ଖୋର୍ଦ୍ଧା: ପଞ୍ଜାବ ସମବାୟ ମନ୍ତ୍ରୀଙ୍କ ଖୋର୍ଦ୍ଧା ଗସ୍ତ । ଗସ୍ତ ସମୟରେ ସମବାୟ ସଂସ୍ଥା କାର୍ଯ୍ୟ ପ୍ରଣାଳୀର କଲେ ଅନୁଧ୍ୟାନ । ଖୋର୍ଦ୍ଧା ଗସ୍ତରେ ଆସି ପଞ୍ଜାବ ସମବାୟ ମନ୍ତ୍ରୀ ସୁଖଜିନ୍ଦର ସିଂ ରାନ୍ଧୁଆ ଓଡିଶାରେ ସେବା ସମବାୟ ସମିତି ଏବଂ କୃଷି ଓ କୃଷକଙ୍କ ବିକାଶ କ୍ଷେତ୍ରରେ ଚାଷୀମାନେ କିଭଳି ଉପକୃତ ହେଉଛନ୍ତି ସେ ସମ୍ପର୍କରେ ଅନୁଧ୍ୟାନ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଏଥିସହ କିପରି କମ୍ପୁଟରୀକରଣ ମାଧ୍ୟମରେ ସେବା ସମବାୟ ସମିତିରେ କାର୍ଯ୍ୟ ହେଉଛି ତାହା ଖୋର୍ଦ୍ଧା କେନ୍ଦ୍ରୀୟ ସମବାୟ ବ୍ୟାଙ୍କ ସମ୍ମିଳନୀ କକ୍ଷରେ ଅନୁଧ୍ୟାନ କରିଛନ୍ତି । ଏହି ଅବସରରେ ମହିଳା ସଶକ୍ତିକରଣ ମିଶନ ଶକ୍ତି ଜରିଆରେ ମହିଳା ଗୋଷ୍ଠୀ ମାନଙ୍କୁ ଋଣ, କାଳିଆ ଯୋଜନା, କୃଷକ ସମ୍ପର୍କ ଅଭିଯାନ ଭଳି ରାଜ୍ୟ ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ପଞ୍ଜାବ ମନ୍ତ୍ରୀଙ୍କୁ ସୂଚନା ଦିଆଯାଇଛି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
