ବଲାଙ୍ଗୀର: ହାତୀ ଦାନ୍ତ(Elephant Tusk Seized) ତସ୍କରି ମାମଲାରେ ଦୁଇ ଜଣ ଗିରଫ । ତଦନ୍ତ କରି ଆଜି(ଗୁରୁବାର) ଏମାନଙ୍କୁ ଗିରଫ କରିଛି ବନ ବିଭାଗ । ବଲାଙ୍ଗୀର ଜିଲ୍ଲା ବାହାରୁ ଏହି ତସ୍କରୀ ଚାଲିଥିବା ଜଣାପଡ଼ିଛି ।
ସୂଚନା ଅନୁସାରେ ଜିଲ୍ଲାରେ STF ଦ୍ବାରା ଗତକାଲି(ବୁଧବାର) ତୁଷୁରା ଥାନା ଅନ୍ତର୍ଗତ ଘୁନା ଗ୍ରାମ ରାସ୍ତାରେ ହାତୀ ଦାନ୍ତ ତସ୍କରି ସମୟରେ ଚଢାଉ କରିଥିଲା । ଏଥିରେ ସମ୍ପୃକ୍ତ ଥିବା ନିମୁଡ ସିଂହା ଗ୍ରାମର 2 ଜଣ ମଧୁ ଭୋଇ ଓ ବିପୁଳ ବାଗଙ୍କୁ ବନ ବିଭାଗ ଗିରଫ କରିବା ସହ 36 ଇଞ୍ଚର 8 କେଜି 9 ଶହ ଗ୍ରାମର ହାତୀ ଦାନ୍ତ ଜବତ କରିଛି । ଏହି ଦାନ୍ତ ଦୁଇ ମାସ ତଳେ କଟା ଯାଇଥିବାର ବନ ବିଭାଗ କହିଛି ।
Elephant Tusk Seized Case: ମାମଲାରେ ସମ୍ପୃକ୍ତ 2 ଗିରଫ
ହାତୀ ଦାନ୍ତ କେଉଁଠି ଆସିଲା, କେମିତି ଆସିଲା ତାହାର ତଦନ୍ତ ଚାଲିଥିବାବେଳେ ଜିଲ୍ଲା ବାହାରୁ ଆସିଥିବା ପ୍ରାଥମିକ ତଦନ୍ତରୁ ଅନୁମାନ କରିଛି ବନ ବିଭାଗ । ଏହି ତସ୍କରିର ପର୍ଦ୍ଦାଫାଶ କରିବାକୁ ବନବିଭାଗ ତଦନ୍ତ କରୁଥିବା କହିଛି ।
ବଲାଙ୍ଗୀରରୁ ଶେଖ ମହମ୍ମଦ ୱାହିଦ, ଇଟିଭି ଭାରତ
