ମାଲକାନଗିରି: କୋରୋନା ଦ୍ଵିତୀୟ ଲହର ମୁକାବିଲା ପାଇଁ ଆଜି(ମଙ୍ଗଳବାର) ମାଲକାନଗିରି ଜିଲ୍ଲାପାଳ ଗୁରୁତ୍ୱପୂର୍ଣ୍ଣ ବୈଠକ କରିଛନ୍ତି । ସରକାରଙ୍କ ନିର୍ଦ୍ଦେଶ କ୍ରମେ ମାଲକାନଗିରି ଜିଲ୍ଲାରେ ପ୍ରତିଦିନ 600 ସାମ୍ପୁଲ କୋଭିଡ ଟେଷ୍ଟ ଆଣ୍ଟିଜେନ ଏବଂ RTPCR କରାଯିବାର ବ୍ୟବସ୍ଥା କରାଯାଇଛି ।
ଜିଲ୍ଲାକୁ ଅନ୍ୟ ରାଜ୍ୟରୁ ଆସୁଥିବା ସମସ୍ତ ଜନସାଧାରଣଙ୍କ ଠାରୁ 72 ଘଣ୍ଟା ପୂର୍ବର RTPCR ଟେଷ୍ଟ ରିପୋର୍ଟ ଏବଂ ଦୁଇ ଥର ଭେକ୍ସିନେସନ ରିପୋର୍ଟ ଯାଞ୍ଚ କରାଯିବା ନେଇ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଛନ୍ତି ଜିଲ୍ଲାପାଳ । ଜିଲ୍ଲାର ବର୍ତ୍ତମାନ ବର୍ଡର ଚେକ ପୋଷ୍ଟ ମୋଟୁ, ପଡିଆ , ଚଲାନଗୁଡା ଏବଂ ଗୋବିନ୍ଦପଲ୍ଲି ରହିଛି । ଜିଲ୍ଲାରେ 8 ଟି RRT ଟିମ ଆକ୍ଟିଭ ସର୍ଭିଲାନ୍ସ ପାଇଁ ନିୟଜିତ କରାଯାଇଛି । ଆଜି ସୁଦ୍ଧା 189742 ସାମ୍ପୁଲ ଟେଷ୍ଟ କରାଯାଇଛି । ସେଥିମଧ୍ୟରୁ 182649 ନେଗେଟିଭ ଏବଂ 5288 ପଜିଟିଭ ଚିହ୍ନଟ ହୋଇଛି । ଏମାନଙ୍କ ମଧ୍ୟରୁ 5233 ଜଣ ସୁସ୍ଥ ହୋଇଛନ୍ତି ।
କୋରୋନା ଦ୍ଵିତୀୟ ଲହରରେ ଜିଲ୍ଲାରେ ଆଜି ସୁଦ୍ଧା 30 ପଜିଟିଭ ଚିହ୍ନଟ ହୋଇଛନ୍ତି । ବାହାର ରାଜ୍ୟରୁ ଆସୁଥିବା ପ୍ରବାସୀଙ୍କୁ ହୋମ ଆଇସଲେସନ , TMC କିମ୍ବା CLTMC ରଖିବାକୁ ବ୍ୟବସ୍ଥା କରାଯାଇଛି । ହୋମ ଆଇସଲେସନ ରୋଗୀଙ୍କ ପାଇଁ ଟୋଲ ଫ୍ରି ନମ୍ବର 7684056213 ରେ କଲ କରିପାରିବେ। ଏନେଇ ଗଣମାଧ୍ୟମକୁ ସୂଚନା ଦେଇଛନ୍ତି ମାଲକାନଗିରି ଜିଲ୍ଲାପାଳ ୱାଇ ବିଜୟ ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
