ମାଲକାନଗିରି: ପୋଲିସକୁ ପୁଣି ଏକ ବଡ଼ ସଫଳତା ମିଳିଛି । ଏକ ସିମେଣ୍ଟ ବୋଝେଇ ଟ୍ରକରୁ ଗଞ୍ଜେଇ ଜବତ କରିଛି ପୋଲିସ ।
ମାଲକାନଗିରି ଜିଲ୍ଲାର ଚିତ୍ରକୋଣ୍ଡା ଅଞ୍ଚଳରେ ଏକ ସିମେଣ୍ଟ ଟ୍ରକରେ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ପୋଲିସ ଗୁଇନ୍ଦା ସୂଚନା ପାଇ ଚଢ଼ାଉ କରି ଜବତ କରିଛି । ଏହି ଟ୍ରକରୁ ପ୍ରାୟ 15 କୁଇଣ୍ଟାଲ ଗଞ୍ଜେଇ ଜବତ କରିଛି ପୋଲିସ । ଏହି ରାକେଟରେ ସାମିଲ ଥିବା 2 ଜଣଙ୍କୁ ପୋଲିସ ଗିରଫ କରିବା ସହ ଟ୍ରକକୁ ଜବତ କରିଛି ।
ଭିଡିଓ ସୌଜନ୍ୟ : ସମ୍ବାଦଦାତା,ମାଲକାନଗିରି
ଆନ୍ଧ୍ରପ୍ରଦେଶର ଦାରକୋଣ୍ଡା ଅଞ୍ଚଳରୁ ମାଫିଆ ମାନେ ଗଞ୍ଜେଇ ବୋଝେଇ ହୋଇ ଅନୁଗୋଳକୁ ଚାଲାଣ କରାଯାଉଥିଲା । ବିଶେଷ ସୂତ୍ରରୁ ଖବର ପାଇ ଚିତ୍ରକୋଣ୍ଡା ପୋଲିସ ଟ୍ରକକୁ ଠାବ କରିଥିଲା । ଗିରଫ 2 ଜଣଙ୍କୁ କୋର୍ଟ ଚାଲାଣ କରାଯିବ ବୋଲି ମାଲକାନଗିରି ଏସପି କହିଛନ୍ତି ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
