ଅନୁଗୋଳ: ଜିଲ୍ଲାରୁ ହାତୀ ଦାନ୍ତ ଜବତ । ଏହି ଘଟଣାରେ ଦୁଇ ଜଣଙ୍କୁ ଗିରଫ କରାଯାଇଛି। ଜିଲ୍ଲାର ଦେବଗଡ ବନଖଣ୍ଡ ଖମାର ଅଞ୍ଚଳରୁ ଦୁଇଟି ହାତୀଦାନ୍ତ ଜବତ କରିଛି ବନ ବିଭାଗ ।
ଜବତ ଦୁଇ ହାତୀ ଦାନ୍ତର ଓଜନ ଅଢେଇ କେଜି । ଗିରଫ ଅଭିଯୁକ୍ତ ରୋହିରା ଗାଁର ମିଟୁ ବେହେରା ଓ ରାଜୁ କଣ୍ଡାଲ। ଯୋଜନା ମୁତାବକ ବନ କର୍ମଚାରୀମାନେ ହାତୀଦାନ୍ତ କିଣିବାକୁ ଗରାଖ ହିସାବରେ ଯାଇ ଧରିଥିଲେ।
ଏନେଇ ବିଭାଗ ପକ୍ଷରୁ ଅଧିକ ତଦନ୍ତ ଜାରି ରହିଛି । ଗତ ଦୁଇ ମାସ ତଳ ପାଲଲହଡ଼ାରେ ଏକ ଦନ୍ତା ହାତୀକୁ ମାରି ତାର ଦାନ୍ତ କାଟି ନେଇଥିଲେ । ଏହା ସେଇ ଦାନ୍ତ କି ନୁହେଁ ସେ ନେଇ ଅଧିକ ତଦନ୍ତ ଜାରି ରହିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
