ରାଜକୋଟ: ଭାରତୀୟ କ୍ରିକେଟ ଟିମର ବ୍ୟାଟ୍ସମ୍ୟାନ ଚେତେଶ୍ବର ପୂଜାରା ବି ଲକ୍ ଡାଉନ୍ ସମୟରେ ନିଜ ଘରେ ସମୟ କାଟୁଛନ୍ତି । କୋରୋନା ଭାଇରସ ଯୋଗୁଁ 21ଦିନ ପାଇଁ ଭାରତରେ ଲକ୍ ଡାଉନ୍ କରାଯାଇଛି ।
ତେବେ ପୂଜାରା ଏକ କ୍ରିକେଟ ଓ୍ବେବସାଇଟ୍ରେ ଲକ୍ ଡାଉନ୍ ସମୟରେ କିପରି ସମୟ କାଟୁଛନ୍ତି କହିଛନ୍ତି । ସେ କହିଛନ୍ତି ଯେ, ମୁଁ ଏହି ପରିବର୍ତ୍ତନକୁ ସ୍ବାଗତ କରୁଛି । ମୁଁ ଏହି ବେଳାରେ ନିଜ ସହ ସମୟ ବିତାଉଛି । ଯେତେବେଳେ ଏକୁଟିଆ ଥାଏ ବହି ପଢେ ଓ ଟିଭି ଦେଖିବାକୁ ପସନ୍ଦ କରେ ।
ଆହୁରି ମଧ୍ୟ କହିଛନ୍ତି, ମୋ ଝିଅ ସବୁବେଳେ ଖେଳୁଥାଏ । ମୋର ପ୍ରାୟ ଅଧିକାଂଶ ସମୟ ତା' ସହ କଟୁଛି । ପ୍ରତିଦିନ ପତ୍ନୀଙ୍କ କାମରେ ସାହାଯ୍ୟ କରୁଛି । ଏଥିସହ ଦେଶବାସୀଙ୍କୁ ଅପିଲ କରିଛନ୍ତି ଘରେ ରୁହନ୍ତୁ ଓ କାହା ସହ ହାତ ମିଶାନ୍ତୁ ନାହିଁ ।
