ବ୍ରହ୍ମପୁର: କୋଭିଡରୁ ସୁସ୍ଥ ହୋଇ ଘରକୁ ଫେରୁଥିବା ବ୍ୟକ୍ତି ବିଶେଷ ମାନେ ଏଣିକି ଟେଲିମେଡିସିନ୍ ମାଧ୍ୟମରେ ବ୍ରହ୍ମପୁର MKCG ରୁ ପାଇପାରିବେ ଚିକିତ୍ସା ପରାମର୍ଶ । କୋରୋନାରୁ ସୁସ୍ଥ ହେବା ପରେ ଅନେକ ରୋଗୀଙ୍କ ମଧ୍ୟରେ ଅନେକ ପ୍ରକାର ସ୍ବାସ୍ଥ୍ୟଗତ ସମସ୍ୟା ଦେଖିବାକୁ ମିଳିଥାଏ । ଯାହାକୁ ନେଇ ରୋଗୀଙ୍କ ପାଇଁ MKCG ମେଡିକାଲ କଲେଜ ଓ ହସ୍ପିଟାଲ୍ରେ ଟେଲି ମେଡିସିନ୍ ମାଧ୍ୟମରେ ପରାମର୍ଶ ଦେବେ ଡାକ୍ତରମାନେ ।
ପୂର୍ବରୁ କୋଭିଡକୁ ନେଇ ବିଭିନ୍ନ ରୋଗ ପାଇଁ ଟେଲିମେଡିସିନ୍ ସେବା ଜାରି ରହିଥିବା ବେଳେ ଏବେ ଏହି ନୂତନ ବ୍ୟବସ୍ଥା ଆରମ୍ଭ ହେବାକୁ ଯାଉଛି । ଏଥିପାଇଁ ଏମକେସିଜି ପକ୍ଷରୁ ଦୁଇଟି ଫୋନ୍ ନମ୍ବର ୭୬୫୫୦୫୧୬୦୨ ଏବଂ ୭୬୫୫୦୫୧୬୦୩ ଜାରି ହୋଇଛି। ସୋମବାର ଠାରୁ ଶନିବାର ଦିନ ୯ଟା ଠାରୁ ସନ୍ଧ୍ୟା ୫ଟା ଯାଏଁ ଏହି ସେବା ଜାରି ରହିବ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
