ଅନୁଗୋଳ: ନିର୍ବାଚିତ ଲୋକ ପ୍ରତିନିଧିଙ୍କ କଥା ଶୁଣୁନାହାନ୍ତି ସରକାରୀ ଅଧିକାରୀ (Neglect of Panchayat representative)। ବ୍ଲକସ୍ତରରେ କାମ କରୁଥିବା ଜେଇ ଓ ଅନ୍ୟ ଅଧିକାରୀ ସରପଞ୍ଚ ଓ ସମିତି ମେମ୍ବରଙ୍କ ଅଜାଣତରେ କରୁଛନ୍ତି କାମ । ଯାହାକୁ ନେଇ କ୍ଷୋଭ ପ୍ରକାଶ କରିବା ସହ ଘଟଣା ନେଇ ଜିଲ୍ଲାପାଳଙ୍କୁ ଅବଗତ କରାଇଛନ୍ତି । ଯଦି ସମାଧାନ ନହୁଏ ତେବେ ଆନ୍ଦୋଳନର ଚେତାବନୀ ଦେଇଛନ୍ତି ନୂଆ ନିର୍ବାଚିତ ହୋଇଥିବା ସରପଞ୍ଚ ଓ ସମିତି ସଭ୍ୟ ।
ଅନୁଗୋଳ ବ୍ଲକରେ ସରକାରୀ ଅଧିକାରୀମାନେ କରୁଛନ୍ତି ମନମୁଖୀ କାର୍ଯ୍ୟ । ଏହାକୁ ବିରୋଧ କରିଛନ୍ତି ବିଭିନ୍ନ ପଞ୍ଚାୟତର ଲୋକ ପ୍ରତିନିଧି । ଏନେଇ ଗତକାଲି ବହୁ ସଂଖ୍ୟକ ସରପଞ୍ଚ ଓ ସମିତି ସଭ୍ୟ ଅନୁଗୋଳ ଜିଲ୍ଲାପାଳଙ୍କୁ ଭେଟି ତାଙ୍କ ପ୍ରତି ହେଉଥିବା ଅନ୍ୟାୟ ସମ୍ପର୍କରେ ଲିଖିତ ଅଭିଯୋଗ କରିଛନ୍ତି । ଯଦି ସେମାନଙ୍କ ଦାବି ପୂରଣ କରାନଯାଏ ତେବେ ଆଗାମୀ ଦିନରେ ସେମାନେ ଆନ୍ଦୋଳନ କରିବେ ବୋଲି ଧମକ ଦେଇଛନ୍ତି ।
ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରତାପ ପ୍ରଧାନ ଓ ଅନ୍ୟ ନେତା ମାନଙ୍କ ନେତୃତ୍ୱରେ ପ୍ରତିନିଧିମାନେ ଜିଲ୍ଲାପାଳଙ୍କୁ ଭେଟି ନିଜର ଦାବି ଜଣାଇଛନ୍ତି । ବିଶେଷ କରି ବ୍ଲକର ଜେଇମାନେ ମନମୁଖୀ କାର୍ଯ୍ୟ କରୁଥିବା ନେଇ ଅଭିଯୋଗ ଆଣିଛନ୍ତି । ଏ ସମ୍ପର୍କରେ ବିଜେପି ନେତା ପ୍ରତାପଚନ୍ଦ୍ର ପ୍ରଧାନ କହିଛନ୍ତି ,''ଜିଲ୍ଲାପାଳଙ୍କ ପାଖରେ ଯେତେ ସରପଞ୍ଚ, ସମିତି ସଭ୍ୟ ଅନୁଗୋଳ ବ୍ଲକର ସମସ୍ତେ ମିଶି ଏକ ଦାବିପତ୍ର ଦେଇଛୁ । ଗତ ୮ ମାସ ହେଲା ସମିତି ସଭ୍ୟ ଓ ସରପଞ୍ଚଙ୍କ ମଧ୍ୟରେ ଯେଉଁ ବୈଠକ ହେବାକଥା ତାହା ଅନୁଗୋଳ ବ୍ଲକରେ ହୋଇନାହିଁ । ଫଳରେ ଅନୁଗୋଳ ବ୍ଲକରେ କୌଣସି ଉନ୍ନତିମୂଳକ କାର୍ଯ୍ୟ ହୋଇପାରୁନି । ପଞ୍ଚାୟତରେ ପ୍ରତି ମାସରେ ବୈଠକ ଚାଲିଛି । ହେଲେ ବ୍ଲକରେ କୌଣସି ବୈଠକ ହେଉନାହିଁ । ଏଠି ଜେଇ ଓଡିଶାର ସର୍ବେସର୍ବା ।’’
‘‘ଜେଇ ମାନେ ଭାବୁଛନ୍ତି ଅନୁଗୋଳ ବ୍ଲକର ଯେଉଁ ସମ୍ପତ୍ତି ତାହା ତାଙ୍କର ପୈତୃକ ସମ୍ପତ୍ତି । ଜଦି ସେମାନଙ୍କ ପାଖକୁ କୌଣସି ଅନୁଗୋଳ ବ୍ଲକର କଥା ନେଇ ଆମେ ପହଞ୍ଚୁଛୁ ତାହାଲେ ସେମାନେ କହୁଛନ୍ତି ଆମ କାର୍ଯ୍ୟକାଳ ଏଠାରେ କମ ସମୟ ଅଛି । ତେଣୁ ଆମେ ଆଉ କାହିଁକି ଏଠିକାର ଉନ୍ନତି କଥା ଚିନ୍ତା କରିବୁ । ନା ଆମ କଥା ବିଡିଓ ଶୁଣୁଛନ୍ତି ନା ଦଲାଲ ନା ଜେଇ । ମନଇଚ୍ଛା ଚଳାଇଛନ୍ତି କାମ । ତେଣୁ ଜିଲ୍ଲାପାଳ ଏଥିପ୍ରତି ଦୃଷ୍ଟି ଦିଅନ୍ତୁ'' । ସେପଟେ ବିଜେପି ନେତା ପ୍ରଭାତ ପ୍ରଧାନ କହିଛନ୍ତି ''ଯେ ପର୍ଯ୍ୟନ୍ତ ଦାବି ପୂରଣ ନହୋଇଛି କି ଜିଲ୍ଲାପାଳ ଆମ କଥା ଶୁଣିି ନାହାଁନ୍ତି ସେ ପର୍ଯ୍ୟନ୍ତ ଅନିଶ୍ଚିତତା ପାଇଁ ବ୍ଲକକୁ ବନ୍ଦ କରିଦିଆଯିବ''।
ଇଟିଭି ଭାରତ, ଅନୁଗୋଳ
