ବରଗଡ: ବାଇକରେ ଚାରିଜଣ ଯାଉଥିବା ବେଳେ ଟ୍ରକ ସହିତ ହୋଇଥିଲା ଦୁର୍ଘଟଣା ଓ ଘଟଣା ସ୍ଥଳରେ ବାଇକ ଆରୋହିଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୩ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି । ଅନ୍ୟପକ୍ଷେ ଦୁର୍ଘଟଣା ଘଟାଇ ଟ୍ରକ ଫେରାର ହୋଇଯାଇଥିବା ବେଳେ ପଦ୍ମପୁରରୁ ଛତିଶଗଡ଼ ରାସ୍ତାରେ ଏକ ସ୍ଥାନରେ ଟ୍ରକଟିକୁ ରଖିଦେଇ ଡ୍ରାଇଭର ଫେରାର ହୋଇଯାଇଛି ।
ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ବୁଡେନ ଥାନା ନିକଟରେ ଥିବା ଘଣ୍ଟେଶ୍ୱରୀ ଛକ ଠାରେ ଗୁରୁବାର ସଂନ୍ଧ୍ୟା ୬ଟା ୩୦ ମିନିଟ ସମୟରେ ଏକ ଅଜଣା ଟ୍ରକ ଧକ୍କାରେ ଜଣେ ଯୁବକଙ୍କ ମୃତ ହୋଇଥିବା ବେଳେ ୩ ଜଣ ଯୁବକ ଗୁରୁତର ହୋଇଥିବା ଜଣାପଡିଛି । ଲେଦ୍ରାପଲି ଗାଁର ଚାରିଜଣ ଯୁବକ ଗୋଟିଏ ବାଇକରେ ଯାଉଥିବା ବେଳେ ହଠାତ୍ ଏକ ଟ୍ରକ ତାଙ୍କୁ ଧକ୍କା ଦେଇଥିଲା ।
ତେବେ ୧୮ ବର୍ଷର ବାଇକ ଚାଳକ ଲଲିତ୍ ବରିହାଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ସେହି ଲେଦ୍ରାପଲି ଗାଁର ସୁନିଲ ବରିହା, ଜିଟ ବରିହା ଓ କୁନ୍ଦନ ବରିହା ଗୁରୁତର ଅବସ୍ଥାରେ ରାସ୍ତାରେ ପଡିରହିଥିଲେ । ଦୁର୍ଘଟଣା ସ୍ଥଳକୁ ବୁଡେନ ପୋଲିସ ପହଞ୍ଚି ଦୁର୍ଘଟଣାରେ ଆହତ ହୋଇଥିବା ଯୁବକ ମାନଙ୍କୁ ପଦ୍ମପୁର ହସ୍ପିଟାଲକୁ ଆଣିଥିଲେ ଓ ଚିକିତ୍ସା ପରେ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
