ଖୋର୍ଦ୍ଧା: କାର୍ତ୍ତିକ ପୂର୍ଣ୍ଣିମାରେ ଶିବ ଦର୍ଶନରୁ ବଞ୍ଚିତ ହେବେ ଶ୍ରଦ୍ଧାଳୁ । ଖୋର୍ଦ୍ଧା ଜିଲ୍ଲାର ବିଭିନ୍ନ ଶୈବପୀଠରେ ୧୪୪ ଧାରା ଜାରି କଲା ସ୍ଥାନୀୟ ପ୍ରଶାସନ । ଆଜିଠୁ ଆସନ୍ତା ୧୯ ତାରିଖ ପର୍ଯ୍ୟନ୍ତ ଶୈବପୀଠଗୁଡିକରେ କଟକଣା ବଳବତ୍ତର ରହିବ ।
ଆଗକୁ ବଡଓଷା ଓ କାର୍ତ୍ତିକ ପୂର୍ଣ୍ଣିମା ଆସୁଛି । ସାଧାରଣତଃ ଏହି ଦିନରେ ଶିବ ମନ୍ଦିରରେ ପ୍ରବଳ ଜନସମାଗମ ହୋଇଥାଏ । ରାଜ୍ୟରେ କୋଭିଡ ଭୟ ଟଳି ନଥିବାବେଳେ ଭିଡକୁ ଦୃଷ୍ଟିରେ ରଖି ୧୪୪ ଧାରା ଜାରି କରାଯାଇଛି । ଜିଲ୍ଲାର ଗୁରୁଜଙ୍ଗରେ ଥିବା ପ୍ରସିଦ୍ଧ ଧବଳେଶ୍ୱର ମନ୍ଦିର ସମେତ ଅନ୍ୟ ଶୈବପୀଠରେ ମଧ୍ୟ କଟକଣା ଲଗାଇଛନ୍ତି ଖୋର୍ଦ୍ଧା ଉପଜିଲ୍ଲାପାଳ ।
କାର୍ତ୍ତିକ ପୂର୍ଣ୍ଣିମାରେ ଡଙ୍ଗାଭସା ଏବଂ ବଡଓଷା ପାଳନ ଉପରେ ମଧ୍ୟ କଟକଣା ଲାଗୁ ହୋଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
