିବା 8 ଜଣ ଯାତ୍ରୀଙ୍କ ମଧ୍ୟରୁ 2 ଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା । ମୃତକମାନେ ବାଙ୍ଗିରିପୋଷି ଥାନା ହାଣଦା ଗ୍ରାମର ରଣଜିତ ରାମ ଓ ଶିବୁ ସାହୁ ବୋଲି ଜଣାପଡିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
