ସିଡନି: ଅଷ୍ଟ୍ରେଲିଆ-ନ୍ୟୁଜିଲାଣ୍ଡ ମଧ୍ୟରେ 3 ମ୍ୟାଚ ବିଶିଷ୍ଟ ଟେଷ୍ଟ ସିରିଜର 3ୟ ମ୍ୟାଚ ସିଡନି ଗ୍ରାଉଣ୍ଡରେ ଖେଳାଯାଉଛି। ପ୍ରଥମ ଟସ ଜିତି ଅଷ୍ଟ୍ରେଲିଆ କ୍ୟାପଟେନ ଟିମ ପେଇନ ବ୍ୟାଟିଂ ନିଷ୍ପତ୍ତି ନେଇଥିଲେ। ପ୍ରଥମ ଦିନ ଷ୍ଟମ୍ପ ଅପସାରଣ ସୁଦ୍ଧା ଅଷ୍ଟ୍ରେଲିଆର ସ୍କୋର 283/3 ରହିଛି।
ଅଷ୍ଟ୍ରେଲିଆ ପକ୍ଷରୁ ଯୁବ ବ୍ୟାଟ୍ସମ୍ୟାନ ମାର୍ନସ ଲବୁସାନ ଦମଦାର ଶତକ ହାସଲ କରିଛନ୍ତି। ଲବୁସାନ 130 ରନ ସହ ଅପରାଜିତ ଅଛନ୍ତି। ଡେଭିଡ ୱାର୍ଣ୍ଣର 45, ଷ୍ଟିଭ ସ୍ମିଥ 63 ଓ ଜୋ ବର୍ଣ୍ଣସ 18 ରନ କରି ଆଉଟ ହୋଇଛନ୍ତି। ମାଥ୍ୟୁ ୱେଡ 22 ରନ ସହ ଅପରାଜିତ ରହିଛନ୍ତି।
ନ୍ୟୁଜିଲାଣ୍ଡ ପକ୍ଷରୁ କଲିନ ଗ୍ରାଣ୍ଡହୋମ ସର୍ବାଧିକ 2ଟି ୱିକେଟ ଅକ୍ତିଆର କରିଛନ୍ତି। ନେଲ ୱାଗନର ଗୋଟିଏ ୱିକେଟ ହାସଲ କରିଛନ୍ତି । ପ୍ରଥମ 2ଟି ଟେଷ୍ଟରେ ବିଜୟୀ ହୋଇ ଅଷ୍ଟ୍ରେଲିଆ ପୂର୍ବରୁ ସିରିଜ କବ୍ଜା କରିସାରିଛି।
