ଜୋହାନ୍ସବର୍ଗ: କ୍ରିକେଟ୍ ଦକ୍ଷିଣ ଆଫ୍ରିକା ‘ବ୍ଲାକ ଲାଇଭସ୍ ମ୍ୟାଟର' ଆନ୍ଦୋଳନକୁ ସମର୍ଥନ ଜଣାଇ କହିଛି ଯେ ସେମାନେ ସମସ୍ତ ପ୍ରକାର ଭେଦଭାବ ସହିତ ଜଡିତ ବିଷୟ ଉପରେ ଅନ୍ୟମାନଙ୍କୁ ଶିକ୍ଷା ଦେବା ତଥା ଶୁଣିବା ପାଇଁ ଏକ ଜାତୀୟ କ୍ରୀଡ଼ା ସଂସ୍ଥା ଭାବରେ ନିଜକୁ ବ୍ୟବହାର କରିବେ ।
ବ୍ଲାକ ଲାଇଭସ୍ ମ୍ୟାଟର । ଏହା ଖୁବ ସହଜ । ଆମେ ଏକ ଜାତୀୟ କ୍ରୀଡ଼ା ସଂସ୍ଥା ଯାହା 56 ମିଲିୟନ ଲୋକଙ୍କ ପ୍ରତିନିଧିତ୍ବ କରୁ । ତେଣୁ ଏହା ଗୁରୁତ୍ବପୂର୍ଣ୍ଣ ଯେ ଆମେ ଆମ ସ୍ବରକୁ ଶିକ୍ଷା ଦେବା ପାଇଁ ବ୍ୟବହାର କରିବା ସହ ଅନ୍ୟନ୍ୟା ବିଷୟ ଗୁଡ଼ିକ ଶୁଣିବୁ ଯାହା ସମସ୍ତ ପ୍ରକାର ଭେଦଭାବ ସହିତ ଜଡିତ, ବୋଲି CSA କାର୍ଯ୍ୟକାରୀ ସିଇଓ ଜ୍ୟାକ ଫଲ ଏକ ବିବୃତ୍ତିରେ କହିଛନ୍ତି।
ଜୁଲାଇ 18 ରେ ନେଲସନ ମାଣ୍ଡେଲା ଅନ୍ତର୍ଜାତୀୟ ଦିବସରେ କ୍ରିକେଟ ସାଉଥ ଆଫ୍ରିକା ବିଏଲଏମ ଅଭିଯାନ ମାଧ୍ୟମରେ ଜାତି-ବର୍ଣ୍ଣ ଭେଦ ବିରୋଧୀ ବାର୍ତ୍ତା ବିସ୍ତାର କରିବ ବୋଲି ସେ କହିଛନ୍ତି।
18 ଜୁଲାଇରେ ନେଲସନ ମାଣ୍ଡେଲା ଅନ୍ତର୍ଜାତୀୟ ଦିବସ ପାଳନ ଅବସରରେ, ସିଏସଏ ବିଏଲଏମ ଅଭିଯାନ ମାଧ୍ୟମରେ ଜାତି-ବର୍ଣ୍ଣ ଭେଦ ବିରୋଧୀ ବାର୍ତ୍ତା ବିସ୍ତାର କରିବ ଯେତେବେଳେ ଆମେ ସମସ୍ତ ପ୍ରକାର ହିଂସା ଏବଂ ବିଶେଷ ଭାବରେ ଲିଙ୍ଗ ଭିତ୍ତିକ ହିଂସା ଏବଂ ବିଭିନ୍ନ ପ୍ରକାରର ବିପର୍ଯ୍ୟୟ ବିରୁଦ୍ଧରେ କହିବୁ ଯାହା ଆମ ସମାଜ ଏବଂ ସଂଗଠନ ପାଇଁ ଗୁରୁତ୍ବପୂର୍ଣ୍ଣ ।
ଏହାପୂର୍ବରୁ ସିଏସଏ କ୍ରିକେଟ ନିର୍ଦ୍ଦେଶକ ଗ୍ରେମ୍ ସ୍ମିଥ୍ କହିଥିଲେ ଯେ ସେମାନେ ବ୍ଲାକ ଲାଇଭସ୍ ମ୍ୟାଟର ଆନ୍ଦୋଳନକୁ ସମର୍ଥନ ଜଣାଇବା ପାଇଁ ଆଲୋଚନା କରିବେ କିନ୍ତୁ 3TC ମ୍ୟାଚ ପାଇଁ ଜର୍ସିରେ ବିଏଲଏମ ଲୋଗୋ ରହିବା ସମ୍ଭବ ନୁହେଁ।
ଆମେ ଏହାକୁ ନିୟନ୍ତ୍ରଣ କରିବାର ବିଭିନ୍ନ ଉପାୟ ବିଷୟରେ ଆଲୋଚନା କରୁଛୁ। କିଟ୍ ପୂର୍ବରୁ ପ୍ରିଣ୍ଟ ହେବାକୁ ଯାଇଛି। ଦକ୍ଷିଣ ଆଫ୍ରିକୀୟ ଭାବରେ ଆମେ ଏହା ଜାଣିବା ଆବଶ୍ୟକ ଯେ ଆମେ ଏହା ଉପରେ କିପରି ପ୍ରଭାବଶାଳୀ ହୋଇପାରିବା ଓ ଅର୍ଥଯୁକ୍ତ ହୋଇ ପାରିବା ଏବଂ ଏହା କିପରି ପ୍ରଭାବ ପକାଇବ ତାହା ମଧ୍ୟ ଜାଣିବା ଆବଶ୍ୟକ, ବୋଲି ସ୍ମିଥ କହିଛନ୍ତି ।
ସ୍ମିଥ କହିଛନ୍ତି ଯେ ଆମେ ସମସ୍ତେ ନିଜ ନିଜ ଛୋଟ ପକେଟରେ ଅଛୁ ଏବଂ ମୁଁ ଭାବୁଛି ଏହା ଗୁରୁତ୍ବପୂର୍ଣ୍ଣ ଯେ ଭବିଷ୍ୟତରେ ଆମେ ସମସ୍ତେ ଏକାଠି ହୋଇ ବ୍ଲାକ୍ ଲାଇଭସ୍ ମ୍ୟାଟର୍ ଆନ୍ଦୋଳନରେ କିପରି ଆମର ଭୂମିକା ଗ୍ରହଣ କରିପାରିବା ତାହା ଜାଣିବା ।
ମେ ମାସରେ ଆମେରିକାର ମିନିଆପଲିସ ପୋଲିସ କର୍ମଚାରୀଙ୍କ ଦ୍ବାରା ଆଫ୍ରିକୀୟ-ଆମେରିକୀୟ ଜର୍ଜ ଫ୍ଲଏଡଙ୍କ ମୃତ୍ୟୁ ପରେ 'ବ୍ଲାକ୍ ଲାଇଭସ୍ ମ୍ୟାଟର' ଆନ୍ଦୋଳନ ସମଗ୍ର ବିଶ୍ବରେ ତୀବ୍ର ହୋଇଛି।
ଜାତି ଓ ବର୍ଣ୍ଣ ଭେଦ ବିରୋଧରେ ସ୍ବର ଉତ୍ତୋଳନ କରିବାକୁ କ୍ରିକେଟ ବର୍ତ୍ତମାନ ମାଧ୍ୟମ ହୋଇପାରିଛି। ସାଉଥମ୍ପଟନ ଟେଷ୍ଟ ଆରମ୍ଭ ପୂର୍ବରୁ ଇଂଲଣ୍ଡ ଖେଳାଳିମାନେ ଗୋଟିଏ ଆଣ୍ଠୁ ମାଡ଼ିବସି ସେମାନଙ୍କ ୱେଷ୍ଟ ଇଣ୍ଡିଜ ପ୍ରତିପକ୍ଷଙ୍କ ସହ ଯୋଗ ଦେଇଥିଲେ ଏବଂ ଉଭୟ ଦଳ ମଧ୍ୟ ନିଜ ନିଜ ଜର୍ସିରେ ଏକ BLM ଏମବ୍ଲେମ ପିନ୍ଧିଥିଲେ।
@IANS
