ଆନନ୍ଦପୁର: ରାଜ୍ୟରେ ବଢୁଥିବା ଗ୍ରୀଷ୍ମ ପ୍ରବାହରେ ଜଣଙ୍କର ଅଂଶୁଘାତରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସୂଚନା ଅନୁଯାୟୀ ଛାତ ଉପରେ କାମ କରୁଥିବା ସମୟରେ ହଠାତ୍ ଟଳି ପଡିଥିଲେ ଧରଣୀଧର ସାହୁ । ତାଙ୍କୁ ଅଚେତ ଅବସ୍ଥାରେ ଦେଖି ତାଙ୍କ ପତ୍ନୀ ଓ ସ୍ଥାନୀୟ ଗ୍ରାମବାସୀ ନିକଟସ୍ଥ ଆନନ୍ଦପୁର ମେଡିକାଲରେ ଭର୍ତ୍ତି କରିଥିଲେ । ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଆନନ୍ଦପୁର
ସୂଚନା ଅନୁଯାୟୀ ମୃତ ଧରଣୀଧର ସାହୁ ହେଉଛନ୍ତି ଘଷିପୁରା ଥାନା ବେଲବାହାଳୀ ଗ୍ରାମର ବାସିନ୍ଦା । ତେବେ ତାଙ୍କ ପରିବାର ଅତି ଗରିବ ହୋଇଥିବାରୁ ଧରଣୀଙ୍କ ମୃତ୍ୟୁ ପରେ ଦୁଇ ଛୋଟ ପୁଅ ଝିଅଙ୍କ ଲାଳନ ପାଳନ ଅତି କଷ୍ଟକର । ତେଣୁ ସରକାରୀସ୍ତରରେ ତାଙ୍କ ପରିବାରକୁ ସହାୟତା ଯୋଗାଇବା ପାଇଁ ସମ୍ପର୍କୀୟ ଓ ଗ୍ରାମବାସୀମାନେ ଦାବି କରିଛନ୍ତି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
