ଅନୁଗୋଳ: ଭିଜିଲାନ୍ସ ଜାଲରେ ଲାଞ୍ଚୁଆ ସରକାରୀ କର୍ମଚାରୀ । ଅନୁଗୋଳ ଜିଲ୍ଲାରେ ରାଜସ୍ବ ନିରୀକ୍ଷକ(ଆରଆଇ) 2 ହଜାର ଟଙ୍କା ଲାଞ୍ଚ ନେଉଥିବାବେଳେ ଭିଜିଲାନ୍ସ ଦ୍ବାରା ଗିରଫ ହୋଇଥିବା ଜଣାପଡିଛି ।
ଗିରଫ କର୍ମଚାରୀ ଜଣଙ୍କ ହେଉଛନ୍ତି କଣଲୋଇର ଆରଆଇ ଜଗବନ୍ଧୁ ନାଏକ । କଣଲୋଇ ଗାଁର ଘାସିରାମ ବେହେରାଙ୍କ ଏକ ଜାଗା ମାପ କରିବାର ଥିଲା । ମାପ ପାଇଁ ଆବେଦନ କରିଥିଲେ ମଧ୍ୟ ରାଜସ୍ବ ନିରୀକ୍ଷକ ଜଗବନ୍ଧୁ ଟଙ୍କା ଦାବି କରିବା ସହ ବାରମ୍ବାର ଦଉଡାଉ ଥିଲେ । ଏଥିପାଇଁ ଘାସିରାମ ଭିଜିଲାନ୍ସର ଦ୍ବାରସ୍ଥ ହୋଇଥିଲେ ।
ଆଜି ଜଗବନ୍ଧୁ ଘାସିରାମଙ୍କ ଠାରୁ ୨ ହଜାର ଟଙ୍କା ଲାଞ୍ଚ ନେଉଥିବାବେଳେ ତାଙ୍କୁ କାବୁ କରିଛି ଭିଜିଲାନ୍ସ । ତେବେ ଗିରଫ ଆରଆଇ ଜଗବନ୍ଧୁଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି କହିଛନ୍ତି ଭିଜିଲାନ୍ସ ଡିଏସପି ପ୍ରଦୀପ ପ୍ରଧାନ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ