ଖୋର୍ଦ୍ଧା: ବାଙ୍କୀରେ ପୋଲିସର ଦାଦାଗିରି ଦେଖିବାକୁ ମିଳିଛି । ହରିରାଜପୁର ଗ୍ରାମର ବସନ୍ତ ମହାନ୍ତି ବାଙ୍କି ମୁଖ୍ୟ ଡାକ୍ତରଖାନାକୁ ତାଙ୍କ ସ୍ତ୍ରୀଙ୍କୁ ନେଇ ଯାଉଥିବା ବେଳେ ବାଙ୍କୀ ଥାନା ପୋଲିସ ଅଧିକାରୀ ବସନ୍ତ ମହାନ୍ତିଙ୍କୁ ମାଡ ମାରି ଆହତ କରିଛନ୍ତି । ଏନେଇ ତାଙ୍କ ସ୍ତ୍ରୀ ପୁଷ୍ପଲତା ମହାନ୍ତି ଅଭିଯୋଗ କରିଛନ୍ତି ।
ମହିଳା ଜଣକ ଥାଇରଏଡ଼ ରୋଗୀ ଏବଂ ଦୀର୍ଘ ଦିନ ହେଲା ଚିକିତ୍ସିତ ହେଉଛନ୍ତି । ଡାକ୍ତରଙ୍କ ପରାମର୍ଶ ପାଇଁ ଯାଇଥିବା ବେଳେ ପୋଲିସ କିଛି ନ ବୁଝି ତାଙ୍କ ସ୍ବାମୀଙ୍କୁ ମାରିଥିବା ଅଭିଯୋଗ ହୋଇଛି । ସେପଟେ ଗୁରୁତର ମହିଳାଙ୍କୁ ଚିକିତ୍ସା କରିବା ପରିବର୍ତ୍ତେ ଥାନାକୁ ନେଇଥିବା କାରଣରୁ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ପ୍ରକାଶ ପାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
