ଢେଙ୍କାନାଳ : ନିଜର ଖାମଖିଆଲି ନୀତି ଯୋଗୁଁ ଗାଧୋଇବାକୁ ଯାଇ ବ୍ରାହ୍ମଣୀ ନଦୀରେ ଭାସିଯାଇଛନ୍ତି ଜଣେ ଯୁବକ । ସେ ନଦୀରେ ନିଖୋଜ ଥିବା ବେଳେ ତାଙ୍କୁ ଖୋଜିବା କାର୍ଯ୍ୟରେ ଲାଗି ପଡିଛନ୍ତି ସ୍ଥାନୀୟ ଦମକଳ ବାହିନୀ । ଏପରି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଅନ୍ତର୍ଗତ ବିଡୋ ଗ୍ରାମରେ । ନିଖୋଜ ଯୁବକ ଜଣଙ୍କ ପରଜଙ୍ଗ ଥାନା ଅନ୍ତର୍ଗତ ରୋଡ଼ ଗ୍ରାମର ପରମା ନାୟକ ବୋଲି ଜଣାପଡିଛି ।
ଗାଧୋଉଥିବା ବେଳେ ବ୍ରହ୍ମଣୀ ନଦୀରେ ଭାସିଗଲେ ଯୁବକ
ପରମା ବିଡୋ ଗ୍ରାମକୁ ଆସିଥିବାବେଳେ ଗୁରୁବାର ସେ ବ୍ରାହ୍ମଣୀ ନଦୀକୁ ଗାଧୋଇବାକୁ ଯାଇଥିଲେ । ତେବେ ନଦୀରେ ଖାମଖିଆଲି ଭାବେ ପାଣିରେ ଖେଳୁଥିବା ବେଳେ ଅଚାନକ ଭାସି ଯାଇଥିଲେ । ଏପରିକି ନଦୀରେ ସେ ନିଖୋଜ ହୋଇଯାଇଥିବା ଜଣାପଡିଛି । ଖବର ପାଇ ହିନ୍ଦୋଳରୋଡ଼ ଦମକଳ ବାହିନୀ ପହଞ୍ଚି ବ୍ରାହ୍ମଣୀରେ ଖୋଜଖୋଜି କରୁଛନ୍ତି । ମାତ୍ର ନିଖୋଜ ଯୁବକଙ୍କ ପତ୍ତା ମିଳିପାରି ନାହିଁ ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
