ଗଜପତି: କୋରୋନା ପାଇଁ ଲୋକେ ଘରୁ ବାହାରକୁ ଆସୁନାହାନ୍ତି । ତେଣୁ ବୁଲା ଗାଈଗୋରୁଙ୍କୁ ପେଜ ପାଣି ଟିକିଏ ବି ମିଳିବା ଏକ ପ୍ରକାର ବନ୍ଦ ହୋଇଯାଇଛି । ତେବେ ସେମାନଙ୍କ ପାଇଁ ଆଗକୁ ଆସିଛନ୍ତି ପାରଳାଖେମୁଣ୍ଡି ବିଧାୟକ କେ.ନାରାୟଣ ରାଓ ।
ନିରୀହ ପଶୁଙ୍କୁ ଖାଇବାକୁ ଦେଇ ପ୍ରଶଂସିତ ହେଲେ ପାରଳାଖେମୁଣ୍ଡି ବିଧାୟକ
ସେ ବୁଲା ଗାଈଗୋରୁଙ୍କୁ ଘାସ, ଫଳ ପରିବା କିଣି ଖାଇବାକୁ ଦେଉଥିବାବେଳେ ଭୋକିଲା ଗାଈଗୋରୁ ବି ଏହାକୁ ଖାଇ ନିଜ ଭୋକ ମେଣ୍ଟାଇ ପାରୁଛନ୍ତି । ବିଧାୟକଙ୍କ ଏଭଳି କାର୍ଯ୍ୟକୁ ବିଭିନ୍ନ ମହଲରେ ସ୍ବାଗତ କରାଯାଇଛି ।
ପାରଳାଖେମୁଣ୍ଡି ବିଧାୟକ ପ୍ରତିକ୍ରିୟାରେ କହିଛନ୍ତି ଯେ, ଲକ୍ ଡାଉନ୍ ସମୟରେ ସମସ୍ତେ ନିଜ ପାଇଁ କିଭଳି ଗଣ୍ଡେ ଦାନା ଯୋଗାଡ କରିବେ ତାହାକୁ ନେଇ ବ୍ୟସ୍ତ । ଏଭଳି ସ୍ଥିତିରେ ଲୋକେ ବୁଲା ଗାଈଗୋରୁଙ୍କ କଥା ଭାବିବା ବି କଷ୍ଟ । ସେମାନେ କହି ପାରୁନଥିବାରୁ ତାଙ୍କ କଥା କେହି ବୁଝିବାକୁ ବି ପ୍ରୟାସ କରୁନାହାନ୍ତି । କେବଳ ମୁଁ ନୁହେଁ, ସମସ୍ତେ ଏଭଳି କରିବା ଆବଶ୍ୟକ ବୋଲି ସେ କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
