ଯାଜପୁର: ରାଜ୍ୟ ସାରା ଚାଲିଛି ଚତୁର୍ଥ ତଥା ଶେଷ ପର୍ଯ୍ୟାୟ ମତଦାନ । ୮ଟି ଜିଲ୍ଲାର ୬ ଲୋକସଭା ଓ ୪୧ ବିଧାନସଭା କ୍ଷେତ୍ରରେ ମତାଧିକାର ସାବ୍ୟସ୍ତ କରୁଛନ୍ତି ଜନତା ଜନାର୍ଦ୍ଦନ । ଇଭିଏମ୍ରେ ହେଭିୱେଟ୍ଙ୍କ ଭାଗ୍ୟ ସିଲ୍ ହେବା ପ୍ରକ୍ରିୟା ଚାଲିଛି । ଏପରିସ୍ଥଳେ ଯାଜପୁରରେ ଶୃଙ୍ଖଳିତ ଢଙ୍ଗରେ ମତଦାନ ପ୍ରକ୍ରିୟା ସମ୍ପାଦିତ ହେଉଛି ।
ଯାଜପୁରରେ ପୂର୍ବାହ୍ନ 2:30 ସୁଦ୍ଧା 34.45% ମତଦାନ ହୋଇସାରିଛି । ଏହି କ୍ରମରେ ହେଭିୱେଟ ପ୍ରାର୍ଥୀ ମତଦାନ କରୁଛନ୍ତି । କୋରେଇ ବିଧାୟକ ଆକାଶ ଦାସ ନାୟକ ମତ ସାବ୍ୟସ୍ତ କରିଛନ୍ତି । ମତଦାନ କେନ୍ଦ୍ରରେ ‘ଇଟିଭି ଭାରତ’ ପ୍ରତିନିଧି ତାଙ୍କୁ ଭେଟି ବିଜେଡିର ସ୍ଥିତି ନେଇ ଆଲୋଚନା କରିଥିଲେ ।
କୋରେଇର ବିଧାୟକ ନିଜର ନିର୍ବାଚନ ମଣ୍ଡଳ ଅନ୍ତର୍ଗତ ବ୍ୟାସନଗର ହାଇସ୍କୁଲର 72ନଂ ବୁଥରେ ତାଙ୍କ ମାଙ୍କ ସହିତ ଆସି ଭୋଟ ଦେଇଥିଲେ । ଏଥିସହିତ ଓଡ଼ିଶାରେ ବିଜେଡିର ସ୍ଥିତି ଟାଣ ରହିବା ସହ ନିଶ୍ଚିତ ସରକାର ଗଢ଼ିବା ନେଇ ଦୃଢୋକ୍ତି ପ୍ରକାଶ କରିଛନ୍ତି । ଏହାସହ ଦେଶ ଓ ସୁନ୍ଦର ରାଜ୍ୟ ଗଠନ ପାଇଁ ଏହି ମତଦାନ ଉତ୍ସବରେ ସମସ୍ତେ ସାମିଲ ହେବା ଦରକାର ବୋଲି କହିଛନ୍ତି
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ
