ଅନୁଗୋଳ: ଯାଯାବର ନାବାଳିକା ଦୁଷ୍କର୍ମ ଘଟଣାରେ ଥମୁନି ପ୍ରତିବାଦ । ଗତ ରବିବାର ଅନୁଗୋଳରେ ଘଟିଥିବା ଯାଯାବର ନାବାଳିକା ଦୁଷ୍କର୍ମ ଘଟଣାକୁ 36 ଘଣ୍ଟା ବିତିଥିଲେ ବି ଏପର୍ଯ୍ୟନ୍ତ ପୋଲିସର ହାତ ଖାଲି ରହିଛି। ସେପଟେ ପୀଡିତାକୁ ନ୍ୟାୟ ଦେବା ଦାବିରେ ପ୍ରତିବାଦର ସ୍ବର ବଢ଼ିବାରେ ଲାଗିଛି । ସୋମବାର ସକାଳେ ଏହି ଘଟଣାରେ ବିଜେପି ପରେ ସନ୍ଧ୍ୟାରେ ଆନ୍ଦୋଳନକୁ ଓହ୍ଳାଇଥିଲା ଏସୟୁସିଆଇ(କମ୍ୟୁନିଷ୍ଟ)ଦଳ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ଘଟଣାକୁ ନିନ୍ଦା କରିବା ସହ ପୋଲିସର ଅପାରଗତାକୁ ଦାୟୀ କରିଛି ଦଳ । ତୁରନ୍ତ ଦୁଷ୍କର୍ମକାରୀକୁ ଗିରଫ କରିବା ସହ ପରିବାରକୁ ସାହାଯ୍ୟ ଓ ପୀଡିତାର ଚିକିତ୍ସା ଖର୍ଚ୍ଚ ସରକାର ବହନ କରିବାକୁ ସଂଗଠନ ଦାବି କରିଛି ।
ସୂଚନାଯୋଗ୍ୟ ଯେ, ୮ ବର୍ଷର ନାବାଳିକାଙ୍କୁ ରାତି ଅଧରେ ଉଠାଇନେଇ ଦୁଷ୍କର୍ମ କରିବା ପରେ ଅଳିଆ ଗଦାରେ ଫିଙ୍ଗି ଦେଇଥିଲେ ଦୁର୍ବୃତ୍ତ । ଯାଯାବର ନାବାଳିକା ନିଜ ପରିବାର ସହ ରାସ୍ତାକଡରେ ଶୋଇଥିବା ବେଳେ ଦୁର୍ବୃତ୍ତ ଏଭଳି କାଣ୍ଡ କରିଛନ୍ତି ଅନୁଗୋଳରେ।
ଅନୁଗୋଳରୁ ସଂଗ୍ରାମରଞ୍ଜନ ନାଥ, ଇଟିଭି ଭାରତ
